بسم الله
لانت ملامحهم كلهم واخذت نفس تهز راسها بابتسامه: احبك جدي
ابتسمو يسمعونهم كالعاده ياخذون الجوال من بعض وفاطمه اللي توصي علي العلاج
وقفلت تناظرهم بضيق : الظاهر اخر جلسه؟
سكتو يحزنون على الوضع الجاي
وهزت راسها: خلونا نحلل من الحين اسوي لكم قهوه صح؟
هزو روسهم يتحمسون معها وبدت تفتح الادوات وتزينها ووقفت نجلاء: معليش بس وين دورة المياه
ديم وهي تضبط الادوات : روحي لحقت غرفتي افضل
هزت راسها تخرج وتدخل بيت رماح
وعند سعود اللي ضا ا ا ايقه فيه الوسيعه وناظرته تعقد حجاجها: سعيدان؟
ابتسم يناظرها : عيونه؟
ابتسمت بخفه : شفيك مضيم؟
هز راسه بالنفي : بفقدك ياديم بشتاق لك!
ابتسمت ديم : والله انا اللي بشتاق اكثر
ووجهت نظرها للادوات : شفت وحده تسوي قهوه لمقدار ثلاثه نسويها؟
هز راسه: معك معك
ابتسمت تطلع البُن وتحسب وسعود يراقبها كيف هي مركزه وثبتت الفلتر وجهزت المويه الحاره وبدت بالصبات ودخلت نجلاء : ياهووه انتظرو بصور
ابتسمت بخفه وتقدمت نجلاء تلبس ديم اسوارتها الذهبيه
ديم : لالا
نجلاء ضربتها بخفه : خليها لذكرى بس
ابتسمت ديم وبدت نجلاء تصور يد ديم بالقهوه ومع الاسواره : يدك تجنن
ضربها سعود على راسها: اذكري الله لاتصيبها عينك!
ضحكت تهمس : ماشاءلله ماشاءالله
ضحكت بخفوت تكمل الصبات
ومد لها سعود الكيسه يبتسم
وشهقت تغطي ثغرها : سعيدان تستهبل؟
ضحك بخفوت : اشوفك تاكلينه كثير
ضحكت تاخذ الكيسه
ونطت من فرحتها : ياخي اححبك والله
ابتسم بضيق وهمس لنجلاء : اهخ من فرحتها لو اشتري الدنيا لها بتفرح اكثر من كذا؟
ابتسمت نجلاء : يمكن
هز راسه يهمس : والله ماتردد اشتريها اذا بشوفها تضحك مثل كذا
ابتسمت تاخذ جوالها وتصور القهوه والكندر ووقفت : من يبي ثلج ؟
كلهم مع بعض : انا
هزت راسها تدخل تجيب ثلج
واخذ نفس : اخاف تضيع مني اخاف امي صدق تحرمني منها
حضنته نجلاء : سعود ماعليك ماعليك انا معك وبكلم امي ازهل لاتتضايق قدامها تكفى البنت تشوفنا سعادتها خلنا نحلل اليوم معها
ابتسم يهز راسه ورفع راسه لسماء : ااههخخ
ودخلت ديم ماسكه صحن فيه ثلج وجلست وبدت تحط لهم لي كيسانهم وهم مستمتعين وطلعت الكندر ووزعت عليهم كلهم وبدو ياكلون وهم يسولفون ويضحكون وسعود سا ا اكت يتاملها والضيقه كاسيته ولاحظته ديم وماتركته متضايق تاره تلف عليه وتاره نجلاء وهي تسولف بكل حماسها وماخفى عنه حماسها وهو يبادر بالرد والضحك معها وكذالك نجلاء ماحسو حتى اذن العشاء
وهمس سعود : بعد الصلاه بنصلي وبروح اجيب شاورما كلكم تبون بيبسي؟
هزو روسهم وكملو سوالف وبعدها ديم اخذت نجلاء فوق عشان تصلي وعلمت سعود القبله بالخيمه وصلى وخرج يتسلق الجدار يجيب العشاء وخلصت صلاه نجلاء وانسدحت على سرير ديم اللي سلمت : ماعندك ميكب؟
هزت راسها بالنفي : ليه اكشخ لمن؟
اخذت نفس نجلاء : ماتكشخين لنفسك ؟ وتصورين؟
هزت راسها بالنفي : ماعندي جوال ولا فكرت
هزت راسها نجلاء ونزلو يلمون الخيمه وينظفونها وبعدها بدقايق دخل سعود معه الاكل : وينكم
صفقت نجلاء بجانب اذنه من الخلف خلسه : في طيبة قلبك
ضحكت ديم وصفقت كفها بكف نجلاء وابتسم يجلس وفتحو الاكل
نجلاء : ههييه نلععب اوونو؟
سعود بحماس : جبتيها؟
هزت راسها ولفو لديم اللي ابتسمت بورطه : ماعرفها
هزو روسهم يطلعونها ويعلمون عليها ديم وهي عرفت وهم ياكلون يلعبون
وفتحت ديم جوالها تصور يدينهم وهم ياكلون وبيدينهم الاوراق وفازت هي بالجوله الاولى
ووقفت تصرخ : فففرززتتتتت
ضحكو عليها نجلاء : اجلسي بس غش
دقها سعود بخفه : والله الغشاشه انتي
زفرت نجلاء بخفوت وضحكت ديم وبدو يلعبون جوله ثانيه وهم يضحكون من التسحيبات والالوان اللي تتغير ولا تجي حسب بالهم وانتهت ليلتهم بتجميع الورق ووقفو سعود ونجلاء ينفضون يدهم ويساعدونها بالتنظيف ومشت خلفهم حتى وصلو للجدار وسكتت ثواني تستوعب انها ماعاد بتشوفهم ماعاد بتضحك نفس ضحكها وتبتسم ابتسامه صادقه وصدت بحزن وتقدمت نجلاء تحضنها : بتوحشيني
بادلتها ديم الحضن تحت انظار سعود اللي تمنى يحضنها بس مايقدر وتقدم يصافحها
ويبتسم : هذا مو وداع وداع! هذا وداع عادي لان مازال بينا لقى !
هزت راسها تبتسم وهمست : شكرآ لكم مره
نجلاء وسعود : العفو
خرجو يتسلقون ويركبون سيارة سعود ويرجعون لرياض بعد يوم مليئ بالضحك والطقطقه والوناسه حرفيآ كانو كلهم يبون يعيدونه وكلهم بيفقدونه وبيشتاقون لديم وعن شعور ديم؟ بتموت من الشوق هي حبتهم لانهم اخرجوها من فترة ضيقها وادويتها وبكائها الزائد كانت تحلل الايام معهم لانها تدري انها مابتنعاد بيرجعون اهلها وبيرجع السجن المشدد وبترجع تحزن
توجهت للخيمه تاخذ شنطة الادوات والكندر عندها بالمستودع وتقفل المستودع المعزول وراحت لغرفتها تخبي جوالها خوفآ من انهم يجون وهي نايمه ويشوفونه وحطته تحت مفرشها وراحت تاخذ شاور بار ر رد وخرجت تترطب وتتعطر وتلبس واخذت جوالها تصور ستريك شكلها بالمرايا وشافت اول من فتحها سعود وابتسمت بخفه تقفل جوالها وتحطه تحت المفرش تنام
أنت تقرأ
لقيت فيك الاماني ياخلي
General Fictionروح مهزومه ، وقلب شاكي ، شكى بدون وعيه لسعادته ، وماكان منه الا مقابلتها بحجة الفضول ، و رغم مُعاناة حالهم ، اعطاها كامل الامان ! « لقيت فيك الاماني ياخلي » - النقل والاقتباس يعرضك للمسائله القانونيه ! -
