كنت اعيب في الحب ، ومن عاب ابتلى .

البارت الخامس

—-الصباح وقت القهوه —-
سلمان : يبه ابي اكلمك في موضوع
عبدالعزيز : تكلم
سلمان : والله يبه سامر يبي يخطب
عبدالعزيز بصدمه : وشووو ، سامر البزر ذا
سلمان: اي وش فيها
عبدالعزيز: ذا توه فاصخ حفاظه كيف تبي يفتح بيت
سلمان : يبه ماله دخل العمر ، وهو يحب البنت ويبي يخطبها ، جاء بالحلال يعني
عبدالعزيز: اجل عن حب هااا ، يعقب بس
سامر وهو يسمعهم ودخل بقوه عليهم
سامر بصراخ : لا بتزوجها الحينن نروح نخطبها
عبدالعزيز بعصبيه وصراخ : تخسى وكلمه ابوك هي اللي تمشي تفهم
سامر بعصبيه وصراخ اكثر : لا ماافهم يبه انا احبها احبها
عبدالعزيز: حبك برص ماله ضرس اعقب بس
سامر : انا مصيري بتزوج وبتزوجها هي وغصب عن الكل
تقدم عبدالعزيز وعطاه كف اقوى من حياته
عبدالعزيز بصراخ : تعقب وانا ولد عبدالله

قامت لمياء على صراخ
لمياء بخوف : وش صاير الله يستر
ونزلت ركض وتشوف ابوها وسامر يتهاوشون وسلمان يهديهم ويبعدهم عن بعض
لمياء بصراخ : وش صاير
عبدالعزيز: ذا يبي يتزوج هو وجهه
سامر: اي بتزوج
لمياء : طيب شالمشكله يبه ! تراه بالحلال
عبدالعزيز : اسكتي لايجيك الدور
سكتت لمياء وخافت وراحت غرفتها ودقت على ريم وهي تبكي
ريم : اهلا لمياء ، شفيه صوتك بسم الله عليك !!
لمياء ببكاء : شوفي ادري اني ماعرفك ولا تعرفيني وادري اني فجاه طلبت رقمك وانا اصلاً ما سولفت معك وادري انك خايفه مني بس والله انا ماعندي صديقات ويوم امك خلتني اقولك وشفت رده فعلك اللي تضحك حسيتك كيوت
ريم : طيب ياعمري ليش تبكين !

لمياء : عادي اجي بيتكم تكفين ابي اشوفك
ريم باستغراب من طلبها : اي عادي حياك الله
لمياء : طيب أرسلي اللوكيشن وكلها ساعه وبجيك ان شاء الله
ريم : يلا في انتظارك
قفلت وريم في نفسها :
ياعمري شكل ماعندها احد يواسيها نفسي كل اخوانها عيال .. يوه بجهز القهوه
نزلت لامها وعلمتها السالفه
حصه باستغراب : غريبه ماتعرفينها ولا تعرفك
ريم : مدري عنها عموماً هي بتجي عادي تجهزين القهوه يمه ؟
حصه : ان شاء الله
سلطان وهو نازل من الدرج : ليش مين بيجي
ريم : وانت وش دخلك !
سلطان : عيب انا اخوك الكبير
ريم : اوف صديقتي ارتحت
سلطان : وع لايكون صديقتك نوره الغثيثه
ريم : لا لمياء
سلطان : اوه شكلها جديده بالقائمه خلينا نسجلها
ريم : يالله يالظريف ، ياثقل دمك بس
رن الجرس افتح الباب ياسلطان
سلطان : وانا شغلتي افتح البيبان لصديقاتك اللي مايخلصون
ريم : نعم ! قل ماشاءالله
سلطان : ماشاءالله
وفتح الباب الا يشوف بنت جميله تاخذ العقل وكانت عيونها حمراء من بكاها
لمياء بصوت مبحوح :عادي ادخل
سلطان وهو يناظرها ويناظر جمالها : اي عادي ادخلي
لمياء : شكراً

سلطان وهو مركز على ملامحها : عفواً
لمياء: بس لو سمحت
سلطان : ناديني سلطان ، هلا
لمياء : تمام ، سلطان وين غرفه ريم
سلطان : فوق يمين ثاني غرفه
لمياء : تمام شكراً
راحت وسلطان لحد الان متنح فيها ويقول في نفسه : اول صديقه لريم تهبل ، اهخ وش ذا الجمال
هز راسه وقال : هاو وش جاني
وراح
لمياء دخلت غرفه ريم وما لقيتها انتظرتها لين جابت معها القهوه وسلمت عليها
ريم : كيفك ؟
لمياء : الحمدلله
ريم : ها وش فيك تبكين
انهارت لمياء وقالت : ريم ادري انك ماتعرفيني ويمكن خايفه مني بس انا والله ماعندي صديقات ولا احد يسمع علي حتى اخوات ماعندي
ريم : طيب شفيك تكلمي
لمياء : شوفي انا مدري وش اقول ، بس بعلمك انا عندي ثلاثه اخوان سلمان اكبر واحد فينا وسامر الاوسط ونواف الصغير
سامر عمره ١٧ سنه يحب بنت عمي نوره
ريم بصدمه : لحظه نوره مين
لمياء : نوره """"""
ريم بصدمه اكثر : هذي صديقتي !
لمياء بذهول : والله ؟
ريم : اي والله
لمياء : طيب خلينا اكمل السالفه
ريم وهي متحمسة بس مابينت : اي كملي اسمعك
لمياء : يحب بنت عمي نوره من هم صغار ودايم يقول باذن الله اتزوجها بس ابوي رافض فكره زواجه من نوره بحكم انه اكبر منه ب٣ سنين ودايم افهمه انه ماله دخل العمر بس يقول لا ولا ودايم اخوي يجيني ويبكي ويفضفض لي ويقول قد ايش يحبها ويبيها بس ابوي رافض امس راح قال لاخوي سلمان حاول تقنع ابوي واليوم فتح الموضوع سلمان وابوي عصب وقال لا وسامعهم سامر وعصب وقال بتزوجها غصب ومدري وشو وقاموا يتضاربون المشكله انا عرف قد ايش سامر يحب بنت عمي هذي ومدري كيف اقنع ابوي يخطبها له
ريم بأسف على حاله سامر : ياعمري هو ياخي ليش كذا الناس يدخلون العمر في كل شي