《 البارت الحادي عشر》
‹ لايك لطفًا🩶›
" آخر الليل
في مجلس الرجال "
الاغلب نام وتوزعوا فـ الغرف الموجوده بالشاليه وكان فيه غرف كثيير للرجال والحريم والجد محمد نام بدري عشان صلاة الفجر ومتعب نايم بالمجلس مع سعود ومحمد وفارس وفيصل بالغرفه مع عقاب وعبدالله اما متعب ما جاله نوم ابد وعيونه مب راضيه تسكر وقام من الفراش وهي يتنهد : اففف وش ذا الحال وش ذا العلم ...!
وقف يشوف الجو من الشباك ولقى الجو براد وحلو غمض عيونه وصورة الغلا مافارقته ..
ابتسمت داخله وخرج بره ولف شماغه على وجهه وخذ الفروة حقته وتغطى فيها وكان شكله يشل ..
والفروة حقته عطته ضخامة وهيبه اكثر خرج بره وجلس قبال البحر وهو يشم الهوا البارد وكل ما غمض عينه صورة الغلا ما تتطلع من باله ناظر بالساعه ولقى الفجر قرب والشمس باقي ساعه وتشرق ..
والاذان بياذن
متعب : يبيلها شاي بالحبق وتكمل ...
وقف وقام للمطبخ وهو يلحن اغنيته بصوت هادئ وعذب..
" ياحبيبن ما يجي وينه
عني قاطع في مواصيله
ليه ما يرحم محبينه
والغلا مافيه ابد حيله
ارجع ارجع والفرح حينه
يوم تاتي لي مراسيله
زين طاري الحب يازينه
يا يجيني يا انا اجيله "
وبذا الوقت الغلا نفس حالته ماكان يجيها نوم وعيونها مب راضيه تسكر ابد غمضت عيونها وهي تتنهد ياربي ليه مافيني نوم ..؟
فتحت عيونها وناظرت في نجد اللي نايمه جنبها ابتسمت ووقفت وهي تقول :انا ليه اشتهيت شاي ..؟؟
لبست شي يغطيها لان يمكن فيه احد صاحي من الشباب وتوجهت للمطبخ ودخلت وهي ماسكه جوالها ومنزله راسها فيه تناظر لـ صورهم اللي تصوروها البنات معها متعب واقف جنب الدله وهو منصدم من وجودها بالمطبخ بذي الحزه ..!!
رفعت راسها الغلا وناظر قدامها وكان متعب واقف يناظرها وعيونه بس اللي مبينه من وجهه والشماغ مغطي وجههه كامل ماعدا عيونه ناظرت فيه الغلا بإعجاب وقالت بخوف : متعب .؟؟؟
متعب ابتسم: سمي ؟؟.
الغلا حطت الغطا حقها عليها على طول وقالت بصوت مبحوح : انت وش تسوي هنا ..؟
متعب ابتسم: انا وش اسوي هنا ..؟ انا المفروض اسالك ذا السوال. ..! انتي وش تسوي بمطبخنا ..؟
ناظرت الغلا وهي مب منتبهه : اوه معلش نسيت مب مصحصحة وقلت اجي اسوي لي شاي ..
متعب ابتسم لها وناظر بعيونها : طيب خذي انا سويت لي بس يفداك الشاي حقي ..
الغلا خذته من يده وماناقشته ..
الغلا : طيب شكرا متعب
متعب : يازين متعب من فمك ...!
الغلا استحت
فتح متعب الشماغ من وجهه والغلا مفهيه بجماله وجاذبيته ..
ناظرها وقال : ابشرك قرررت اكلم جدي وانتي بتوافقين علي غصبا عليك ودراستك بتكلمينها معي انا بعد ملكة سعود ملكتنا استعدي ...
الغلا بصدمه من كلامه : هااا وش تقول انت ...! ملكة سعود و ملكتنا ...!؟؟؟!
متعب ابتسم : ايه محد قالك ..!
الغلا : لا محد قالي ..
متعب : طيب راح توافقي علي يابنت عقاب طيب .؟؟؟
الغلا بخوف : وش تبي انت ؟؟.
متعب ضحك على شكلها وخوفها منه : لهالدرجه انا اخوف كذا ..؟؟؟
الغلا : متعب خلاص باعد عني بروح
مسك الباب وقال هادئ : بتوافقي ولا ..؟؟؟
الغلا: لا ماابغى خل شهد تتزوجك !!
متعب : شهد زوجة اخوي بتصير وانتي زوجتي بتصيرين صدقيني ..!
الغلا بخوف : خلاص متعب باعد ..!والله بنادي جدي !!متعب ابتسم : ناديه كذا بتسهيلها علي ويقول حنا نحب بعض وبنتزوج ..
الغلا حطت يدها على فمها بصدمه : طيب خلاص انا موافقه بس فككنيي..!
متعب بفرح : حححلو انا الحين ارتحت ...
اححححبببببك ...'
ضحكت الغلا وهربت بكوب الشاي بسرعه للمجلس ..
ومتعب فرح كثير بكلمتها " موااافقه "
وجلس قبال البحر مره ثانيه وهو مبتسم وفرحان حده ..
شاف متعب انه الوقت جا وقرب ياذن قام عشان يصحي جده دخل الغرفه اللي فيها جده وقرب وجهه بشويش وهو يصحيه : ياجد جدي قم يلا الاذان بياذن عشان نلحق عالمسجد .
صحى الجد محمد وقال بصوت مبحوح: هلا متعب اذن ؟؟؟
متعب : ايه ياجد بياذن يلا عشان نلحق بقوم اصحي الشباب ..
الجد محمد : طيب يلا توكلنا على الله
قام الجد محمد وراح يغسل ويتوضا ومتعب دخل مجلس العيال وفتح الانوار وبصوت شبه عالي : قم انت وياه يلا نلحق عالصلاه ..
محمد وهو يفتح عيونه وبصوت مبحوح: متعب وش قاعد تسوي يارجال طف النور خلنا ننام
متعب : قم للصلاة يارجال وارجع نام
سعود وهو مغمض عيونه : متعب مب وقتك خربت حلمي ..
متعب قال بصوت شبه عالي : قوموا اخلصوا علي بقوم اجلس فيصل وفارس نمشي انا جيت لكم اول عشان جدي لا يجيب الخيزرانه لكم ..
ضحك سعود : قايمين يا متعب خلاص رح لـ فيصل وفارس
متعب تنهد ومشى وهو متوجه لـ الغرفة اللي فيها فيصل وفارس دخل وفتح الانوار وقال بصوت شبه عالي : قم انت وياه يلا صلااااة ..
صحوا فارس وفيصل بسرعه عكس سعود ومحمد ..
دخل متعب الحمام وتوضا وتوجه هو و الجد محمد وباقي العيال للمسجد للصلاة ..
"وعند الحريم ام حمد وصلت ومعها بنتها جوليا ومعهم الاغراض والاواني ونقصة ام حمد للحريم والرجال ..
ام حمد : جوليا امسكي ذا يلا وادخلي ..
جوليا : طيب ماما هاتي من يدك
دخلت جوليا وحطت الاغراض بالمطبخ ودخلت الصاله والكل رحبوا فيهم
ام فيصل : يا لبى عينك من زمان عنك يا جوليا والله وكبرتي ..
ام فارس : ماشاءالله تبارك الرحمن وش هالجمال يا جوليا بسم الله عليك
جوليا ابتسمت من الخجل ونزلت راسها وقالت : تسلمي ياخالتي ..
الغلا انتبهت لـ جوليا داخله : جوووليا تعالي تعالي
ركضت جوليا وحضنت الغلا
جوليا : وحشتيني زمان عنك ..!
الغلا : وانتي بعد اخر مره شفتك فيها فـ المدرسه الا ليه ما جيتي زواج نوف ؟؟؟
جوليا : بعدين بعدين اعلمك
الغلا : طيب طيب
نجد والبنات تقدموا وسلموا على جوليا وحضنوها ..
وجلسوا مع بعض
ليان : تصدقون ذي الجلسه يبيلها حب شمسي وشاي كرك بقوم اسوي ولاحقتكم ..
ابتسمت جوليا : تصدقين زمان عن الكرك حقك ..
الغلا ونجد ضحكوا
نجد : جبتيها والله طيب اقوم اساعدك .؟؟
ليان : لا لا انا بسوي كل شي انتظروني ما باطول
قامت ليان ودخلت المطبخ وبدات تحضر شاي الكرك حقها وبطريقتها الخاصه ..
سمعت صوت الباب الاول وفيه احد داخل قالت بصوت هادئ : مييين ..؟؟
محمد ورا الباب : وين الغلا ابي الشاحن .؟؟؟
ليان : طيب دقيقه انا هنا لا تدخل .!
محمد ابتسم لما عرفه انها ليان من صوتها وذي مب اول مره يلتقي معها بالمطبخ ..
ليان : ناديتها بتجي الحين
محمد ابتسم وهو صاد ومعطيها ظهره وقال بصوت هادئ : وش ذي الريحه كرك ؟؟.
ليان ضحكت : ايه
محمد : انتي تسوينه ؟؟.
ليان ابتسمت : ايوه ..
جات الغلا وهي تقول : ليان وينه محمد ؟؟؟
ليان اشرت على الباب الاول
الغلا : طيب
خرجت لمحمد : خذ ورجعه لي بعدين ..
محمد ابتسم : طيب .. تعالي دقيقه
الغلا : وش ؟؟.
محمد :ابي كرك صبي لي ..
الغلا ضحكت طيب وقالت بصوت عالي : ليوووون صبي كرك لاخوي محمد ..
ليان ابتسمت: طيب دقيقه
صبت له الكرك وعطته الغلا وعطته محمد ابتسم : يعطيك العافية ..
مشى محمد والغلا ساعدت ليان ورجعوا للبنات وجلسوا صبت لهم ليان وجلسوا يسولفون ..
جوليا : الله عليييك ياليان وربي اطلق كرك ذقته تفهمين انتي ..
نجد : ايه والله لذييييذ
ضحكت ليان : بالعافيه عليكم هني وعافية
الغلا : الا ماقلتوا لي ولا وحده ناويه تكمل دراستها ؟؟؟
نجد : انا لا صراحه مابي ابي اتزوج واعيل ..!
ضحكوا البنات
جوليا : انا قدمت بـ جامعه ف الخبر وقبلوني وبعد شهر بيبتدي الكورس الاول ..
ضحكت نوف : والله انا خارج النطاق انا متزوجه ومالي خلق اكمل ..!!
ضحكت شهد : انا احب الدراسه بس احس مب وقتها
ناظرتها الغلا وردت : الدراسه مالها وقت ولكل مجتهد نصيب
شهد : متفلسفه..!
ضحكت نوف : وش فيك على غلووووي انتي ..؟!
شهد : ولا شي .!!
جوليا : صح كلام الغلا ترا الدراسه مهمه ..
نجد : يوووه فكونااا تكفون ..!!! خلنا نسولف عن اي شي ثاني ..!
نوف : بقولكم عن موقع طلبت منه كل ملابسي حق الزواج وبيجاماتي وكل شي
الغلا : وليه لايكون بنتزوج الحين ..!
ضحكت نجد : تحمست نوف ..!
جوليا : عاد انا احب البيجامات المريحه مره لان ما اعرف انام باي بيجاما .!! واغلب بيجاماتي حرير
الغلا : ايه زييي انا بعد احب بيجامات الحرير كثير
ليان ضحكت : ياحبكم لهالسوالف..!
نوف : فيصل استانس على بيجامات الحرير ..!
ضحكوا البنات
الغلا : يقطع بليسك يانوف ...
نوف : وانا صادقه وش بلاكم ..!
دق جوال نوف
نوف ضحكت : الطيب عند ذكره ..!
بقوم شوي واجيكم ...
نجد : سوالف متزوجين مالنا فيها .!
الغلا ضحكت : ياربي نجد ضحكتيني ..!
ليان : خليهم توهم عرسان جددد ...
" وعند نوف
نوف : هلا حبيبي ؟؟؟.
فيصل : وينك اشتقت لك ؟؟؟.
نوف : مع البنات ..
فيصل : تعالي لي بالغرفة اللي جنب المسبح بسرعه انت هنا جالس وحطي عليك عبايتك ...
نوف ضحكت : طيب طيب جايه
فيصل ابتسم وسكر وجلس ينتظرها ..
" وعند الرجال بالمجلس
متعب جالس وهو يفكر بالغلا وكان وده يشوفها نفس امس لان اشتاق لها ..
خرج بره بحجة انه بيدخن وقف وهو عنده امل انها تظهر لي للاسف ما خرجت ...
متعب : اوووف ليه ما تجي طيب. !!! ابي اشوفها وحشتني !!!!
وفي ذا الوقت البنات قرروا انهم يسبحون مع جوليا نفس امس ويصورون مع بعض للذكرى ..
خرجت الغلا ومعها شنطتها متوجها الى المسبح خرجت وكان متعب واقف يدخن كعادته وينفث دخانه وهو يتامل الجو ..
لف وجهه والغلا قدامه متوجهه للمسبح ابتسم وقرب لها بسرعه وقال : هلا وغلا ..
الغلا تفاجأت من وجوده وقدامها !!
قالت الغلا بخوف : متعب ؟؟؟ وش تسوي انت هنا ؟؟!.
ضحك متعب وقال : وحشتيني يالغلا !!..
الغلا : متعب خلاص رح لا تفشلني وتفضحني !!.
ضحك متعب وقال : اذكرك بالاسبوع الجاي ي زوجتي المستقبليه ..
الغلا هربت وركضت للمسبح ومتعب ضحك عليها ..
ومشى يرجع للمجلس ..
عند البنات بعد ما سبحوا وخلصوا كل وحده خذت شور ورجعوا المجلس عشان يساعدونهم بالغدا حطو السفر للأكل للجميع الرجال والحريم ..
والكل تغدا بعدها ومتعب نام بالمجلس من التعب لانه مانام يوم كامل ..
" عند البنات في المجلس معهم الشاي بالنعناع كالعاده والحب الشمسي ويسولفون نادتهم ام فيصل وام متعب عشان يشيلون الاغراض لـ بكره الصباح بيرجع كل واحد بيته
قالت الغلا : ياربي مالي خلق احس تعودت عليكم هاليومين !!.
نجد ضحكت : ايه والله منجد احس مابي ارجع بيتنا وخصوصا اننا ماراح نشوفك بعد اسبوعين !!
ضحك الغلا وقالت : لا تحاتين بدق عليك كل وقت افضى ..!
نجد بزعل : اكيد غصبا عنك
ام فيصل : بنااات !! تعالوا يلا ساعدونا !!
نوف : طيب خالتي جاييين
ليان قامت معها شهد وشالوا الاغراض معهم
نجد : يلا قوموا
قاموا نجد ومعها الغلا ونوف وجوليا تساعدهم ..
جهزوا الاغراض عشان بكره الصباح يحملونهم للسيارات وكلّن باخذ اغراضه ويمشي ..
" في المغرب بعد الصلاه
الشباب خرجوا من المسبح ومتعب بعد نايم بالمجلس دخل محمد وهو لابس ثوبه ومعه الفوطه على راسه المبلول ..
محمد : متعب متعب قم يلا ...
متعب فتح عيونه بشويش : وش ؟؟؟
محمد : صار المغرب وسبحنا وخلصنا وانت للحين نايم !؟؟.
متعب : طيب طيب انت رح وانا لاحقك ..!
محمد ابتسم : قم اخلص بنروح نجيب العشا لـ الحريم ولنا ..
متعب : طيب
قام متعب وغسل وجهه وصل وراح مع محمد يجيبون العشا ..
وعند فيصل ونوف "
نوف راحت لـ فيصل الغرفه اللي جنب المسبح ومعها شنطته اللي طلبها تجيبه معها لان ملابسه معها ..
نوف دخلت وهي مبتسمه : تفضل حبيبي ..
فيصل شدها وحضنها وهو يشمها : اهههخ اشتقت لك وربي !!
نوف وهي تبادله : وانا بعد ..
فيصل : طيب انتظري بقولك بكره لما نوصل البيت اي حساب معك .!!!
نوف ضحكت : طيب !!
فيصل : نشوف ..'
نوف ضحكت وباسته بخده وخرجت من الغرفه فيصل بدل ملابسه وخرجت للمجلس ..
" في مجلس النساء صوت الجد محمد وهو يقول : طريق ياحريم طريييق معي العيال ..
تفاجؤوا الحريم من وجوده بينهم والكل تغطا ولبسوا شي يسترهم ..
الجد محمد دخل وراه العيال وقال : السلام عليكم ورحمة الله وبركاته..
ردوا الحريم السلام
الجد محمد انتبه للغلا اللي جالسه بالزاويه وهو من زمان ماشافها وكان مشتاق لها مره ابتسم وقال : الغلا تعالي وحشتيني يابنتي ..
الغلا ابتسمت وكانت خجلان مره قربت من جدها تقبّل جبينه وقالت بصوت هادي : هلا فيك جدي ..
الجد محمد : ماشاءالله تبارك الله كبرتي يابنتي .. عقبال مانشوفك عروسه يارب وناظر بباقي البنات وقال : انتوا بعد عشان لا تزعلون ..
ضحكوا الكل والغلا ناظرت بمتعب اللي واقف ورا جده محمد ومبتسم لها وكانه يقول " عقبالنا "
الجد محمد : ادري انكم مستغربين من وجودي بينكم .. ولكن انا جاي اخبركم عن ملكة سعود على شهد ..
الكل تفاجأ واولهم شهد اللي ماكانت تدري ابد عن هالموضوع وسعود جنب جده منزل راسه مستحي يناظرها ..
الغلا ناظرت بجدها بصدمه وبمتعب اللي ميت ضحك على ردة فعلها ..!
الحريم كلهم باركوا لسعود وامه حضنته ..
وباركوا لـ شهد اللي واقفه مصدومه من الخبر ..
ناطر سعود بـ شهد لـ ثواني وحس انها مجبوره وتوها تدري ..
الجد محمد : الكل معزوم عالملكه اسبوع الجاي يوم الخميس الف الف مبروك لـ اولادنا ..
وخرج الجد ومعه العيال شهد للحين واقفه مصدومه مكانها وخصوصا انها تحمل مشاعر لـ متعب ..!
دمعت عيونها وناظرت فيها الغلا اللي ماتدري تفرح او تحزن ..
البنات كلهم تقدموا يباركون لـ شهد وهي منصدمه بعدها والغلا تقدمت وقالت بهدوء : مبروك ي شهد
شهد ما ناظرت بـ احد ابد ..
" في الصباح الكل جهز اغراضي عشان يرجع لـ بيته الرجال كلهم جهزوا سياراتهم واعراضهم وكل واحد اخذ اغراضه بـ سيارته ومشى لـ بيته ..
" بعد مرور ثلاث ايام
في غرفة الغلا جالسه ومعها جوالها والاندومي اشوف مسلسلها ..
دخلت عليها امها وهي فرحانه وميته من الفرحه ..
ام فيصل : غلا يالغلا اسمعي سكري ذا اللي عندك ..
الغلا شالت سماعاتها وقالت : نعم ماما ؟؟؟؟.
ام فيصل : تخيلي مين كلم ابوك اليوم ؟؟؟
الغلا : مين ؟؟؟.
ام فيصل : جدك محمد ..
الغلا : طيب ؟؟ وش السالفه ؟؟
ام فيصل : جدك كلم ابوك وقال ابي الغلا بنتك لـ متعب ولد عمها وبعدها عمك عبدالله دق وقال نفس الكلام ها وش قلتي ؟؟؟
الغلا بصدمه وهي تعرف انه متعب بيسويها : ها انا ؟؟؟
ام فيصل : ايه انتي يعني مين ؟؟؟ اسمعي متعب رجال والكل يهاب منه ويحسب له حساب والبنات كلهم يتمنونه صدقيني وافقي عشان جدك لا تعصبيه ..!!
الغلا : طيب طيب خلاص بفكر .. بس دراستي ؟؟؟
ام فيصل : دراستك بتكمليها بعد الخطوبه انتوا ملكوا اول وبعد الدراسه بتتزوجون ..
الغلا : طيب ماما خلينا اكمل مسلسلي الحين .. وبعدين يصير خير
دخل محمد وقال : اوف اوف اندومي رح كان عطيني اخذ محمد الشوكه واكل من صحن الغلا الغلا عصبت : ممممحححمممددد بصفقك ..!!!!
محمد ابتسم : خلاص طيب لا تصيحين امسكي
ام فيصل : اختك تقدموا لها بارك لها
محمد : اوح مين ؟؟؟
ام فيصل : متعب ولد عمك ..
محمد بفرح : احلفي زين ما اختار وربي انا بقوم اروح له وصح يمه لا تنسين سالفتي انا وليان اخطبيها لي
الغلا بصدمه : بتخطب ليون ؟؟؟
محمد وهو يغمز : ايه ..
ضحكت الغلا وقالت : الله يعينها صدق مسكينه ليون..
محمد وهو يقلدها : ماضحكت !!
الغلا : طيب يلا بره
محمد : اساسا انا خارج
ضحكت الغلا ومحمد خرج من غرفتها
ام فيصل : فكري زين ها لا تفشلينه قدام جدك وعمك .
الغلا : طيب ماما
ام فيصل خرجت من غرفة الغلا والغلا تركت جوالها وهي تفكر بالموضوع ..
" في بيت احمد ابو فارس
شهد جالسه بالغرفه وهي تبكي بحرقه دخلت ليان عليها
ليان : حبيبتي خلاص ارحمي نفسك !!! تراه زواج مب عذاب !!.
شهد ببكي : ليان افهميني انا م احب سعود احب متعب متعب ما ابي سعود م ابيييه !!!
ليان : شهد افهمي !! متعب مايحبك متعب يحب الغلا واضحه وعلى فكره تراه خطبها خلك انتي وخل الحب يفيدك !!!.
خرجت ليان من غرفة شهد وشهد انصدمت وضلت تبكي ...
جات لها رساله من " سعود بن عبدالله "
انصدمت انه سعود وكيف جاب رقمها ..
فتحت الرساله ولقت سعود كاتب لها
سعود بن عبدالله 《 السلام عليكم معك سعود ولد عمك عبدالله جبت رقمك من قروب العايله حبيت اقولك عشان نكون قدام الامر الواقع زي ما انتي مجبوره علي انا نفسك جدي هو اللي اختارك وماقدرت اقوله لا ولا قدرت ارد كلمته تطمني انا بعد ما احبك زي ما انتي ما تحبيني اتمنى انك ما تبيني لاحد اي شي لحد ما نخلص من هالزواج ..》
شهد شافت الكلام وانصدمت والي صدمها اكثر انها قال لها انه ما يحبها وهي مفكره انه يحبها عشان كذا خطبها ..
ماردت شهد على الرساله وحطت راسها ونامت بتعب ..
أنت تقرأ
يقولون العرب .. ان الغرام اعمى
Lãng mạnماذا لو مِتعب اللي ماخذ اوصَاف جدّه محمد واللي الكل يهَاب منه والغلا بنت عمّـه عـقَاب اللي يحبون بعض وتبدا الحكاية من هـُنا .
