يقولون العرب .. ان الغرام اعمى

البارت الثالث عشر

《 البارت الثالث عشر》
‹ لايك لطفًا🌷›

" عند متعب والغلا فوق الجبل والجو براد ويدهم شابكينها ببعض ، ناظرته الغلا بحب وعيونها تلمع من موقفهم السعيد
متعب ابتسم وناظرها بحب وعيونه صوب مبسمها الامع ونطق : بكره بمرك نروح نشوف ترتيبات الاثاث لبيتنا ان شاء الله..
ابتسمت الغلا برضا : ان شاء الله
متعب ابتسم وكمل يناظر بالمنظر العالي اللي قدامهم ..
الغلا فتحت جوالها تلتقط ليدهم صورة سعيده وهم شابكينها ببعض ابتسم متعب يتأملها وهي تلتقط الصوره لهم ..
الغلا: وشفيك تضحك ؟؟؟
متعب ابتسم : اضحك عليك
الغلا : عليي ؟؟
متعب ابتسم وقرب لها اكثر : ليه حرام ؟؟؟
الغلا : لا مب حرام ..
ابتسم متعب والغلا على جوالها ومتعب سحب جوالها من يدها وهمس : خلينا نعيش لحظاتنا مع بعض بدون جوالات او اجهزه !!
الغلا ابتسمت وناظرته بهدوء نطقت : طيب
متعب ابتسم وهمس : الصدق اني ودي ابوسك الحين وش رايك ؟؟
ناظرته الغلا بصدمه وهي مكشره ونطقت : لا طبعا م يصير ما كفتك بوسة خدي ؟؟
ناظرها متعب بضحكه خفيفه : هي حلوه بس م شبعت !!
الغلا نطقت بخوف : يكفي ي متعب خلاص قم نمشي !!
متعب ابتسم وشدها من يدها بقوه لحضنه وهمس باذنها: احبك لما تنفعلين كذا !
الغلا وهي تقلد اسلوبه : م يضحك !!
متعب ابتسم : طيب ماراح اضحك عليك مره ثانيه
الغلا : ايوه شطوووور
ضحك متعب عليها وانفاسه صوب انفاسها وعيونه على مبسمها يتامله ، ناظرت بعيونه اللي على ثغرها الصغير وقالت بهدوء : متعب
متعب ابتسم : همم ؟؟
الغلا : نمشي ؟؟؟
متعب ابتسم ونطق : توووو الناس !
قرب لـ ثغرها الصغير مقارنة بمبسمه الكبير وطبع قبلته عليه ..
فتحت عيونها من الصدمه ومن حركته وكيف شعور القبله الاولى لهم ، شعورها بذا الوقت لا يوصف وهي بين احضانه وحوله ..
غمضت عيونها تستشعر بوسته وانفاسه ومتعب يعمق قبلته اكثر واكثر وكانه ياخذ ثمن الايام اللي راحت ذي كلها ..
باعد عنها بعد ثواني يوازن تنفسهم ، وجبينها على جبينه ناظر عيونها بهدوء وقال : اهخ كنت محتاج لـ طعمك كثير !!
ناظرته بصدمه وهي حاطه يدها على فمها ونطقت : قليل ادب !
ضحك متعب عليها وشدها لحضنه وحضنها وهمس : وش فيك معصبه زوجتي مب وحده غريبه
الغلا م ردت عليها ودفنت وجهها البريئ بحضنه من الخجل اما متعب ضحك عليها وعلى حركاتها الطفوليه ..
~ بعد ساعه ونص تقريبا رجعوا لـ سيارتهم ومتعب ماسك يدها وهو يسوق وكمل طريقه اللي دام لـ نصف ساعه والغلا نامت بالسياره من التعب ناظرها وضحك وقال بصوت هادئ: فديتك ي عيون متعب
..
متعب وصل بيتهم وهو متعمد انه م يخلي الغلا تفارقه نزلها وهو حاملها صحت الغلا من بين احضانه ونطقت بهدوء : وش تسوي ؟؟؟
متعب ابتسم : اوديك تنامين ..
الغلا لفت حولها تشوف المكان : ي كذاب !!
ضحك متعب ونزلها لما دخلوا البيت
الغلا : انت خاين ليه م قلت لي بتجي هنا !!
متعب ابتسم وبهدوء : وش فيك تراك بتنامين معي بعد شهرين
الغلا : م يضحك !!
متعب ابتسم: طيب يلا روحي لـ نجد داخل غرفتها ولو تبين تجين معي غرفتي م اقول لك لا !!
الغلا بصدمه : قليل ادب صدق !! انقلع
راحت الغلا فوق ركض لـ غرفة نجد دخلت وانصدمت نجد بوجودها : غلوووي ؟؟؟
الغلا : بنام عندك اليوم ..
نجد بفرحه : تنوريني حياك ، بس وش جابك ؟؟
نجد : اخوك متعب خاين جابني هنا وانا نايمه
ضحكت نجد : طيب بقوم اجيب لك بجامه من عندي تغيررين ملابسك وتنامين
الغلا ابتسمت : طيب
شالت عبايتها ونقابها وحطتهم على جنب ربطت شعرها وعطتها نجد البيجاما ولبستها ورجعت نجد الغرفه بيدها كوبين شاي بالنعناع
الغلا : تسلم يدك كنت محتاجته ..
نجد ابتسمت : الله يسلمك بالعافيه غلوووي
ايه كملي سولفي لي عن الدراسة وجو الجامعه والرياض ؟؟؟.
الغلا : حلوه الرياض والجامعه احلا صدق تمنيتكم كلكم معي ..
نجد ببتسامه : الله وناسه وناسه
الغلا : مره ..
نجد : طيب وش خطتك بالاجازه ؟؟؟
الغلا : يعني ماشاءالله طول اجازتي زواجات !! زواج سعود وشهد ومحمد وليان الله يعينا صدق !!
نجد ضحكت : صادقه الله يعينا ..!
الغلا : قررتي من وين بتشترين فستان زواج سعود ؟؟؟
نجد : الصدق لا يمكن بكره اخرج السوق واشوف !!
الغلا ابتسمت : حلو
نجد : طيب علمتيني ؟؟ وش اخر الاخبار بينك وبين متعب ؟؟؟ " وهي تغمز "
الغلا استحت ونطقت : الحمدلله كل شي بخير
نجد: حلو الله يوفقكم يارب واشوف عيالكم
ضحكت الغلا ونطقت : مستعجله نجود ؟؟.
نجد ضحكت وراها : مرههه
الغلا : تصدقين احس اسلوب شهد تغير مره معي واحسها عقلت ..
نجد : حسيت انا بعد نامت معي هذيك المره .. وسألتها انتي للحين تحبين متعب ؟؟ ردت علي وقالت انا اعترف اني غلطت مع الغلا ومتعب لكن انا الحين متزوجة وانا احب سعود زوجي .. واحسها كبرت بعيني بعد ذا الكلام ..
الغلا ابتسمت بهدوء : صدق كلامك ..
نجد : شفتي لما قلت لك اني حاسه انك لـ متعب ومافي شي راح يفرق بينكم ؟؟
الغلا ابتسمت : ايه ذكرت .. الحمدلله صدق
ابتسمت الغلا وحضنت نجد وكملوا سوالف وبعدها ناموا بعد يوم طويل ..
" اليوم اللي بعد في بيت احمد ابو فارس فـ الليل
في المجلس "
محمد جالس ومعه جواله دخلت ليان من الباب ومعها صينيه القهوه والشاي والحلا وهي بكامل زينها لبست فستان شبه قصير لونه اصفر فاتح مكشوف الكتف وشعرها الاشقر الناعم المفتوح ومكياجها الخفيف الناعم ، رفع راسه محمد وناظرها بحب وهي تحط الصينه عالطاوله جنبه
ليان نطقت ببتسامه : محمد وش تبي قهوه او شاهي ؟؟؟
محمد ابتسم : صبي لي قهوه
ليان ابتسمت: طيب
صبت له قهوه وصبت لها وجلست جنبه فتحت جوالها والتقطت صوره لهم وبيدهم القهوه وكتبت
' اول قهوه لنا مع بعض '
ابتسم محمد وقال بصوت هادئ : الله الله عالتفاصيل ..
ضحكت ليان وقالت : اعجبتك القهوه ؟؟
محمد ابتسم : دامها منك اكيد اعجبتني ..
ليان ابتسمت: عوافي
محمد : يعافي قلبك ..
محمد ابتسم ونطق : ايه صدق الا م قلتي لي متى ان شاء الله ناويه نسوي الزواج ؟؟؟؟
ليان : كيفك انت بس يعني نبي شوي وقت عشان يمديني اضبط اموري وكذا
محمد ابتسم : و وين تبين شهر العسل ؟؟؟
ابتسمت ليان : ودي بـ النمسا تجنن ماشاءالله
محمد ابتسم : حاضر م طلبتي شي ابشري
ليان : ابشر بالجنه
شربوا قهوتهم
محمد ابتسم ونطق : الله يقدرني واسعدك طول عمرك معي
ابتسمت ليان : امين والله يقدرني واعينك واسعدك انا بعد طول عمري ابتسم محمد لها وقرب مسك يدها وباسها بعمق وناظرها بحب وهمس لها : الله يخليك لي ولا يحرمني منك ..
ليان ابتسمت: ويخليك لي ولا يحرمني منك يارب ..
...
بعد مرور اسبوعين طول هذول الاسبوعين العايله تجهز لزواج سعود وشهد والبنات بذات محتاسين بالتجهيزات وشهد اكثر وحده متوتره من بينهم ..
" يوم زواج سعود وشهد
' في قاعة الزواج '
ليان حضنتها بقوه وعيونها دموع : الف مبروك حبيبتي اختي تتهنين يارب ربي يوفقك حبيبتي
شهد : حبيبتي انتي يبارك بعمرك
ليان ساعدتها تشيل الفستان وتنزل معها تزفها انفتح باب القاعه وطلت شهد بطلتها المميزه الزاهيه ، مشت بهدوء مع الحان زفتها الخاصه