قامت بطلتنا ريم على صوت المنبه وهو يرن
ريم : اوف مو وقتك ابد
قامت ريم وغسلت وجهها وفرشت اسنانها ونزلت تحت ودخلت المطبخ
ريم وهي تبوس خد امها : صباح الخير ياحلى ام في هالدينا
حصه : مادام اني احلى ام يابنتي غسلي المواعين
ريم وهي تصرف الموضوع : هاه عندي شغل بخلصه
حصه : الله يهديس بس
—-
عند عائله ابو سلمان
الخدامه : سيد سلمان مدام يبي انتا
سلمان وهو يفتح جواله ويشوف الوقت وقام مفزوع : يوه تاخرت يلا يلا جاي
لبس بسرعه وغسل وفرش اسنانه وحط من عطره المفضل ويلبس ساعته دخلت عليه اخته لمياء
لمياء : اوف اوف شعندك الساعه ١٠
سلمان وهو يغمز : اشغال تعرفين انا رجل اعمال
لمياء : الله الله كل هذا غرور ، خف علينا يامزيون
ضحك سلمان ونزل لامه وباس راسها
سلمان : هلا يمه شبغيتي ؟
نوره : ياولدي ابوك بيسوي عزيمه
سلمان : بمناسبه وشو يمه
نوره : عشان الشركات وكذا وبيجيبون مصورين وكذا فا ابيك ياولدي تجيب الحلا
سلمان وهو يرفع حاجبه : والعمال وينهم
نوره : مشغولين يضبطون البيت
سلمان بابتسامه : مايصير خاطرك الا طيب
نوره بابتسامه : الله لايخليني منك
سلمان : امين
عند عائله ريم وهم يفطرون
ثامر : بقولكم شي ياعيال
كلهم بصوت واحد : وشو
ثامر : انا والله داخل في شركه صاحبها عبدالعزيز بن عبدالله ال"""""" ومسوين افتتاح في بيتهم وعزموكم
سلطان بستغراب : وليش يعزموننا وش دخلنا حنا ؟
ثامر : ياولد وش فيك احمد ربك انهم عزموكم الله يكثر خيرهم
ريم بضحكه : ماشاءالله يبه مايحتاج تقول الله يكثر خيرهم خيرهم كثير وتبيه يزيد
كلهم ضحكوا
بعد الفطور
ريم وهي اشوف الدولاب وشهقت شهقه
وركضت على امها
ريم وهي تصرخ : يمه يمه
حصه وهي خايفه : وش فيه!!
ريم : ماعندي فساتين البسها
حصه وهي تضرب ريم على الخفيف : روعتيني خلاص الحين نروح السوق قولي لاخوك سلطان
ريم : طيب
رحت وقالت لاخوها سلطان
سلطان : يوه مالي خلق قولي لنواف
ريم بصدمه : تستهبل صح ! نواف صغير لسا ماخذ الرخصه حتى
سلطان : اوف يلا بسرعه
ريم راحت لبست عبايتها وراحت
ريم وهي تلف السوق كله : اوف مالقيت شي
حصه : طبيعي يابنتي ماتلقين شوي شوي انتي كانك بسم الله الرحمن الرحيم جني تطلين على المحل وتروحين شوي شوي دوري وشوفي
ريم : طيب
بعد ثلاث ساعات
سلطان وهو يدق على امه : يمه الله يسعدكم خلاص كاني صرت سواق لكم
حصه : استح على وجهك تراني امك ياولد
سلطان : اي يمه خلاص سنه في السوق
ريم : ماما بكلم سلطان
ريم وهي ماسكه الجوال ومعصبه : تستهبل تحسبنا مثلكم يالعيال اروح لخياط واقول له خيط ويخيط وبعد يومين يصير جاهز ! لا ياعمري ترانا بنات وترانا..
قفل في وجهها
ريم بصدمه : قليل ادب
حصه وهي تضحك : امشي امشي الله يصلحكم بس
أنت تقرأ
كنت اعيب في الحب ، ومن عاب ابتلى .
Diversosالكاتبه : ساره كاتبه مبتدئه 🤍 عن بطلنا اللي يكره طاري الحب والزواج وهو من عائله معروفه بالخير الكثير والناس طامعانين في حلالهم بس تتغير فكرته عن الزواج والحب من بنت شافها في حوشهم وقت العزيمه وهي تتحلطم عن هذي العائله وتسبهم وماتدري ان اللي قدامها...
