كنت اعيب في الحب ، ومن عاب ابتلى .

البارت السادس

لمياء ببكاء اكثر : مدري بس اخوي مقطع قلبي عليه
ريم بحزن : معليك بتزين الامور وباذن الله لبعض هم .. بس بسألك انتي ماحاولتي على ابوك
لمياء : الا والله حاولت مافاد
ريم : معليش تزين ان شاء الله
لمياء وريم سهروا ويسولفون ويضحكون
لمياء : الحمدلله انك جيتي العزيمه ولا الحين انا ماعرفك
ريم بضحكه : والله انك جوي
سلمان دق على لمياء
لمياء : هلا
سلمان : وينك فيه
لمياء : صباح الخير توك تدري اني مو موجوده في بيت صديقتي ليه
سلمان: من متى وانتي عندك صديقات بدينا بذي الحركات.
لمياء : اخلص وش تبي
سلمان : بس كنت بطلعك بس دامك عند خويتك خليك
لمياء : احسن مابي الطلعه معك .. لحظه وش صار على سامر
سلمان : والله من اليوم يبكي مدري شوضعه عشان كذا اقول لكم لاتحبون بترتاحون بس ماتسمعون تستاهلون
لمياء : حرام عليك لازم اجيه الحين
طفته في وجهه
لمياء وهي مستعجله: معليش نتقابل في يوم ثاني اخوي مقطع قلبي ماقدر
ريم : فمان الله خليني اوصلك
لمياء : لا لا مايحتاج
نزلت لمياء وهي تركض مستعجله
وصقعت بسلطان وجت بتطيح الا يمسكها ويناظرون في وجهه بعض يتأمل ملامحها الحلوه : خشمها الصغير ، شعرها الحرير ، حواجبها السيف، شفايفها المنتفخه شوي ، عيونها الكبيره والوسيعه ، لون عيونها يعني حرفياً بنت حلوه حلوه بشكل
لمياء وهي مستحيه : معليش بالغلط
سلطان وهو مفهي : وش ذا الجمال
بعدين حمر وجهها واستوعب الجمله اللي قالها
وفكها : هاه لاعادي عادي حصل خير
لمياء كملت مشوارها وهي مستحيه
اما هو اللي عيونه ترقبها وهي تمشي ويقول : صاروخ ماشاءالله
ومشى فوق بسرعه ودخل على ريم بقوه
ريم بخوف : بسم الله وشفيك
سلطان : وش اسم خويتك
ريم : وش دخلك انت ، وبعدين قلت لك الف مره لا تدخل كذا تروعني
سلطان : وش اسم خويتك
ريم : اسمها لمياء قلت لك ترا يوم كنا في المطبخ
سلطان : اي ماسمعت زين شسوي

ريم : طيب انقلع
طلع سلطان من الغرفه
ريم : يالله والله تكسر الخاطر لازم أسألها وش صار اذا رجعت
—-
دخلت لمياء البيت وتروح على طول لغرفه سامر
دق دق
سامر وهو يمسح دموعه: ادخل
لمياء دخلت وقعدت على طرف السرير : سامر حبيبي لاتضيق صدري شفيك
سامر بصوت مبحوح : مافيني شي
لمياء : الا فيك شي علمني ياروحي انت
سامر بعصبيه وصراخ : اقولك مافيني شي وبعدين يوم انك تكلميني بهذا الاسلوب ماني مريض انا لو ابغا اقولك قلت لك سمعتي !! خلاص بلا نشبه كل ماشفتنيني شفيك ياروحي شفيك ياقلبي انقلعي برا ولا عاد اشوفك تسمعين !!!
لمياء بدموعها وصوت فيه غصه : اوه معليش ماكنت متوقعه انك متضايق مني .. انا اسفه
وطلعت
سامر وهو يكسر كل شي ويشد شوشته زي المريض : لا ليت انقص لساني ولا قلته
طلعت لمياء وقابلها سلمان وعلي وتكلموا بصوت واحد : لمياء شفيك
لمياء راحت وماعطتهم جواب ودقت على ريم
ريم بصوت فيه نوم : هلا
لمياء بصوت مبحوح : معليش قومتك من النوم
ريم : لاعادي بغيتي شي
لمياء : والله بغيت اشياء كثيره
ريم وهي تعدل جلستها : وش فيك
لمياء ببكاء وهي تعلمها السالفه كلها
ريم : ياروحي خلاص خلاص كفايه دموع
لمياء : ريم عادي بكره تجين بيتنا
ريم : اجي بيتكم ؟ مدري والله عن اهلي
لمياء : تكفين تعالي مو قادره لحالي والله
—-
طبعاً المفروض اني انزل ٣:٣٠ الليل بس عشان بنزل لكم اليوم بارتين عشان لا حد يقول البارتات قصيره ونخلصها بسرعه