السلام عليكم
طبعًا حابه اقولكم شي مهم عن سالفه البارت قصير ومدري ايش
طبعاً في الفتره الاخيره انقطعت ٤ ايام مانزلت بارت
ويوم رجعت نزلت البارت في ناس يقولون البارت قصير وفي ناس يقولون ان على بالنا ال ٤ ايام هذي تسوين فيها احداث وبالنهايه البارت قصير ومافيه حدث
وطبعاً لما اشوف التعليقات تضايقني يعني انا منزله وفرحانه باول روايه لي واني كاتبه مبتدئه والدعم كذا شي حلو تجون تقولون لي ( البعض 🚨🚨)
ان البارت قصير ومدري وش وماحبيت الميانه بين الابطال
ولازم القا في كل بارت ادخل على التعليقات ( البارت قصير ) وكثير يقولون نسيت الروايه ومدري وش ودخلين على حسابي في التيك توك يسبوني ! ياجماعه انا انسانه كثير تهجمو علي في التيك في الخاص ان انتي بارتاتك قصيره ومدري وش والاحداث زباله
على فكره انا انسانه عندي حياه وعندي (((اشغال ))) ركزوا على الكلمه مو بس اكتب وفي ناس تقول على هذي البارتات القصيره لازم ٣ بارتات في اليوم ؟؟ ترا انا يمديني اخلي البارت طويل مره بس انا ابي اقسمها عشان تصير في بارتات كثيره في الروايه واحمسكم وانا يمديني انزل ثلاث بارتات في اليوم واخلصها لكم في يومين بس ! اذا تبون كذا علموني ترا بالنهايه الراحه لي وانا اصلاً هذي راح تكون اول واخر روايه لي من غير شر لاني بس حبيت اشوف كيف عالم الروايات بس اكتشفت ان مو نفس اللي توقعته
وفالنهايه اذا ماعجبتك الروايه او الاحداث او الميانه بين الابطال فا يمديك تطلع وماتدخل الروايه وتعلق على شي ماعجبك لا تعلقين في كثير ناس عجبهم
وفي النهايه ( قل خيراً او اصمت )
أنت تقرأ
كنت اعيب في الحب ، ومن عاب ابتلى .
Randomالكاتبه : ساره كاتبه مبتدئه 🤍 عن بطلنا اللي يكره طاري الحب والزواج وهو من عائله معروفه بالخير الكثير والناس طامعانين في حلالهم بس تتغير فكرته عن الزواج والحب من بنت شافها في حوشهم وقت العزيمه وهي تتحلطم عن هذي العائله وتسبهم وماتدري ان اللي قدامها...
