يقولون العرب .. ان الغرام اعمى

البارت العاشر

《 البارت العاشر 》
‹ لايك لطفًا✨›

بعد مرور اسبوعين "
في بيت عقاب
ام فيصل : يلا يا الغلا بسرعه جيبي الاغراض بسيارة اخوك محمد انا بسبقك ..
الغلا من فوق الدرج : طيب ياماما يلا جايه
محمد : يلا ياجماعه تاخرنا بسرعه بيحطون الفطور وانا ما كليت
ضحكت الغلا : انت همك بطنك !!.
محمد : طيب يلا اخلصوا بسرعه هاتي ذا الكيس عنك
اخذ الاكياس معه وركبوا السياره وعقاب سبقهم للشاليه ..
في الشاليه في المجلس للرجال "
احمد :يافارس جيب معك الملاعق والاكواب البلاستك من السياره
سعود : خلاص ياعم انا اروح اجيبهم
فارس : جاي معك
متعب توه واصل الشاليه وقف سيارته ونزل منها طلع باكيت الدخان وبدا يدخن زقارته ..
وهو ينفث الدخان يتامل الجو : اهههخ يالغرام وش سويت فيني !.
جا سعود ومعه فارس
فارس : الله حيه العضيد
متعب اول ما شاف فارس تذكر الغلا ونفث الدخان بوجه فارس وقال بصوت هادئ : هلا فيك فارس
وناظر بـ سعود : سعود تعال  نزل معي اللحم وخله بالثلاجه حق الليل ..
سعود : طيب هات من يدك انا اوديه
ناظر سعود بـ فارس : فارس انت اخذ الكاسات والملاعق وانا بودي اللحم
فارس : طيب .. وانت ما بتدخل يامتعب ؟؟.
متعب بهدوء : داخل بس بدخن وبدخل .
سعود ضحك: طيب يلا يا فارس لا تاخذ كلام من جدك ما يعجبك
فارس ضحك: طيب طيب يلا جاي
دخل فارس ومعه سعود المطبخ للرجال
ومتعب هذي ثاني زقاره يدخنها وهو واقف وهذي علامه من علامات غضبه وزعله وقهره ..
بذا الوقت سياره محمد وصلت للشاليه وقف جنب سياره متعب انتبه متعب لـ سيارة محمد وعرف انه الغلا معه نزل محمد ونزل الاغراض معه الغلا نزلت فتحت جوالها وهي تعدل نقابها ونزلت وانتبهت لـ متعب واقف وبيده الدخان يدخن الغلا نزلت راسها عشان لا تشوفه او تجي عيونها وبعيونه وتنكسر مره ثانيه وتضعف من نظرات عيونه متعب ما ناظرها عشان لا يضعف وينكسر وبالخصوص انه قال لـ نجد : الله يوفقها الغلا نزلت وتوجهت لـ محمد ورا السياره وهو ينزل الاغراض : محمد عطني الاغراض حقنا بدخلها عن امي ..
محمد : امسكي وانتبهي ثقيله عليك ..!
الغلا : لا عادي ..
محمد ابتسم وكمل يحمل الاغراض تقدم متعب وناظر لـ الغلا اللي عطته ظهرها ومشت : الله حيه .. اساعدك ..؟
محمد : الله حيه العشير .. لا عادي اشيلهم بروحي
متعب اخذ اغراض من يده بدون لا يناقشه وطفى الزقاره بالارض وتوجه لـ المطبخ ودخل حط الاغراض وخرج من المطبخ وتوجه للمجلس دخل متعب وسلم على جده اول ما دخل
متعب : الله حيه جدي ..
الجد محمد: هلا فيك يامتعب .. وييينك؟؟
متعب : موجود ياجد
الجد محمد: لا بالله منت بموجود يامتعب زمان ماشفناك !!
متعب : ماعليه يا جدي السموحه بس هاليومين تعبان
الجد محمد تفهم وخصوصا انه يعز متعب ويحبه ويغليه من بين احفاده الشباب ..
الجد محمد : تعال اقعد بجنمبي ..
جلس متعب جنب جده بدون لا يناقشه
عبدالله : متعب متعب
متعب رفع راسه : هلا يبه أمرني؟؟
عبدالله: جبت اللحم ؟؟
متعب : ايه جبته وسعود حطه بالثلاجه داخل بالمطبخ
عبدالله: زين ماسويت عالقوه ..
متعب ابتسم بهدوء : يقويييك .
جا محمد ومعه فارس وسعود دخلوا بعد ما حملوا الاغراض لـ المطبخ جلس محمد بجنمب متعب وفارس جننبه سعود وعقاب يتقهوى مع احمد وعبدالله..
وعند الحريم بـ مجلسهم "
الغلا : ماما وين احط البهارات ذول ؟؟
ام فيصل : وديهم المطبخ ..
الغلا : طيب ..
نجد : غلووووي
الغلا : هلا ؟؟؟
نجد : وين رايحه ؟؟؟؟
الغلا : بودي الاغراض داخل المطبخ وراجعه ..
نجد : طيب جايه معك ..
ركضت نجد للغلا الغلا ضحكت : بشويش بسم الله عليك
نجد ضحكت : طيب
مشوا للمطبخ ودخلوا حطوا الاغراض
نجد : ها كيفك بشريني ؟؟
الغلا بهدوء : الحمدلله
نجد : الحمدلله .. طيب شرايك نطلع نتمشى حول الشاليه ؟؟.
الغلا : فكره حلوه لان صدري ضايق شوي !!.
مجد : بسم الله عليك حبيبتي انتي يلا بلبس نقابي ولاحقتك ..
الغلا : طيب انا بعد بروح اعدله ..
خرجت الغلا وكان الهوا قوي ونقابها يتطاير عالخفيف ورموشها تتطاير معه خذت نفس عميق وهي مغمضه عيونها بهدوء تتنفس سمعت صوت وراها : كيفك يالغلا عساك طيبه ؟؟؟
لفت الغلا وجهها ولقت ام حمد واقفه وراها ابتسمت الغلا ومدت يدها تسلم على ام حمد
"ام حمد صديقة العائله وحمد صديق متعب "
ام حمد : ماشاءالله تبارك الرحمن والله وكبرتي بالغلا عساني اشوفك عروسه يارب
ابتسمت الغلا : حبيبتي خالتي
خرجت نجد من الباب وشافت ام حمد واقفه
نجد : اهلين خاله كيفك ؟؟
ام حمد : هلا والله  بـ نجوده كيفك ؟؟
نجد ضحكت: بخير ياخاله اتفضلي الكل موجودين داخل
ام حمد : ان شاء الله .. انتوا وين رايحين ؟؟
الغلا : حنا بنتمشى وراجعين ..
ام حمد هزت راسها : طيب يلا مع السلامة
دخلت ام حمد والغلا ناظرت بـ نجد : يا حليلها ام حمد كيوت
نجد : ايه والله حدها طيوبه الله يحفظها
الغلا : صادقه
نجد مسكت يد الغلا :طيب يلا لا نتاخر ..
بدوا الغلا ونجد يتمشون حول الشاليه
نجد ناظرت بالغلا اللي منزله راسها بالارض تناظر خطواتها
نجد : غلووووي
الغلا : هلا ؟؟
نجد : خذتي قرارك النهائي. ؟؟
الغلا تنهدت بهدوء : ايه
نجد : طيب ليييه ؟؟ ادري انه هذي مليون مره اسالك فيها بس منجد ليييش ؟؟؟
الغلا : لاني ببساطه يا نجد مابي قلبي ينكسر مرتين. !
نجد : بس حتى قلب اخوي انكسر مرات تدرين من اخر يوم شافك فيه وهو مب طبيعي ماياكل ولا يشرب وطول الوقت يدخن ووجهه شاحب وحزين وطول الوقت معصب .!
الغلا دمعت عيونها : صادقه  ؟!.
نجد : والله اني صادقه غلوووي اخوي مغرم فيييك ويحبك اصلا واضح ذا الشي ..!
لا تتركينه تكفين !!.
الغلا م ردت وهي داخلها متخربط ماتدري وش تسوي وش هو القرار الصح ..
نجد : شوفي غلوووي صدقيني لا تخسرين اللي تحبينه عشان بنت ثانيه وانتي ماتدرين وش يسوي النصيب جاهدي عشان تاخذينه ولا تتخلين بسرعه صدقيني انه شهد ماتحبه لان اللي يحب ما ياذي ..! شهد بس تتلاعب لامها توها صغيره بزر ما تفهم صدقيني متعب يحبك انتي ما يحب وحده غيره صدقيني ..! متعب انكسر اما عرف انك عفتيه .!
الغلا بنبره انكسار : بس انا ما عفته ..! انا للحين احبه لكن كلامه كسرني ..!
نجد : والله ما كان يقصدك والله انا جلست وتكلمت معه ماكان يقصدك ابد ...! السالفه انه شهد رسلت له صورتها وافتكرها انتي اللي بالشارع لان نفس لون الفستان وراح وكلمها ظن منه انها هي اللي قدامه بس ماكان يقصد ولا كان عارف انك انتي اللي قدامه ..
الغلا : طيب تكفين يا نجد خلاص لا تفتحين معي هالموضوع ابد تكفين لان كل مره يكسرني اكثر خلاص يمكن مهو من نصيبي الله يوفقه ..!
دمعت عيونه الغلا وهي تقول هالكلام ..
نجد : طيب بسالك هالسؤال وجاوبيني ..
الغلا : وش ؟؟
نجد : بتوافقين على فارس  ؟؟.
الغلا : لا ماراح اوافق ..!بس ليه تساليني ؟؟
نجد : بقولك شي غلوووي
الغلا : قولي وش عندك ؟؟؟
نجد : انا احب فارس من طرف واحد ومدري اذا هو يبادلني ذا الشعور !!
الغلا بصدمه : صااادقه؟؟.
نجد : ايه والله ومحد غيرك يعرف ..تكفين لا تقولين لاحد
الغلا ابتسمت : منجدك؟؟ اكيد ماراح اول لاحد افا عليك بس ..! بس طلعتي منتي بهينه حب وحركات
ضحكت نجد : طبعا بس انتي اللي تحبي اخوي !!
الغلا ابتسمت : طيب بس كيف راح يعرف ؟؟؟
نجد : مدري والله ما توقع انه اصلا فكر فيني حتى !!
الغلا : لا لا تقولي كذا وتكسريني !! ما تعرفين يمكن يكون من نصيبك ..!
نجد وهي منزله راسها : يمكن .!
الغلا : مب كانه الجو صار بارد شوي
نجد : ايه والله ..!
الغلا : طييب خلينا نرجع الشاليه
نجد : طيب ..
" في مجلس الرجال على سفرة الفطور السفره مليانه انتوا واشكال من الاجبان والبيض والخبز والفول والعدس وكل الانواع
متعب : الحمدلله على النعمه
وقف متعب متوجهه للمغسله يغسل يده
محمد : متعب
متعب : هلا ؟؟
محمد بهمس  : ابشرك
متعب : وش ؟؟؟
محمد : قرررت اخطب ..
متعب : مين ؟؟؟
محمد : ليان كلمت ابوي وامي وقالوا بعد ذا الاسبوع بيخطبونها لي ..
متعب فرح : الف مبروك وانا اخوك تستاهل وزين ما اخترت ..
محمد ابتسم : الله يبارك بعمرك عشير ..
غسلوا محمد ومتعب
ورجعوا المجلس جلسوا
الجد محمد : الا وين الشاي والقهوه ؟؟؟؟؟.
سعود : مدري ياجد الحين اقوم اسوي لك
الجد محمد : طيب ودقوا عالحريم قولوا لهم ينظفون اللحم ويبهروه ..
احمد : سم يبه ..
عقاب ضحك : الله يهديك يا يبه اكيد الحريم يعرفون شغلهم .
ضحكوا الجماعه
الجد محمد : متعب تعالي وانا جدك
قام متعب لـ جده محمد : سم ياجد امرني ؟؟؟
الجد محمد : سم الله عدوك اسمعني رح لـ امك او اختك وصيها على اللحم لا تفشلونه قدام حمد
ابتسم متعب بخفه : تامر ياجد
خرج متعب من المجلس ولقى بوجهه الغلا ونجد مقبلين للمجس الحريم نادى متعب بصوت شبه عالي : نجد يا نجد 
نجد لفت وجهها : هلا متعب  ؟؟
متعب توجهه ناحيتهم والغلا ناظرت فيه بتأمل بداخلها : حي هالقبال ..! وحشتني يامتعب .!
متعب ناظر فيها وبعيونها اللي تلمع من تشوفه
متعب : نجد جدي يوصيكم هاللحم ويقول نظفوه زين واذبحوه زين لان حمد هنا ولا تفشلونه قدامه
وبعدها ناطر بـ الغلا وقال : لا صراحه وحشني الاخت زمان ما ذقته ..!
نزلت الغلا راسها بالارض وقالت : نجد انا بسبقك
نجد ابتسمت : طيب غلوووي
دخلت الغلا بسرعه ومتعب ابتسم : كلمتيها ؟؟
نجد : ايه وقالت انها للحين تحبك بس
متعب قاطعها : بس تبي تكمل دراستها..
نجد : ايه بس ماعليك انا عندي احساس انكم لـ بعض
متعب : ان شاء الله الله يسمع منك ..
نجد : امين
متعب : طيب يلا ادخلي انتي بعد عشان تساعدينهم ..
نجد ابتسمت : طيب حبيبي الله معك .
متعب ابتسم وتوجه للمجلس
ونجد دخلت لمجلس الحريم ولقتهم بعدها يفطرون
ام متعب : نجد نجد تعالي افطري
نجد : طيب ماما جايه بغسل يدي
الغلا جلست تفطر معهم وام متعب جنب ام فيصل
ام متعب : ها وش قلتي اكلم ابو متعب اليوم ؟؟؟
ام فيصل بترددد : مدري والله يا ام متعب البنت بتروح تكمل دراستها
ام متعب : ما ياثر عادي نملك وبعدها تروح تكمل دراستها ولما ترجع نسوي العرس
ام فيصل : اللي تشوفونه يا ام متعب
ناظرت ام متعب ببتسامه بالغلا اللي جالسه تاكل بهدوء ..
وبذا الوقت نوف وفيصل توهم واصلين للشاليه
نوف : حبيبي انت خذ ذا الكيس وحطه عندكم بالمطبخ حق الرجال
فيصل : حاظر حبيبتي هاتيه
ابتسمت نوف : يلا حبيبي اشوفك قريب باي
فيصل : دقيقه طيب .. لا تنسيني فاهمه بدق لك اتطمن كل وقت ابيه ويمكن فجاه يجي على بالي شوفتك بدق لك ..
نوف ضحكت : طيب وانت بعد لا تنساني باي
فيصل : مستحيل انساك ياقلب فيصل ..
مشت نوف وفيصل دخل مجلس الرجال وسلم على عمامه وابوه وجده وجلس مع الشباب
فيصل : سعود صل لي معك
سعود : سم
فيصل : سم الله عدوك
متعب : ها كيف الزواج معك
ضحكوا الشاب
الجد محمد : لا تخاف يامتعب ترا كلكم لا حقين لـ فيصل قريب
متعب انصدم من جده وحس انه وراه شي وقال بهدوء : سم ياجد
سعود : اهخ يافيصل ما عرفت وش اللي صار
فيصل : وش؟؟؟.
سعود بهمس : جدي بيزوجني ..!
فيصل : اوووح ..
سعود : ومن مين على شهد ..!
فيصل ابتسم: طيب الله يوفقك يا خوي
محمد ابتسم : الا صدق يا متعب مب ناوي انت تعرس ؟؟
حمد ضحك : اخر سوال سالته له واكلني تراب
ضحكوا الشباب
فارس : انا بالطريق ماشي معكم بس باقي شوي والحق فيصل
فيصل : حلللو
محمد : شكلي انا بعد
متعب : كبير يابو عقاب
ضحك محمد : عشت يا بو محمد
سعود بهمس : اقول يا شباب شكله جدكم ناوي يزوجكم كلكم
متعب ابتسم وبداخله : اهههخ لو يجبرني عليها والله ما رديته ..'
" وعند الحريم جالسين يتقهووون
ام فيصل وام متعب جالسين جنب بعض وام فارس وام حمد معهم
ام فيصل : الا وين جوليا ليه ماجات معك .؟؟؟
ام حمد : والله نايمه يمكن بكره تجي معي
ام فارس : طيب نامي معنا فيه اماكن كثير يا ام حمد
ام حمد : لا برجع البيت عشان اخذ الاغراض وبجي لكم بكره الصباح بكير وانا ومعي جوليا