حصه بهمس : يابنت كلي حبه وحده بس
ريم : ليه
حصه : اتكيت وكذا
ريم : اها
حصه شافت حرمه تعرفها وريم استغلت ان امها لاهيه مع الحرمه وتسولف
ريم وهي تمشي جوا بأتجاها بنات كذا كبرها
البنات : انتي بنت مين ؟
ريم : هلا
البنات : فستانك هذا من اي ماركه شكله ستايل قديم
ريم : مدري
البنات بطريقة كلام مستفزه : ياحول ماتدرين اجل كيف انتي تسمين نفسك بنت
ريم وهي ودها تاخذ صنيه الحلا وتصكها في راسهم.
ريم وهي تسفهم وطلعت للحوش الواسع الكبير تناظر يمين ويسار وبعدت شوي بحكم انه حوشهم كبير وتلقى ذيك الجلسه اللي فيها كراسي وطاولات وتقعد عليها والا شوي تسمع صوت موسيقى وهي تلتفت وتستغرب
ريم في نفسها : غريبه من في الحوش الا تلقى ذاك الولد المزيون وجالس ياكل وجبه من وجبات السريعه
جت وجلست جنبه
الولد ( سلمان ) : بسم الله انتي وش مطلعك هنا
ريم : طلعت اشم هوا
سلمان : صح مره ضيقه عزيمتهم
ريم : اي والله مره
سلمان وهو يمد لها حبه بطاطس: تبين
ريم : لا مو صحي
فجاه سلمان يعطيها نظره
سلمان : الحين انتي هاجه عن عزيمتهم وتقولين مو صحي
ريم : بسلامتهم
واخذت حبه البطاطس وجلست تاكل منه
ريم : ياربي يا انهم غثيثين
سلمان : منهم
ريم : اصحاب ذا البيت ابوي ازعجني عليهم
سلمان : ليه
ريم : من زينها مسوين حفل ودي اعرف فلوسهم ماتخلص كل شوي حفل وابوي مزعجنا هم كويسين ناس فاهمه ناس عارفه كان مافي احد غيرهم في ذي الحياه وانهم عائله كشخه ومدري وشو وانهم يهبلون والله اني ماشفت فيهم شي زين
سلمان : الله الله لهدرجه تكرهين العائله وحسدتهم على فلوسهم
ريم : وجع انا احسد مستحيل ترا عيني بارده ، انا المقصد لانهم ناس متكبره وغثيثة وكلما جابوا طاري العائله يخافون عاد يخافون من وش يعني والله لو انه وشو اكرهم مره واحس ودي اشوف عيالهم واجلدهم احسهم غثيثين
سلمان : اها ، بس ليش تجلدين عيالهم حرام
ريم : الا انت مين
سلمان: انا ولد السواق
ريم : ولد السواق .. طيب شسمك
سلمان : اسمي مازن
ريم : اها تشرفنا يا مازن انا اسمي ..
قبل ماتنطق ريم دقت امها
ريم : الو هلا يمه
حصه : وينك انتي فيه
ريم بتوتر : في الحمام هذاني جايه
قفلت الخط
ريم بستعجل: مع السلامه
وراحت
سلمان يوم راحت وتاكدت انها راحت قاعد يضحك ضحك مو طبيعي كيف يصارحها انه ولد هذي العائله اللي حايمه كبدها منهم ومن غرورهم وتكبرهم دخل جوه وراح غرفته وفي نفسه يقول
سلمان : يالله وش كان اسمها امها ماخلتها تكمل امم طيب وش اسميها .. لحظه بس بسميها بطاط
——
ريم : هلا يمه
حصه : وين كنتي حطوا العشاء
ريم : يمه قلت لك انا في الحمام
حصه : ماشاءالله لك ساعه ونص مختفيه كلها في الحمام لايكون انتي تواعدين جن بسم الله
ريم بخوف : يمه اعوذبالله ومن تفكيرك الله يسامحك بس
حصه : اقول حطي لك اكل وكلي
أنت تقرأ
كنت اعيب في الحب ، ومن عاب ابتلى .
Randomالكاتبه : ساره كاتبه مبتدئه 🤍 عن بطلنا اللي يكره طاري الحب والزواج وهو من عائله معروفه بالخير الكثير والناس طامعانين في حلالهم بس تتغير فكرته عن الزواج والحب من بنت شافها في حوشهم وقت العزيمه وهي تتحلطم عن هذي العائله وتسبهم وماتدري ان اللي قدامها...
