يقولون العرب .. ان الغرام اعمى

البارت الخامس عشر

《 البارت الخامس عشر》
‹ لايك لطفًا🌷›

" في يوم الخميس بعد مرور اسبوعين على زواج محمد وليان رجعوا من شهر عسلهم
قرروا العايله يتجمعون فـ الشاليه بمناسبه زواج محمد وليان ورجوعهم من السفر بالسلامه "
في مقلط الرجال الصبح "
كل الرجال موجودين متعب وسعود ومحمد وفيصل وحمد وعزام وعقاب واحمد وعبدالله والجد محمد معهم ..
في زاوية المجلس متعب وعزام جالسين يسولفون
عزام : تصدق يـ متعب انا خايف من ذا اللي اسمه طارق ..
متعب ابتسم : وش اللي تخاف منه ي عزام !!؟
عزام : هددني وقال لو انت باخر العالم اجيك يعني اجيك
متعب ضحك باستهزاء ونطق : خله يجي وانا اعلمه علوم المراجل
عزام : بس لا تنسى الهوشة اللي صارت هذيك السنه بغيت تذبحه صدق
متعب : ولو جا الحين ذبحته ، لا تخاف وانا اخوك كلنا معك وبعدين انت عطيته فلوسه وخلاص انتهى الموضوع..
عزام نزل راسه يفكر وتنهد بضيق ونطق : طيب يلا قم نساعد الشباب
متعب ابتسم ووقف هو وعزام وراحوا يجهزون الفطور مع الشباب ..
" ف مقلط الحريم
وتحديدا ف المطبخ "

ام حمد : يا جوليا جوليا تعالي خذي ذا
ام فيصل : ي بنات تعالوا ساعدونا وخذوهم للرجال
البنات توزعوا يرتبون السفره
الغلا : نوف بتاخذينه ولا انا ادق لـ متعب ياخذه
نوف : كيفك
الغلا : طيب
توجههت الغلا لـ بره من باب المطبخ ودقت على متعب
متعب ابتسم ورد : سمي ي غرامي ؟؟.
الغلا : سم الله عدوك ، تعال خذ الصينيه من يدي
متعب : جايك
توجه متعب لـ بره بعد م قفل جواله ولقى الغلا واقفه ورا الباب عشان ما عليها شي يسترها غير الشال الخفيف اللي على كتفها
ابتسم وتقدم : طريق يا حرييم
الغلا وهي ماسكه الصينيه الثقيله وبدأت تتنهد بضيق : اففف متعب تستهبل مافي احد غيري تعال
ضحك متعب وهو متعمد ينرفزها وتقدم فتح الباب ودخل ونطق : طيب طيب اعصابك ي غرامي
الغلا مدت له الصينيه واخذها ونطق : تسلم هاليدين جعلهم ما يمسون النار
ابتسمت الغلا ونطقت : عوافي يلا روح
متعب : افا ي ذا العلم !! تطرديني
الغلا : لا م اطردك بس الرجال بيفطرون رح لهم يلا
متعب : طيب طيب
الغلا واقفه منتظرته يروح وهو واقف يتبوسم لها
الغلا : وش فيك ؟؟؟.
متعب ابتسم وقرب لها اكثر الغلا وهي تحاول تبتعد : متعب رح لا يبرد الاكل بعدين الصينيه ثقيييله !!
ضحك متعب ونطق : طيب بس ترا لي عندك بوسه م اخذتها " وهو يغمز لها "
شهقت الغلا ونطقت بخوف : خييير واااثق !.
متعب بضحكه : كثيييير
الغلا : طيب يلا رح مع السلامه
متعب ابتسم وخرج بهدوء وسكر الباب وراه الغلا رجعت للمقلط داخل مع الحريم اللي جلسوا عالسفره
وبدأوا ياكلون
نجد : غلوووي تاخرتي ؟؟.
الغلا بتوتر : رحت لـ متعب اعطيه الاكل
نجد فهمت وضحكت ونطقت : طيب يلا تعالي اكلي بيبرد الاكل
الغلا: طيب جايه
جلسوا الحريم كلهم يفطرون ..
" في مقلط الرجال
بعد م خلصوا الفطور جابوا لهم القهوه والشاي والتمر
الجد محمد : يا سعود هات التمر
سعود : سم ي جد
الجد محمد : سم الله عدوك ، الا سمعنا انه فيه حفيد جاي بالطريق
فيصل ابتسم : ان شاء الله ياجد دعواتك
الجد محمد : الله يربحكم يا ولدي
فيصل : الله يسلمك ويبقيك لنا ي جدي
متعب ابتسم وناظر بـ فيصل ونطق : تستاهل يالعشير
فيصل ابتسم : عقبالك يالنسيب
ابتسم متعب وهو واقف ياكل تمر وبيده الثانيه فنجان القهوه
محمد واقف جنبه بهمس : الا م قلت لي وش صار على سالفة طارق ؟؟.
متعب : عزام قال لك ؟؟؟
محمد : ايه واحس الرجال خايف
متعب : خايف لانه هدده لاكن لو انه رجال خل يجي عندي
محمد : تعوذ من بليس ياخوي تراها كلها وصخ دنيا
متعب : صح كلامك لكن للاسف فيه ناس تعزها
محمد : بس وش اللي صار بعدها.
متعب : شف السالفه انه عزام كان محتاج فلوس عشان مصاريف بيته الجديد وتسلف من عند طارق اللي هو صديق اخوه مالك قبلها وطارق بعد ما طول عزام وماقدر يدفع له صار يعايره وانت منت برجال وانت منت كفو ومن ذا الكلام ..
بعدها عزام طلبني وكلمني وانا فزعت له وقلت له ما بيهم لا ترجعهم عشان كذا طارق لما عرف من مالك أخو عزام صار يعايره ويقول انهم ناقصين وانه ماجابهم كلهم
وطارق هذيك السنه جا لنا المركز وانا تنرفزت من كلامه وعلمته علوم الرجاجيل
محمد انصدم ونطق : اما كل ذا صار ..!
متعب : ايه السالفه طويله يالعشير
محمد : يلا حصل خير ان شاء الله
متعب ابتسم ونطق : يلا خلنا نجلس
محمد ابتسم: يلا
راحوا واجلسوا وكملوا شرب قهوتهم وكملوا سوالفهم ..
الجد محمد: اسمعوني ياعيال بمناسبه انه فيصل بيجي له ولد قريب وبمناسبة جمعتكم ذي الغاليه علينا انا جبت لكم كبش " الغنم " والعيال بيذبحونها وبتاكلونها اليوم ان شاء الله
ضحكوا العيال كلهم
احمد : الله يهديك يايبه كان قلت لنا نجيب لك جاهز
عقاب : ايه والله يبه وهو صادق
الجد محمد : اقول بس اسكتوا يلا ، متعب
متعب ضحك : سم جدي
الجد محمد : سم الله عدوك ، اسمعني الكبش بره رح واذبحها والسكين بالموتر ورا عندي وانا ابوك توكل
متعب ابتسم : حاضر يابو عبدالله سم
ابتسم الجد محمد ومتعب خرج توجه للموتر واخذ السكينه الحاده نظفها وعقمها واخذ شماغه ولفه على وجهه وتلثم فيه وفصخ ثوبه وتوجه يذبح الكبش ..
بذا الوقت خرجوا العيال يساعدونه محمد وحمد وفارس وفيصل وسعود بعد ما قطعوا اللحم قطع كبيره ، ومحمد وقف يصور متعب وهو يقطع الكبش
ارسله بقروب العايله وكتب " عاش بو محمد "
" في مقلط الحريم
ليان : يمه بسم الله بنااات شوفوا
الغلا : وش ؟؟
ليان : محمد راسل ذا المقطع بالقروب
الغلا فتحت جوالها تتاكد ذا متعب !!
الغلا بصدمه : يمه متعب عادي عنده ؟؟!.
ضحكت نوف : وش فيكم انتم عادي !!
شهد انصدمت : يمه يخوف ليه سعود ماسكه كذا !!
الغلا وهي ميته رعب من داخل : حرااام ليه يذبحونه !!
والله م اكل !!
ضحكوا البنات
جوليا : وش فيكم عادي ترا
نوف : صح كلام جوليا عادي جدا
الغلا انهارت زياده ونطقت : مابي مايصير متعب هو اللي بيذبحه الله يهديك ياجدي ..
نجد : وش صاير
الغلا : شوفي ..
نجد شهقت : ييمههه
الغلا : شفتي ؟؟.
نجد : الله يلوع كبودكم لوعتوا كبدي والله
ضحكت نوف : مب من جدكم والله اوووفرر
الغلا : لا منجدنا حبيبتي
جوليا : طيب خلاص انسوا الموضوع
ام متعب تنادي : الغلا غلا
الغلا التفت : هلا خالتي ؟؟.
ام متعب : متعب يبيك بره
الغلا بخوف : ليه ؟؟؟
ام متعب : مدري روحي شوفيه حبيبتي
الغلا ألتفتت للبنات : يمه بنات مابي اشوف دم
ضحكوا البنات
نجد : قومي شوقي وش يبي وعلمينا
الغلا بخوف : اوف مب وقتك نجد !!
جوليا ابتسمت : معليك منها قومي مافي شي يخوف
الغلا وقفت بخوف : طيب
توجهت لـ بره بس م لقت احد
دق متعب عليها ونطق : حبيبتي تعالي ابيك بالغرفه اللي جنب المسبح
الغلا بتوتر : طيب
سكرت ولبست عبايتها وتوجهت للغرفه
متعب ابتسم : ادخلي
الغلا دخلت وهي خايفه
متعب : وشفيك ؟؟؟
الغلا انفجرت ونطقت : ليه انت الللي ذبحته ؟؟؟.
متعب ابتسم : لان جدي قال لي
الغلا : بس حرام عليك
متعب ابتسم : وش اللي حرام ؟؟.
الغلا : لا تقرب مني اخاف من الدم م اقدر !!!
متعب ضحك : طيب طيب ، ابيك تجيبين لي ذا الكيس فيه الشامبو والصابونه لان شوفي يديني م اقدر
الغلا غمضت عيونها بقرف : طيب طيب
انت ادخل الحمام وانا بعطيك بعد م تنظف يدك
ضحك متعب : طيب
دخل متعب الحمام وبعد دقايق فتح نص الباب ومطلع راسه : غرامي هاتيهم
الغلا مدت يدها بتوتر لـ متعب
متعب ابتسم واخذ الشامبو والصابون وسكر الباب
خلص متعب الشور سريع وخرج لـ بره وناظر الغلا اللي واقفه تنتظره رفعت راسها الغلا اللي جالسه تطقطق على جواله لين م يطلع
وهو عريان الصدر ولاف فوطته على خصره وجسمه وشعره مبللل
متعب ابتسم : وش فيك ؟؟؟
الغلا : ها مافيني شي
متعب ابتسم : للحين خايفه !؟؟.
الغلا : لا
متعب : طيبين تناظرين ؟؟.
الغلا: ليه حرام !؟؟.
متعب ابتسم : لا مب حرام عليك انتي بذات
الغلا : طيب انا بخرج وانت البس واذا تبي شي
كلمني
متعب ابتسم ومسك يدها فبل لا تخرج ونطق بهمس : ابي شي
الغلا وهي مغمضه عيونها : وش تبي ؟؟؟
متعب : بوستي
الغلا بتوتر : متعب اتركني
متعب ابتسم وقرب لـ رقبتها وطبع قبلته عليها بهدوء غمضت عيونها بهدوء ونطقت : اتركني متعب
متعب ابتسم ونطق : تارككك
ناظرت بيده وفعلا هو اتركها لكن م حست
الغلا وهي معطيته ظهرها : طيب يلا باي
سكرت الباب وراها بقوه من التوتر ضحك متعب ولبس وخلص وخرج وسكر الباب وراه ..
" في مقلط الرجال
عزام دق جواله وتغيرت ملامح وجهه حمر وجهه وبدا يعرق من التوتر
حمد : عزااام وش فيك ؟؟.
عزام صحى على نفسه : ها لا مافيني شي انا طالع بكلم وبرجع ..
محمد : طيب لا تطول عشان نكمل لعب بلوت
عزام ابتسم : طيب جاي ماني مطول
خرج عزام ورد عـالمكالمة بـ : وش تبي ؟؟؟
طارق بصوته الضخم : هلا بـ عزام والله
عزام تنهد بضيق : وش تبي فلوسك وصارت عندك وش تبي بعد ؟؟!!.
طارق ضحك بضخامه : ضحكتني تتوقع بتركك ، غلطان يا ولد عمي غلطااان
عزام بخوف : وش تبي مني للحين !؟.
طارق نطق بضيق وضخامة : اتوقع اني نسيت اللي سويته بـ اختي !!
عزام تنهد وغمض عيونه اللي اوشكت انها تدمع ونطق : طارق الموضوع عدا من سنين طويلة وش تبي البنت الله يرحمها ويغفر لها ويجعل مثواها الجنه اسمعني انا مالي دخل يموت اختك الله يرحمها صح انها كانت تحبني بس الله يرحمها ويغفر لها خلاص راحت افهم ي رجال افهمني خلاص لا تعيشني برعب طول عمري وضميري يـأنبني دايم
طارق ابتسم بضيق وهو يتذكر تفاصيل يوم موت اخته حنين ونطق : والله م اكون طارق لو م اخذت منك اغلى غالي
عزام سكر جواله على طول بوجه طارق وهو ينتهد غمض بضيق وهو يتذكر حنين اخت طارق اللي توفا بحادث بسبب مشاكلها هي وعزام اخر ايامها
متعب وراه نطق : عزام ؟؟.
عزام لف وجهه وناظره بخوف انه سمع الكلام كله ونطق : متعب ؟؟. سم ؟؟.
متعب ووجهه قالب الوان : اللي سمعته صدق ؟؟؟.
وش السالفه يا اخوي ؟؟؟؟!!.
عزام تنهد بضيق وداخله حزين ونطق : تعال معي للموتر نتكلم افضل لنا
متعب : طيب
عزام مشى ومتعب لاحقنه ، ركبوا الموتر وسكروا الباب وناظر متعب بـ عزام اللي منزل راسه
ونطق : عزااام انطق وش اللي سمعته فهمني !!؟
عزام وهو منزل راسه : انا كنت احب اخت طارق واسمها حنين ولما قررت اني اخطبها ابوي الله يرحمه رفض عشان اخوها وسمعته وظلمني وظلمها معي الله يرحمها ولما عرف طارق بالموضوع ومن حرته على اخته بذاك اليوم بغى يذبحني وظن اني انا اللي سببت الحادث وانا سبب موتها ، والحين دق علي يهددني
متعب بصدمه من الكلام اللي سمعاه : يعني سالفة الفلوس كذب ؟؟؟!.
عزام : لا مب كذب انا متسلف منه من قبل موت اخته وهو يهددني بحجه ذا الموضوع ومن القهر على اخته
لف وجهه وناظر بـ متعب وقال وعيونه اوشكت تدمع : اسمعني يا خوي ، ادري اني كذبت عليك وما صارحتك بكل شي من البدايه انا اسف وصدقني اني بحاول اصلح كل شي وعد مني يابومحمد والله ..
متعب حط يده على كتف عزام ونطق : لا تحاتي وانا اخوك الله يعوضك خير يارب واذا على المبلغ فداك يالعشير لا ترجعه ولا اني بمحتاجه ولو محتاجة م اعطيتك يلا قم نرجع لهم وكمل يومك ولأ كانه شي صار ..
عزام ابتسم وخرجوا من الموتر ، مسك يد متعب وقرب وحضنه وطبطب عليه بـ يده
متعب ابتسم ونطق : تهون صدقني ياخوي تهون وكلنا معك ياخوي
عزام ابتسم: ان شاء الله الله يديمكم لي يارب
متعب: يلا خلنا ندخل لا يفقدونه
عزام ابتسم : يلا
" في مقلط الحريم
بعد م طبخوا الحريم اللحم اللي ذبحوه الرجال بالصبح
" في المطبخ الحريم اغلبهم موجودين يجهرون الصحون لمقلط الرجال
ام متعب : يا نوف دقي لـ زوجك يجي ياخذهم
ام فيصل : بس يا ام متعب ماراح يقدر فيصل راح جاي دقوا لـ سعود بعد او اي احد ثاني
شهد جات : طيب خالتي الحين ادق لـ سعود يجي
الغلا : ادق لـ متعب بعد يجي ياخذ الصحون الباقي ؟؟.
ام متعب ابتسمت : ايه زين تسوين دقي
الغلا ابتسمت : طيب خالتي من عيوني
الغلا دقت لـ متعب
متعب ابتسم ورد ونطق : جايك يا غرامي
جاو العيال ياخذون الصحون سعود ومعه فيصل ومتعب وراهم اخذوا الصحون لـ لمقلط الرجال عشان يتعشون
الجد محمد : ماشاءالله تبارك الرحمن خوووش لحم ..
عقاب : ايه والله صادق يبه
احمد : خوش الحوووم وشحوووم
متعب ابتسم : يالعافيه ي بو فارس
ضحك احمد : يعافيك يا الذيييب
خلصوا الرجال الاكل قام سعود وغسل بالمغسل اللي بره المجلس " المقلط " ورفع جواله ودق لـ شهد
نطقت شهد : هلا حبيبي ؟؟؟
سعود ابتسم ونطق : كليتي ؟؟.
شهد : ايه كليت بس م كليت لحم بس رز لان صراحه لما شفتكم ماسكينه لاعت كبدي !!
ضحك سعود عليها ونطق : عوافي ي قلب سعود
شهد : يعافيك حبي ، بغيت شي ؟؟؟
سعود : يلا جهزي نفسك بنمشي ..
شهد انصدمت : م راح تنام معهم ؟؟!.
سعود : لا حبيبي وراي دوام ياقلبي يلا انتظرك بالسياره
شهد ابتسمت برضا : طيب يلا خارجه البس عبايتي ونقابي واطلع لك ..
سعود ابتسم: طيب يلا انا بـ السيارة
ابتسمت شهد وسكرت من سعود وتوجهت الغرفه اللي حاطين البنات فيها اغراضهـم وخذت شنطتها واغراضها ولبست عبايتها ونقابها بعد م خرجت من الغرفه توجهت للمجلس اللي الكل موجودين فيه يسولفون مع بعضهم
شهد : يلا مع السلامة
ام سعود : بتروحين ؟؟؟
شهد : ايه والله ي خاله سعود عنده دوام بكره لازم ارجع معه
ام فيصل ضحكت ونطقت وهي تغمز لهـا : دوام ولا شي ثاني !!
ضحكوا الحريم كلهم
ام حمد : الله يهديك ي ام فيصل لا تخجلون البنيه توكلي ي حبيبتي الله حافظك
شهد ابتسمت
نجد : شهد ، وصي سعود لا ينسى يجيبك بكره معنا
شهد : اكيد بجي معكم يلا مع السلامة
ابتسموا البنات وخرجت شهد لـ سيارة سعود وركبت معه السياره وحركوا لـ شقتهـم ..
" آخر اللـيل
فـ مقلط الرجال الكل نام ماعدا متعب اللي ينتظرهـم ينامون عشان يكـلم الغلا
ابتسم وفتح جواله بعد م خرج من المجلس ورن على الغلا وهو بيده الثانيه زقـارته اللي يتناثر دخانهـا
ابتسمت الغلا وهي منسدحه عالفراش اللي فارشينه البنات لهم وكل وحده بـ فراشها
الغلا خرجت بره وهي عارفه انه بيدق لها
الغلا ردت بهدوء وهي مبتسمه : سم ؟؟؟.
متعب ابتسم: حي ذا الصـوت .. ما بغيت اسمع صوتك اليوم
ضحكت الغلا : سمعته الحين أمرني ؟؟!.
متعب ابتسم : م يأمرك عدووو ي غرامي ، ابيك اشتقت لك تعالي بضمـك
الغلا : وين اجي ي متعب ؟!.
متعب: مدري تعالي اهم شي اضمـك واشم ريحتك !
الغلا م ردت
متعب : طيب اسمعي انا بره انتي روحي المطبخ وانا جايك الحين
الغلا : منجدك ؟؟؟. وش تبي مني بالمطبخ !؟؟؟؟
ضحك متعب وسكر يوجههها انقهرت الغلا ونطقت : انا اورييييك !!
خرجت الغلا بعد م حطت على كتفها الشال البني حقها وشعرها الاسود التطويل اللي يلاعب خصرها مفرود على ظهرهـا تقدمت وفتحت شنطتها ورشت لها من عطرها الخـاص عشان تأسر قلب متعب اللي يفتنه جمالها وكل تفاصيلها فـ كل وقت وفـ كل حين .
توجهـت للمطبخ وريحتها الخـاصه والمميزه تلحـقها
دخلت المطبخ ولقت متعب واقف وهو لابس فـروته البنيه الغامقه وشماغه اللي لافـه فوق راسه وكوب الشاي بالحـبق السـاخن والبخار يتصاعد من الكوب
ناظرها بحب وشـوق ونطق : تبين شاي بالحبـق ؟؟.
الغلا بعـصبيه : احلف ؟؟؟ ليه تقفل بوجهي !؟؟.
ضحك متعب بـ هدوء ونطق : لاني ابي اشوفك
الغلا: وها انت شفتني وش تبي ؟؟!.
متعب حـط كوب الشاي بالحـبق على الكـونتر وتقدم يـسكر باب المـطبخ ويقفله بهـدوء شهـقت الغلا ونطقت : هييي متعب وش تسوي ؟؟!.
متعب لف لهـا بهدوء ونطق وهو يتقدم بخطواته لهـا : ابي اضمـك ي غـرامي .
الغلا تباعدت عنه ونطقت : متعب !
متعب ابتسم وقرب وشدها من يدها لـ حضنه ناظرته الغلا و
وهي رافعه راسها توازن فرق الطـول بينها وبينه ..
متعب ابتسم ونزل راسها لهـا وطُبـع قـُبلته على راسـهـا ، ابتسمت الغلا ونطقت بهدوء وهـي تناظر عيونه : ليه للحين م نمت ؟؟.
متعب ابتسم : بسببك
الغلا استغربت ونطقت : بسبييي ؟؟!
متعب ابتسم ونطق : م اقدر انام وانا مشتاق لك
نزل لهـا ورفعها " حملهـا " وضمها لـ صدره ولضلوعـه
الغلا بخوف : متعب نزلني
متعب ابتسم وم رد عليها وهو مكمل مغمض عيونه وحاضنهـا ..
الغلا ضـرتبه على كتفه العريض ونطق : نننزززلنييي
متعب ضحك وفك فروته وغطاها فيها ومعه وداخل حضنه
الغلا حسـت بدفئه وريحته الللي تأسرها ابتسم متعب شم ريحة عطرها اللي تأسره دايم وهو مغمض عيونه يتأمل لحظـته معها ..
الغلا باعدت عنه ونزلت من حضنه ونطقت : افتح الباب بلييز بطلع
متعب ابتسم ونطقت : لا ماراح افتحه
الغلا: افف لا تعاند ي متعب
متعب ابتسم ورجع اخـذ كوب الشاي بالحـبق حقه ورجع يشرب منه ..
تنرفزت الغلا منه ومن اسلوبه معها ونطقت بصراخ : متتتتعببب
متعب ضحك وكمل يشرب شايـه .
الغلا رجعت تقدمت لـ عنده ومسكت يده تحاول تاخذ المفتاح بس متعب يده كـالحجر القاسي اللي مستحيل تتحرك لو هو مايبي والغلا م قدرت تنرفزت زياده وناظرته بـ حدة ضحك متعب وتجاهلهـا .
الغلا : طيب يعني وش تبي الحين؟؟؟.
متعب قرب وجهه من وجهها ونطق : بـوسيني وضمـيني وبتركـك ..
الغلا تنهـدت بضيق واضح وقربت ضـمته من صـدره
ضحك متعب وبـادلهـا الحـضن غمضت عيونها الغلا وهـي تستشعر حـضنه وريـحته ..
متعب ابتسم وابعد عنها ونطق : يلا باقي شي ثـاني
الغلا : لا ما بي
متعب ابتسم : طيب انا اللي ابي
الغلا : مستحيل م اراح اسويه
متعب ضحك ورجع حط كـوب الشاي بالكـونتر التفت لهـا وهي تنـاظره بتعجـب ، مسك خصرها النحيل وشدهـا لـه ولـ حضـنه ناظرت بعيونه اللي تلـمع حـُب وشـوق لهـا بادلهـا النـظرات وقرب بدون مقدمـات وطـُبع قـُبلته على ثـغرهـا الـوردي الصغير ..
فتحت عيونها منصدمه من حركـته ومشـاعر قُـبلته على مبسـمهـا ..
متعب انسجـم مع ثـغرهـا ونسى نفسـه داخ من داخله وهو ما وده يتركهـا رفعت يدها تبعده حطت يدهـا على صدره تباعده عنه بس هو زي الجـبل واقف صلـب وضخم وما يهزه شي ..
الغلا باعدت عنه بعد صراع توازن نفسـهـا ابتسم متعب وهو يناظر بشفايفها بعد م طـبع قـُبلته عليه .
الغلا بتوتر نطقت : عطني المفتاح
متعب ابتسم : المفتاح بـ جيبي تبينه ؟ تعالي خذيه بنفسك
الغلا استسلمت ونطقت : طيب
متعب ابتسم وناظر فيها تقدمت تاخذ المفتاح وحطت يدها داخل جيبه تدور المفتاح ابتسم وهو يشم ريحة عطرها الخاص فيها والمميز ..
الغلا لقت المفتاح واخذته وفتحت الباب وناظرته ونطقت : تصبح على خير ..
متعب ابتسم ونطق : وانتي من اهله غرامي
ابتسمت الغلا ومشت وتوجهت للغرفه ورجعت وانسدحت عالفراش ونامت ..
" بعد قضـاء يومين بالشاليه
اليوم الثـالث في حزة العـصر "
جهزوا الحريم القهوه والشاي والبنات سووو لهم شاي كرك وجلسوا بالمجلس الثاني الاصـغر عشان يسولفون وياخذون راحـتهم بالسوالف اكثر .
نطقت جوليا : بنات طلبت لنا من الكوفي شوي قهوه وحلا عشان المغرب ..
الغلا : ايوه زين سويتي
نجد : تصدقون عاد احس ودي يوم نسافر كذا كلنا دولة اجنبية وناسه بيصير
نوف ضحكت : ايه والله ودي نغير جو بس المشكله ما باقي شي عـالدوامات
الغلا: اوف ليه ذكـرتيني ياخي مالي خلق
جوليا : ايه والله صادقه انا بعد مالي خلق يلا هانت ماباقي شي ونخلص
الغلا ابتسمت : ان شاء الله
شهد : طيب فكونا من سيرة الدوامات والدراسـه بقولكم شي بس لا تعلمون احد
ليان : اسرار جوي انطقي وانا اختك ؟؟؟.
نجد : لا تقولين حـامل
الغلا ضحكت : امداها !
جوليا ابتسمت: وشصاير خبصتينا
نوف : وش قولي
شهد : اوف منكم مافيكم صبر ، لا مب حامل تطمنوا شي ثاني
نجد : طيب وش ؟؟؟
شهد : عيد ميلاد سعود قرب وابي اسوي له شي ما ينساه طول عمره وش تشورون علي ؟؟!.
نوف : ارقصي له
شهد : صادقه ؟؟!.
نجد : م عليك منها ذي مهبوله
الغلا انهارت ضحك : امبيييه مب من جدكم !!
جوليا : روحوا مطعم او كافيه واحتفلوا
ليان : لا لا خلوكم بالبيت افضل لا تفضحونا
ضحكوا البنات
شهد تنهد بضيق : منجدي اتكلم وش اسوي ابي استشاراتكم ؟؟!.
الغلا: اسمعي سوي له مفاجاة قبل لا يجي من دوامه وفاجئيه بعدها وتزيني انتي وتعطري وعاد اللي يصير يصير
نجد ضحكت : قديمه الحركه ! ، اسمعي جيبي ان هديه فيها صوركم وانتم صغار مع بعض وانتم كبار بعد وخليها ذكرى
ليان : لا لا احتفلي معه بالبيت وحطي شموع وحركات حركاتنا حنا البنات
نوف : جننتوا البنيه م عليك منهم صدقيني ارقصي له وراح تجيبين راسه
الغلا: مب من جدك نوف
نوف : والله م امزح
ليان : ترا فيصل يختلف عن سعود حبيبتي!
ضحكت نجد وراها الغلا
الغلا : صح كلام ليان
نجد : خلاص انتي وياها اشغلتونا اسمعي شهد سوي اللي يريحك
شهد : اوف منكم اشغلوتوني منجد خلاص بطلع فكره من عندي افضل شكرا على افكاركم
ضحكوا البنات وكملوا شرب الكرك ..
ليان : بنات شرايكم منجد السنه الجايه ان شاء الله بدون تقديم على رب العالمين ، نسافر كلنا خلونا نروح النرويج وش رايكم ؟؟.
الغلا : ونااسه وانا موافقه وبكذا بكون خلصت ان شاء الله جامعة ..
جوليا : انا بعد اتفق معكم يبيلنا سفره السنه الجيه
شهد : قدام معكم
دق جوال ليان " محمد "اللي يدق
ليان ابتسمت ونطقت : دقيقه بشوف محمد وش يبي وبجي
الغلا بغمزه : طيب
ضحكوا البنات وكملوا سوالفهم
خرجت ليان تكلم محمد
محمد : اليوم بنمشي بيتنا طيب ؟؟!.
ليان : طيب حبيبي
محمد : اهخ اشتقت لك
ليان ضحكت ونطقت : يلا اشوفك بالليل
محمد ابتسم : طيب حبيبتي الله معك
سكرت ليان ورجعت للبنات .
ليان : بنات انا اليوم ماشيه مع محمد
شهد : انا بعد سعود عنده دوام وماراح انام معكم
نجد : ياليل انتم المتزوجين يعنني
ضحكت الغلا ونطقت : خير تراني متزوجه !
نجد : ادري بس انتي مخطوبه الله يعيني عليك لما تصيرين انتي ومتعب ببيت واحد
ضحكت الغلا
جوليا : الحمدلله اني سنقل
الغلا: بكره تصيرين تيكن حبيبتي
نجد : الله يسمع منك وانا وراها يارب
ضحكوا كلهم
نطقت نوف : انا بعد اليوم ماشيه فيصل عنده دوام وانا وراي موعده للبيبي
ضحكوا البنات
الغلا : كيوووت ياعمري انتي عادي ماراح نعصب عليك
ضحكت نوف : ي عمري انتي عقبالكم كلكلم
شهد : امين حبيبتي انتي
ليان : يلا قوموا قريب بياذن المغرب خلينا نقوم نتوضا ونستعد للصلاة
الغلا : يلا قوموا
راحوا البنات يتـوضوا للاستعداد للصلاة ..
" في حزة المغرب
بعد الصلاة
وصل طلب البنات وشربوا قهوتهم وجلسوا مع امهاتهم يسولفون فـ المقلـط .
متعب خرج بره يدخن زقارته ووقف يتامل الجو بره وكيف الجو براد وحلو لف شماغه على وجهه من الهوا بعد شرب الدخان ، لمح موتر جاي من بعيد اتجاه الشاليه حقهم ناظـر باستغراب ونطق : مين ذا ؟!
قرب الموتر ناحيته قرا متعب الللوحة ونطق بينه وبين نفسه : طااارق !
نزل طارق من سيارته ونطق : هلا والله هلا بـ العقيييد
متعب ابتسم بخفه وهو عارف انه محتر منه على اخر مره مد يده عليه ، نطق متعب بهدوء : هلا فيك حياك الله.
طارق وهو متنرفز من اسلوب متعب : وينه الكـلب صاحبك عزام ؟؟.
ضحك متعب بـخفة ونطق : الكلب يبقى كلب مهما تربيه طبع النجاسه في خلايا عروقه
وأحنا الحمدلله ما نصاحب الـكلاب اللي حوالينا
تنرفز طارق واشتد غضبه ورفع اسلاحه بوجـه متعب متعب ضحك بوجهه ونطق : بتـخوفني ؟ وانا اللي مدرسـك !
طارق بعصبيه وعيونه حمرا : والله واللي اسمه الله لو م رحت وناديت الكلب عزام اليوم راح يصلون عليك ي ولد عبدالله
ضحك متعب بقـوه ونطق : اطلق
طارق ويده ترجف : رح قلت لك ناده
متعب ابتسم وضل واقف وعيونه على وجه طارق
رفع طارق يده فوق يطلق رصاصته بقوه ارتفع صوت الطلق وعلا ، اتفزعوا الحريم وخرجوا بخوف يشوفون وش ذا الصوت
خرجوا الرجال كلهم ونطق الجد محمد : وش اللي صاير هنا ؟؟!.
عزام وقف مصدوم وخايف من وجود طارق
نطق متعب : ما صاير شي كـلب ويبي يطلع مراجله علي
ضحك حمد ونطق : اقول توكل ي طارق
محمد : توكل توكل ي طارق وش تبي منا ؟؟؟
طارق رفع السلاح على متعب اللي واقف ببرود قدامه
عبدالله بعصبيه : انت ولد من ؟؟؟ رح الله يصلحك شكلك سكران !
الغلا خرجت بخوف من سمعت بصوت متعب والسلاح موجه له وبـوجهه ..
الغلا بخوف : يمه قلبي لا ذا صدق ؟؟!. متعب متعب لا يروح
هدوها الحريم ودخلوها داخل عشان تهدا
ام حمد بصوت عالي : يا ولدي الله يهديك اكسر الشر واترك الرجال بحاله
حمد : اتركيه يمه ماراح يفهمها بذي اللهجة انتم ادخلوا داخل
الغلا اللي داخل وتبكي بحرقه خوفًا على متعب .
متعب نطق : وش اللي تنتظره اطلق !؟.
طارق ناظـره بكره وحقد وناظر عزام وابتسم
عزام اوشك عالدمع ونطق بهدوء : لا انا اللي استاهل اطلق علي انا ! متعب ماله ذنب
متعب ناظر بـ عزام اللي واقف ودموعه نزلت ونطق : عزااام !
عزام : استاهل انا اللي غلطان انت مالك ذنب اهلك يبكون عليك انا الي استاهل اطلق ي طارق وريحني خلني انسى حنين وذكراها انسى ذنب انها حبيبتي واني حبيتها بيوم
طارق جن جنونه لمًا نطق اسم اخته المرحومه ورفع السلاح بدون لا يحس وعيونه حمرا واطلق على عزام اللي طاح عـ الارض طريح من الرصاصه اللي دخلت بـ كتفه صرخوا الحريم كلهم والرجال حملوه واخذوه عالمستشفى للطوارئ بسرعه البرق
الغلا سمعت صرختهم وخرجت كـ المجنونه الضايعه وصرخـت : ممتتتعببب ؟؟؟؟. لا تقولونها
نجد : ي بنت الحلال تعالي مب متعب لاحول ولاقوة الا بالله
نوف ببكى : عزام اللي لامسته الرصاصه
الغلا دمعت وناظرت بـ متعب متوجه لـ سيارته ومشى دمعت عيونها زياده من خوفها
ام حمد : لا حول ولا قوة الا بالله الله ينجيه يارب
ام فيصل : ايه والله ان شاء الله بسييط الجرح
الجد محمد: ي فيصل خلك مع الحريم ودوهم بيوتهم انت وسعود
محمد تعال معي
فيصل : ان شاءالله ي جد
عبدالله : يلا ي عقاب و احمد مشينا وراهم ..
فيصل تقدم للحريم وهو صاد : لا تحاتون ان شاء الله كل شي بخير
سعود : فيصل
فيصل : هلا
سعود : تعالي خلنا نوصل الحريم
فيصل : طيب ، يلا تجهزوا
جهزوا السيارات عشان يتمشون وانقسموا الحريم فـ السيارتين الكبار لـ سعود وفيصل ..

انتهى البارت الخامس عشر ادعموني بنجمة وكومنت عشان اتحفز اكملكم 🤍.

‹ وش توقعاتكم البارتات الجايه ؟؟ 🦋 مالكم حق ما تدعموني 🥹 وقراءة ممتعة لكم 🦋🦋🦋
🦋اتمنى منكم الدعم والنشر احبكم بنوتات🤍🤍🤍›