ريم : بشوف عن اهلي ياقلبي
———اليوم التالي ———
ريم : يمه
حصه : هلا وش تبين فلوس ماعندي
ريم : لا يمه وش فلوسه الله يهديك شوفي انا علمتك عن لمياء صح
حصه باستغراب من سؤالها : ايه
ريم: قالت لي اجي بيتهم
حصه بصدمه : وشووو تجين بيتهم القصر الحلووو الكبير
ريم منصدمه من رده فعل امها : اي يمه وش فيك بسم الله عليك دخلك سكني (سكني معناته جني )
حصه : بروح معك بيتهم كبير ابي اشوفه
ريم : لا يمه نادتني انا
حصه : قليله ادب ماتبين امك تجي معك
ريم : ما اقصد بس اروح ولا لا
حصه : طبعاً روحي ويارب تطلعين فوجه واحد من عيالها ويخطبك ويتزوجك
ريم بصدمه : لا يمه انتي صدق فيك سكني
حصه : لا ياعمري هذولا اغنياء وصرتي صديقه بنتهم ورايحه جايه على بيتهم اكيد في واحد من عيالها بيحبك
ريم وهي تغني اغنيه :
ياحلم الايام الشداد يا حلم الأيام الليان
أبطيت أقول الله كريم أبطيت والكلمة عسى
من عقب وحشة ليلتي هلت تباشير الصباح
عادت وليفة هاجسي عادت مزعلة النسا
حصه وهي تهددها بالنعاله : روحي وتجهزي يلااا
ريم بخوف : طيب
ريم تجهزت ولبست بنطلون جينز ضيق وبلوزه تبين يدها كامله وشوي من بطنها وحطت ميكب خفيف ( كونسيلر - بلاشر وردي خفيف - مسكرا - روج - قلوس) وحددت خشمها وشعرها فكته وخلته ويفي ولبست شنطتها وعبايتها وحطت عطرها المفضل ولبست جزمه رياضه
وهي نازله شافتها امها
حصه : وععع وش ذا اللبس بالله هذا لبس وحده بنوته حلوه كتكوته
ريم : عجبني الراب يمه بس انا الحين مستعجله
حصه وهي منهد حيلها من بنتها : استودعتك الله
ريم وهي تركض عشان ماتتاخر
سلطان : على وين
ريم : بروح لل لمياء
سلطان فز قلبه: وش لمياء
ريم باستغراب : اي ليه
سلطان : بروح معك
ريم وهي رافعه حاجبها وعطته نظره بومبستك سايد ايل 🤨
سلطان وهو مستوعب : اقصد اوديك شفيك نيتك طارت بعيد
ريم بشك : اها واول يوم اروح ل..
قاطعها وقال: بتروحين ولا
ريم : اي اي يلا
وهم في الطريق وهو يسولف ويسأل وان كم عمرها وصف كم ومدري وش
ريم بعصبيه : سلطان شفيك خلاص صدعت منك ، ترا توني اعرفها اصلا هي اللي طالبه رقمي ...عموماً مايحتاج اشرح لك خلاص اسكت
سلطان : شفيك ترا بس أسال
ريم : لا عاد تسأل صدعت منك
سلطان : نفسيه مالت عليك
وصلوا البيت
سلطان : ماشاءالله هذا بيتهم
ريم : اي ليه
سلطان : أسال بس
ريم : يلا باي
ريم دخلت وسلطان واقف يناظر البيت ومنصدم من كبره
ريم وهي تمشي وماسكه جوالها عشان ترسل للمياء انها وصلت تصقع في شخص طويل
ريم بعدم انتباه من الشخص : خير ان شاء الله ماتشوف
سلمان وهو يطالع فيها : بطاطا ؟
ريم باستغراب ورافعه راسها :وش قاعد تق...
فجاه تشوف مازن قدامها
ريم : مازن
سلمان : مين مازن
ريم وهي تناظره : مو اسمك مازن
سلمان وهو يتذكر : اي اي اسمي مازن
ريم : وش مدخلك في بيتهم مو ولد السواق مايدخل البيت
سلمان : ها اي اي دخلت وديت لهم غرض
ريم : اها يلا مع السلامه
سلمان بدون تفكير : لحظه
وقفت ريم وهي تناظره : هلا
سلمان : ممكن تعلميني وش اسمك
ريم : اها ما علمتك اسمي ريم
سلمان : تشرفنا
لمياء وهي نازله وشايفته اخوها وريم يتكلمون
لمياء : سلمان وش عندك
ريم وهي تناظر سلمان ومصدومه : سلمان ؟ انت اسمك سلمان !
سلمان بتوتر : ها لا لا
لمياء بعدم فهم : وش الا انت اخوي سلمان وش جاك
أنت تقرأ
كنت اعيب في الحب ، ومن عاب ابتلى .
Diversosالكاتبه : ساره كاتبه مبتدئه 🤍 عن بطلنا اللي يكره طاري الحب والزواج وهو من عائله معروفه بالخير الكثير والناس طامعانين في حلالهم بس تتغير فكرته عن الزواج والحب من بنت شافها في حوشهم وقت العزيمه وهي تتحلطم عن هذي العائله وتسبهم وماتدري ان اللي قدامها...
