ريم : طيب
بعد الاكل ..
دق جوال حصه
حصه : هلا
سلطان : يمه انا عندي مشوار ماقدر اجي اخذكم بخلي نواف ياخذ سياره ابوي ويجي
حصه : واذا جت مخالفه انت تدفعها
سلطان بضحكه : ابشري ماعليك خلاص انا ادفعها
الساعه ١:٣٠ الليل
ريم وهي فيها نوم : يمه يلا خلينا نمشي
حصه : توها الساعه
ريم : يمه ترا مانعرفهم عيب نقعد اكثر
حصه بعصبيه : اقول تراك كبر اصبعي مابقى الا تتحكمين فيني ياقليلة الادب
ريم وهي تافف : اوف طيب
حصه وهي تقبصها: تقولين اوف لامك ياقليله الادب
ريم بتألم : خلاص اسفه اسفه
الساعه ٢:٣٠ الليل
ريم نايمه في الكنبه وكانوا نص المعازيم راحوا صحت على صوت يهمس يناديها
....: ريم ريم قومي امك بتروح
ريم فزت : هاه مين انت
....: انا لمياء شفيك
ريم بتفشل : معليش خوفتيني
لمياء بضحكه : لا عادي يلا امك بتروح
لبست عبايتها وجت لمياء توصلها الباب
لمياء : معليش ريم
ريم لفت : هلا ؟
لمياء : عادي يعني اخذ رقمك ؟
ريم وهي تأشر في نفسها : انا ؟ متاكده
لمياء باستغراب : اي ليه
ريم : هاه ولا شي سجلي عندك """""""""
لمياء : تمام شكراً
ريم وهي تركب السياره ومستغربه ليش لمياء تبي رقمها وهي حتى ماتعرفها بس قالت يمكن تبي تصير صديقتي
نواف قاطع تفكيرها : ها كيف العزيمه
ريم : زينه الحمدلله
نواف : بيتهم كبير صح
ريم : مره تستهبل كذا مره ضيعت امي فيه
حصه : لاتكذبين انتي طوال الوقت قاعده جنبي
ريم : يمه شفيك تراها بهارات عشان اشرح له قد ايش البيت كبير مره
نواف وهو يضحك : تعجبيني يمه
بعد ماوصلو البيت
ريم راحت غرفتها فصخت فستانها ورتبت اشياها وانسدحت على السرير وتفكر بولد السواق الحلو وتقول في نفسها :
معقوله ذا المزيون ولد السواق ، وش ذا السواق اللي جيناته تاخذ العقل
قاطع تفكيرها صوت رساله من جوالها
فتحت الجوال
لمياء : هلا انا لمياء ، عسى مانتي نايمه
ريم : لا صاحيه
لمياء : كيف العزيمه حلوه ولا
ريم : لا والله ماقصرتوا صراحه العزيمه فوق الروعه
لمياء : صراحه انا خذت رقمك لان حسيت شخصيتك مقاربه لشخصيتي
ريم في نفسها : وش ذي تسوق امها كيف تقول اني مقاربه لشخصيتها وانا ماقد سولفت معها
ريم : اي الله يسعدك يارب
لمياء : ماطول عليك بس حبيت اعلمك ان هذا رقمي
ريم : يلا مع السلامه
—— عند سلمان ——
سلمان وهو يفكر في ريم اللي ماخذه عقله وفستانها اللي مبين تفاصيل جسمها المرسوم رسم وضحكتها وكل شي فيها
يسمع صوت دقات الباب
سلمان : ادخل
سامر : هلا والله باخوي
سلمان : شتبي اخلص
سامر : شوف ياسلمان بقول لك شي انا احب بنت عمي نوره وابي اتزوجها واخاف احد ياخذها مني وابيك تساعدني في ذا الموضوع انك تفتحه لابوي
سلمان بقرف : وع وش جوك الحب وانا اخوك الحب موب زين يجي منه عوار الراس والم في القلب
سامر : والله ياسلمان لو تجرب الحب انك تسوي كل شي عشانه وبدون وعي بعد ترا الحب شي كبير ياسلمان الى متى وانت تستهين بالحب والمشاعر
سلمان : الله والمشاعر عاد ، طيب بساعدك خلاص روح
سامر وهو يبوس راسه : كفو
أنت تقرأ
كنت اعيب في الحب ، ومن عاب ابتلى .
عشوائيالكاتبه : ساره كاتبه مبتدئه 🤍 عن بطلنا اللي يكره طاري الحب والزواج وهو من عائله معروفه بالخير الكثير والناس طامعانين في حلالهم بس تتغير فكرته عن الزواج والحب من بنت شافها في حوشهم وقت العزيمه وهي تتحلطم عن هذي العائله وتسبهم وماتدري ان اللي قدامها...
