《 البارت الثاني 》
‹ لايك لطفًا ❤️ ›
متعب وصل نجد والغلا بيتهم ونزلهم وتطمن وراح المستشفى لجده محمد
دخل وكانوا فيصل ونوف وام غلا موجودين
متعب : ماتشوف شر ياجدي اهم شي انك بخير
الجد محمد : الشر مايجيك يا ولدي والله ما شفت نفسي الا طايح عليهم وماحسيت بنفسي الحمدلله على كل حال يلا انتوا كلّن يرجع لبيته انا بخير متعب خذني معك ..
متعب : تامر يا جد
فيصل : ماتشوف شر ياجد يلا نوف مشينا يلا امي
الجد محمد: مشينا يا متعب
ركب متعب جده السياره وتوجه لبيته نزله وتطمن انه اخذ ادويته ونام وهو مرتاح ورجع متعب لبيتهم
دخل متعب ولقى نجد جالسه هي و الغلا ما تحركوا
متعب : ليه للحين جالسين ؟؟
وقفت الغلا : متعب طمني جدي بخير ؟؟؟
متعب : ايه بخير وتوني مطلعه من المستشفى ورجعته البيت واخذ ادويته ونام شفيكم ؟؟
الغلا : الحمدلله والشكر لك يارب الحمدلله
نجد : الحمدلله. انت ما شفت الغلا شسوت هنا جلست تبكي وانا اهدي فيها
ضحك متعب بخفه : لا تحاتين يا الغلا جدي بخير وبكره وبوديك تشوفينه بعد شتبين ؟؟
الغلا : مششكووور يا متعب
متعب : ما سويت شي يا بنت عمي
ابتسمت الغلا لـ متعب اللي كان ذايب من نظرات عيونها
نجد : يلا يالغلا خلينا نركب عشان تبدلين ونننام
متعب : متاكده بتنامين ؟؟ ولا !!
ضحكت نجد : بنسهر شوي وببننام
ضحك متعب : طيب .. وانا بروح اجيب لكم الايسكريم اللي قلتي لي عنه ..
نجد : الحين ؟؟
متعب : ايه .. مب الغلا تحب الايسكريمات ،؟؟. اقصد انو انتوا تحبوها
ابتسمت الغلا ونجد ناظرتها : ايه نحبها
متعب : طيب انا رايح وبرجع بسرعه ..
نجد : طيب
خرج متعب يشتري لـهم الايسكريمات ونجد والغلا صعدوا غرفة نجد وبدلوا وفتحوا لهم فلم يشاهدونه ..
نجد : انا فيني نوم ومتعب ما جا للحين !!
الغلا وهي تشاهد : طيب انتظري يمكن شوي وبيجي !!
نجد : بنام وصحيني بعدين !!
الغلا : لا تكفين قووومي !!
نجد : طيب بس شوي
الغلا : قومي مافي احد معي بالبيت اخاف واختك نوف شكلها مطوله مع اخوي فيصل
نجد نامت وهي مب منتبهه على الغلا اللي كانت جوعانه مره
الغلا : بنزل اسوي لي اندومي حدي جوعانه
نجد نجد تبين اندومي
نجد وهي نص نايمه نص جالسه : طيب طيب
الغلا : طيب انا بنزل اسوي لنا وجايتك ..
نزلت الغلا المطبخ وهي لابسه بجامتها الحرير اللي لونها اسود وشعرها المربوط ذيل حصان وقصتها وره اذنها
فتحت كيس الاندومي تستعد تحضره لها هي ونجد
وسمعت صوت متعب ينادي نجد
متعب : نجد يا نجد تعالي وينك فيه؟؟؟
الغلا توهقت وهي واقفه بالمطبخ شتسوي
الغلا وقفت ورا باب المطبخ عشان لا يشوفها
وقالت بصوت شبه عالي : متعب انا بالمطبخ لا تجي !! ونجد نايمه بالغرفه انا اسوي اندومي وبرجع بركب غرفة نجد صدد ..
متعب كان واقف خلف باب المطبخ وما دخل لان لو صارت كان هذي ثالث مره يشوفها بدون حجاب ولا نقاب ..
متعب خلف باب المطبخ: الغلا !!
غلا : سم؟؟
متعب : سم الله عدوك.. خذي الكيس من يدي
غلا مدت يدها وكانت البجاما مبينه ناظر متعب يدها الصغيره مقارنه بيده ومناكيرها الاحمر الكرزي اللي سحر متعب وكان كافي يذوب قلبه من داخل
غلا : شكرا يامتعب اتعبناك معنا
متعب : مافي تعب يا بنت عمي ..تبين شي مني ؟؟
غلا : لا شكرا مابي شي سلامتك ..
متعب : ربي يسلمك
وهو داخله كان وده يجلس معها ساعات طويله
متعب : انا رايح مع السلامه
غلا : متعب !!
متعب : سمي؟
غلا : اخوي فيصل رجع ؟؟
متعب : لا ما رجع ونوف معه
غلا : طيب
متعب : تبين شي ادق له ؟؟
غلا : لا سلامتك بس عشان نوف تجلس معي لان نجد نامت !!
متعب ضحك: طيب تصبحين على خير
طلع متعب غرفته وسكر الباب
والغلا بالمطبخ سوت الاندومي وركبت لـ نجد لقتها بسابع نومه ..
غلا : يانجد نجد قووومي سويت لنا اندومي
نجد بصوت مليان خمول : طيب قايمه
غلا : فشلتيني اخوك بغى يشوفني مره ثانية!!
ضحكت نجد : ايييوه!! حلو
غلا : وش اللي حلو وش اللي ايييوه!!! اقولك بغى يشوفني مره ثانيه بدون حجاب ولا غطا !!!
نجد : طيب ولد عمك عادي !!
غلا : اقول انطمي واكلي !! ونوف تاخرت للحين ماجات !! لايكون صار شي معهم !!
نجد : حبيبتي عايشين جو رومانسي الحين
ضحكت الغلا : ححلفي!!!
نجد : مدري عنهم ما صدقوا على الله ياخذون بعض !!
نسيتي حبهم واهم صغار !
الغلا : لا والله مانسيت ..
نجد : طيب بكره بنطلع نشتري الاغراض الناقصه للزواج وابيك تجين معنا شرايك ؟؟
الغلا : طيب عادي ..
نجد : حلو صح بوريك الميكب ذا عجبني مره وحسيت يناسب لفستاني ..
الغلا : يييجنننن مع الويڤي ..
نجد : ايوه بيطلع نااار !!
الغلا: انا محتاره شسوي صراحه يمكن ارفعه وانزل قصتي بس ؟؟
نجد : ايوه بيطلع حلو عليك مع فستانك الاحمر !! اووووو بيطلع خيال !!
ضحكت غلا : طيب يلا خلاص قومي ننام انا تعبت كثير !!
نجد : طيب يلا قومي
ناموا الغلا ونجد وبعدها بـ ربع ساعة دخلت نوف البيت وكانت الساعه ١٢ ونص بالليل والوقت تاخر
دخلت غرفتها وهي تتذكر تفاصيل يومها مع فيصل
ومسكة يده لها وجلستهم عالبحر وحضنه لها ابتسمت وبدلت ملابسها ونامت ..
أنت تقرأ
يقولون العرب .. ان الغرام اعمى
Romanceماذا لو مِتعب اللي ماخذ اوصَاف جدّه محمد واللي الكل يهَاب منه والغلا بنت عمّـه عـقَاب اللي يحبون بعض وتبدا الحكاية من هـُنا .
