بسم الله
صحت من النوم تسمع صوت طق الباب وتاففت تقول تظنهم اهلها ورجعو وفتحت الباب وشعرها مبعثر ومبوزه ثغرها بملل
ضحك سعود بخفه : صح النوم خلصتي النوم علينا قد الساعه ٦:٠٠ المغرب
وسعت عيونها: اماانه؟
عقدت حجاجها: وش جايبك طال عمرك ؟
ابتسم يرفع اكتافه: تعرفين الشوق
ضحكت بخفه : قلنا له اقلط وقلط
ضحك سعود يضرب راسها بخفه : امشي بس
هزت راسها تضحك وسكرت الباب ودخلت تتروش وخرجت تترطب وتتعطر واخذت جوالاتها ونزلت تجلس بالخيمه وتشوف نجلاء اللي تسوي شاهي وسعود اللي يطلع سندويتشات
وابتسمت : برافو صرتو تعرفون
ضحكو بخفه ومشت تجيب البيالات وتحطها عند سعود وتساعد نجلاء وجابو الشاهي يسوون مثلث ويجلسون وابتسم سعود يمد لها سندويتش: فطاير دجاج
ابتسمت تاخذها : شكرا
سعود وهو يعطي نجلاء : العفو
صبت لهم شاهي وبدو ياكلون وهم يضحكون وقاطعهم صوت الجوال ولفت تحط سبابتها على ثغرها تحذرهم وضحكو يهزون راسهم
وردت : هلا
ذياب : دييم شخبارك؟
هزت راسها: بخير وانتو؟
هز راسه وكشر من اخذ سياف الجوال ياخذونه من بعض بسرعه ولهفه لها ولصوتها وهي تضحك وترد عليهم
عبدالعزيز: معليك ترا ابلشتهم قلت يومين بس وراجعين يعني بعد بكره بنرجع
ضحكت بخفه : عشت
هز راسه: يعيش من يقول
وودعتهم تقفل
واردف سعود : اقولكم جدول اليوم
ناظروه ينصتون له
واكمل : بروح اجيب كوكيز لنا وتنتظروني طبعآ
رص على كلمة " تنتظروني "
واكمل : وارجع وديم تسوي قهوه ونجلاء عليها التصوير الله الله بالمقطع الزين؟
هزت راسها : ازهلني بس
ولف لديم : والله الله بالقهوه البطله؟
هزت راسها تبتسم : ازهلني
ابتسم وهز راسه وجلسو مده يسولفون
وبعدها وقف سعود : يلا بروح ادور واجي
هزو روسهم ومشى يتسلق الجدار ويخرج لفت نجلاء على ديم : يلا؟
هزت راسها ديم وبدو يشتغلون
وهمست نجلاء لديم : بسالك سوال وجاوبيني بصراحه
هزت ديم راسها تطحن البُن : اسألي
نجلاء تركت اللي بيدها وناظرت لديم ومركزه على ردة فعلها لسؤال : لو سعود خانك وتزوج غيرك يعني ماخذك انتي وش بتسوين؟
بلعت ريقها تناظر لنجلاء وتركت اللي بيدها ورصت على اسنانها بخوف لانها ماحطت احتمال لذا الشي لانها وثقت بـ سعود وتثق انه مابيخيب ظنها لانها تعرف سعود يحبها من افعاله لها واهتمامه بالاشياء اللي تحبها ودقيق بكل شي تسويه ويفهمها ويدرسها صح
رفعت اكتافها تمثل الجهل : مادري بس واثقه بـ سعود!
ابتسمت نجلاء من لاحظت تفكيرها ومن ثم اجابتها وهزت راسها: قد الثقه ان شاءالله
ابتسمت ديم تكمل واخذت نفس تدعي بنفسها ان الله ييسر كل شي لهم
وصل سعود ونزل يشيل الكيس الكبير وبيد واليد الثانيه ياخذ فيها جواله وشاحنه وسكر الباب برجله وبين شفته حبة كوكيز ماقدر يستحمل منظرها المغري والشوكلاته اللي عليها واكل وحاول يتسلق الجدار ودخلت خشبه بباطن كفه وبدا يسيل دم وعض شفته بألم ومشى يكمل ونط يدخل وناظر لكفه وسكر قبضة يده من الالم ومشى للخيمه يحط الاغراض وهم يناظرون هدوءه واخذ منديل ولمحو لون احمر وتوجهو له وشال الخشبه
وركضت ديم تدخل تجيب لاصقات جروح ومسحه وفتحت الادراج بسرعه وابتسمت من شافتها واخذتها بسرعه تنزل من الدرج وشعرها يتحرك معها وخرجت من البيت ودخلت الخيمه تناظر لنجلاء اللي تسولف عليه وهو يمسحه واخذت نفس من ركضها
وتقدمت له : عطني يدك اشوف
لف لها وشاف اللي بيدها وابتسم مايبي يرفضها مايبي يرفض شعور لمساتها على يده ومد لها يده وعقدت حجاجها نجلاء لانها يوم سألته يحتاج لاصقات اجاب بـ لا وضحكت بخفه تلمح طيف ابتسامه على ثغره وفهمت السبب اما ديم اللي جلست تحط الاغراض بجانبها واخذت يده وكانت يدها تضيع في يده وضحك بخفوت من الفرق وهي ماهتمت كان تركيزها بيده والجرح واخذت المسحه تمررها حول الجرح وهو مستمتع
بـ لمساتها على يده يدها الناعمه على يده الخشنه والحنطيه اللي تمثل سعود بشكله واخذت لاصقة الجروح وفتحتها تحطها على جرحه بخفه وهو ؟ مـسـتـمـتـع !
تمنى لو له جروح اكثر هي تداويها مايبي احد يداويه غيرها وانتهت تحت توترها من نظراته ودقته نجلاء على كتفه بخفه
وهمست له : خلاص ياخي كليت البنت بنظراتك!
ضحك يستوعب وسحب يده من انتهت
وابتسم : شكرا يالدكتوره ديم
ضحكت بخفه
ولفت على نجلاء اللي صفقت بيدينها : ستوب انتي وياه اخلصو مت من شكل الكوكيز اللذيذ
وقفت ديم تجيب ابريق القهوه وحركته بخفه وابتسمت نجلاء تصور يدها على الاسواره اللي اهدتها اياها وكانت معجبه بيد ديم وكانت تستهدف يدها بالتصوير مع القهوه ومن انتهت تصب اعطتهم اكوابهم واخذ سعود الكيس يفتحه
ويحطه امامهم : جبت حبات كثيره شكلها حلو
بدو ياخذون وياكلون وابتسمت تطلع جوالها وتثبته في مكان وشغلت فيديو ولفو عليه
وصفقت بيدينها : فلوق وحنا نشرب قهوه وناكل كوكيز سعيدان!
ضحكو عليها وابتسمت تعتدل بالجلوس
نجلاء : ارسلي لي المقطع ولا ترسلينه لسعيدان!
تعمدت تقول كذا عشان تقول سعيدان وتستفز سعود
سعود ضربها على راسها بخفه: لاتقولين سعيدان!
ضحكت نجلاء بذهول : خير هي ايه وانا لا؟
سعود وهو يقلب عيونه : ديم غير
فهمت ديم انه يكره هذا اللقب وابتسمت طرف ثغرها واردفت عشان تنطق اسمه : خلاص يانجلاء وسعيدان !
ضحكو كلهم ودخلو بالسوالف والضحك وماحسو بالوقت وهم يضحكون ويسولفون
وقف سعود : اف ابي امشي ياخي
وقفو كلهم ومشت ديم امامهم : تعالو تعالو للخيول والنياق
مشو خلفها ومن ان وصلو وقفت نجلاء بعيد عنهم ولفت ديم تعقد حجاجها: لاتقولين انك تخافين ؟
هزت راسها نجلاء بخوف
وضحك سعود : هذي اذا جدتي قالت نروح لنياق تهج
ضحكت ديم : تعالي معليك انتي معي مابيسوون شي
هزت راسها بالنفي: ولا تفكرين اني اجي
سعود : اف فاتك ماشفتي كيف يحضنونها النياق وماشفتي كيف تركب الخيول
رفعت نجلاء حجاجها تلف لـ ديم : صادق؟
هزت راسها وتخصرت نجلاء : مو عشانه يجيك كل مره هو بس اللي يشوف؟ وريني بسرعه!
ضحكت ديم وتوجهت لنياق وركبت فوق وحده ووسع سعود عيونه باندهاش : لحظه شفتها تحضنهم بس ماشفت ذي!
ضحكت تتشبث بالناقه وتمشيها بخفه واخذت لفه ورجعت لهم : من يبي؟
نط سعود بحماس : انا انا انا
ضحكت نجلاء تمسك بطنها من حماسه وضحكت ديم تنزل من الناقه وتنزلها عشان سعود يركب وابتسم سعود يمشي ويتمسك بكتف ديم ويركب وما ان وقفت الناقه تشبث هو
واردف بشبه خوف : ديم اسمعي هذي تذبحني اذا سويت شي بالغلط؟
ضحكت نجلاء يطيح جوالها من يدها لانها كانت تصور وضحكت ديم تنزل دمعتها من خوف سعود وهزت راسها بالنفي: سعود ماعليك مايصير شي
هز راسه يبتسم يتشجع ومشت فيه ديم لفه ورجعته ونزلت الناقه
وطب سعود يمشي لنجلاء : الحمدالله يارب
ضحكو عليه ولفت ديم لنجلاء : شفتي انا وسعود ماصار علينا شي مابيصير لك شي
هزت راسها بخوف : تحلمين ياحبيبتي
رفع سعود حجاجه : اقول بس ديم ماتحلم !
وشال نجلاء وحطها على كتفه
وهي تضرب فيه : نزلني نرلني نزلني سعود بصفقك ترا
ونزلها عند الناقه
وابتسمت ديم : شكرا سعود
هز راسه يضرب تحيه : بالخدمه!
ضحكت ونجلاء بلعت ريقها من قربها للناقه ومسكت كفها ديم تطمنها :معليك معليك
مشتها تركبها وعلمتها وين تتمسك وما ان وقفت الناقه غطت وجهها بكفوفها : لحظه لحظه يخوف نزلوني امزح
ضحكو عليها وسعود يصورها يكمل المقطع بجوال ديم ومشتها ديم : يا نجلاء معليك قلت !
بلعت ريقها تتمسك باللي على السنام وهي خايفه ولفت فيها ديم ونزلتها
ونزلت دموع نجلاء : ييمه! سوييتها! سعود سويتها! وين جدتي اللي تقول عني هطف ! وينها؟
ضحكو كلهم عليها وعلى فرحتها واكملت تنط بوناسه : لازم اوري جدتي
اكملو ضحك عليها ولفت ديم للخيول : خيل؟
هزو روسهم بحماس ومشو للخيول وسعود تاره يلف الجوال عليه وتاره على الفعاليه
ابتسمت ديم تطبطب على سرج الخيل : نجلاء يلا؟
ابتسمت هي بوسع ثغرها تهز راسها بالايجاب وركبت بمساعدة ديم وسعود اللي مبتسم يناظرهم وصور لقطه كانت نجلاء تستند على كتف ديم عشان تصعد للخيل وابتسمت تعتدل و تاخذ نفس : يلا
هزت راسها ديم من شافت حماسها واعتيادها على عدم الخوف ومشت بها
وصرخت نجلاء بحماس : لازم بعد ماخلص توريني!
هزت راسها تبتسم ولفو لفه ونزلت نجلاء ولفت ديم تذكر سعود : سعيدان تبي؟
ابتسم بوسع ثغره يصرخ داخله من الحماس والوناسه وهز راسه : ماقول لا!
ابتسمت وصعد يركب الخيل ونجلاء تصورهم بكل سعاده!
اردفت هي : سعود بفك الخيل تراك رجال تقدر!
هز راسه: فكي
فكت الحبل وبدا يمشي سعود ولف يرجع من صفرت ديم تعلمه يعود ونزل سعود
وصرخت نجلاء بكامل طاقتها وحماسها : ديـــم دورك!
ضحكت هي تركب الخيل وتبدا تسرعه تدريجيآ وتستعرض حركاتها مع الخيل وما ان انتهت ابطئته توقف ونزلت على تصفيقهم وتصفير سعود الحماسي! وابتسمت تمشي معهم للخيمه
وجلس سعود ووسع عيونه من صفقته نجلاء بكل قوتها على راسه ومسك راسه بالم : نجلاء الله ياخذ راسك!
لف عليها يشوفها تضحك تطلع لسانها وتخرج تنحاش وعرف ودها باللعب!
وضحك يوقف مايردها : بزر!
وركض يلحقها وخرجت ديم تشوفهم وتصورهم وهي تضحك على سعود اللي ضرب نجلاء وانحاش وكلهم يردونها لبعض!
ولفت عليها نجلاء تشوفها تضحك ومشت تركض لها وضربتها بقوه وسقط جوالها
ومسكت ظهرها بالم : نجلاء ياورعه؟
اخذت جوالها بسرعه ترميه داخل الخيمه وتركض خلفها باقصى سرعتها ووصلت لها تضربها وكشرت نجلاء تلحقها وتضربها وشافت ديم سعود بجانبها وبدون لاتعي ضربته ووسع عيونه بضحكه واستوعبت
وهمست بورطه : اسفه!
بدت تركض من شافت تجهيزه لضربها وركضت تعدي البيوت الاربعه ومرت من عند اسطبل الخيول وحوض النياق وهي تضحك من تهديده
وصرخت نجلاء : ديم الله يعينك سعود مايمزح بالضرب
كان كلام نجلاء كافي بانه يزيد سرعة ديم بالركض وسعود اللي وقف يستريح على التربه وحست بانه وقف ولفت تشوفه وضحكت تاخذ نفس وجلست هي تستند على نخله وهي تتحاشاه
واردف بصوت عالي : معليه ياديم اوريك!
ضحكت بخفه هي ومازالت تاخذ النفس ومشت للخيمه تشرب مويه وشافت سعود دخل وشرقت بالمويه توقف وضحكو كلهم عليها
نجلاء بضحكه : على ذا الشرقه والله ماتلمسها
ابتسم هو بطرف ثغره
نجلاء لفت لديم : تدرين انه اخر مره ركض معي يوم كنا مبزره! مدري وش جاه اليوم؟
ضحكت ديم
واردف سعود بعد مابل ريقه : قهوة ديم اليوم فيها بلا
انسدحو كلهم يرتاحون ويسولفون
وقف سعود بعد مده يشوف الساعه ١:٠٠ الليل
سعود : انا بروح ادور لنا عشاء
نجلاء كشرت : لالا ديم تطبخ لنا
فزت ديم : ابشري والله باللحم اللي يدخل براسك!
ضحكو كلهم وهز راسه يجلس : ننتظر !
هزت راسها توقف وتدخل للبيت ولفت نجلاء لسعود : قم جب مشروبات انت!
ضحك بذهول من اوامرها : هيه انتي تراني اخوك الكبير!
هزت راسها: اي بس عند ديم تصير مطييع مره
ضحك يوقف ويخرج بعد مده دخلت ديم بعد ماكبست الاكل : وين سعيدان؟
نجلاء ناظرتها وسكرت جوالها : راح يجيب مشروبات ولعله رقد بالبقاله
لفو كلهم من جاء سعود : جايب لكم ببسي بارد!
ابتسمت ديم وشافت المنبه دق دليل على انتهاء الاكل وهزت راسها: وجايبه لكم كبسة لحم بالراس!
ضحكو كلهم ودخلت تحط الاكل وتخرج بالصحن ودخلت الخيمه وحطته بالوسط وابتسمو يتقدمون وحطت الملاعق
وهمست : سمو بالله
سمو وبدو ياكلون
سعود اغمض عيونه بتلذذ : تسلم يدك
ابتسمت تفتح المشروب : بالعافيه
نجلاء : حبيبتي ديم لازم اخذ كورسات من عندك لكل شي سويتيه اليوم !
هزت راسها ديم : ابشري
..........
قامت تفرك عيونها وتسمع اصوات برا وعقدت حجاجها وشافت الساعه ٦:٣٠ المغرب وقامت تمدد يدينها وجسدها وتسمع صوت طق عظامها ومشت تدخل تاخذ شاور عالسريع وخرجت تترطب وتتعطر واخذت جوالاتها ونزلت ودخلت الخيمه وهي تخلخل يدها بشعرها عشان ينشف وابتسمت من شافت سعود اللي يعطي نجلاء توست محمص وتشوف الاغراض امامهم الة تحميص وكيس توست وجبن ومُربى و عسل ومشت تجلس وصبت لها نجلاء كرك : صباحو !
ابتسمت بخفه : مسائو!
ضحك سعود : وش تبين داخل التوست؟
حكت جبينها تفكر : عسل
هز راسه يحط لها عسل واعطاها واخذت جوالها تصور اللمه ونزلتها ستوري
نجلاء : بكره بيرجعون اهلك؟
هزت راسها و سعود تافف
وضحكت نجلاء : هيه انت تراك تجيها وحتى واهلها موجودين
ضحك بخفه وهمست ديم : سعود انتبه والله انتبه اخاف يشوفونا ونطيح سوا
هز راسه يبتسم : معليك
اخذت ديم توست جديد وبدت تحمصه وهي تدخل بالسوالف معهم واخذت المُربى وحطت لها واخذ سعود توست وحط له كذالك مُربى يعشق يقلدها بابسط الاشياء ماكان يسمع لابو نوره والحين؟ صار يعشق ابو نوره لانها تسمع له وماكان يركب للخيول هو بس يوم شافها تركب ؟ ركب عشان يسوي اللي هي تسويه ! وماكان مدمن كندر بس يوم شافها تحبه وتاكله؟ صار يجيبه بشكل يومي
وماكان يحب المُربى ولا ياكله والحين؟ ياكله ويستلذ فيه عشانها اكلت منه يموت في ابسط الاشياء اللي تسويها ويعشق كل حاجه فيها وكل حاجه تسويها!
انتبهت له نجلاء وهو ياكل المُربى ومبتسم يسمع لديم اللي تسولف وابتسمت بخفوت تمنت احد يحبها مثل حب سعود لديم اللي صار يسوي كل شي يسعدها عشان يشوفها تبتسم وتضحك وتمنت احد يحبها مثل حب سعود لغمازات ديم هي تجزم بذا اللحظه ان حب سعود لديم عظيم جدآ حب سعود لديم مو شي طبيعي حب سعود لديم شي جدآ لذيذ هي من كثر حبه لها تتمنى تشوفهم بالابيض وتتمنى تشوف ديم تلبس الطرحه وسعود بالبشت تدري ان سعود يمسك نفسه عشان مايسوي شي لها يحبها وماسك نفسه عشانها هي!
هي من شافت صدق حبه لها؟ تبي تشيل كل العوائق اللي تمنعهم من بعض تبي تسارع بمبتغى سعود تبي تشوفه فرحان ومعه ديم تبي تشوفه منتصر بحبها واخذها تبي تركض لاجل حبهم لبعض حبهم كان حب طاهر وصادق! حب على النوايا وماكان فيه اصدق منه
صحت من هوجاسها
بنداء سعود اللي معقد حجاجه : وين وصلتي ؟
ضحكت بخفوت : معكم معكم
هزت راسها ديم وهي تلم الاغراض ودخلت نجلاء الاله والاغراض بالشنطه ووقفت ديم تحط الابريق والبيالات بالمطبخ داخل البيت
ولف سعود لنجلاء : وش كنتي تفكرين فيه؟
ابتسمت تهز راسها بالنفي
غمز لها سعود : متاكده؟ كنتي سرحانه وتبتسمين
ضربته بخفه على كتفه : كنت افكر فيك انت وديم!
ابتسم يعتدل بحماس : الله وش فينا؟
قطعهم ديم اللي دخلت تمسح يدها : احد يجي يساعدني بعلف النياق
وقف سعود : سمي
ابتسمت تمشي وهو خلفها ووقفت نجلاء تتبعهم وعقد حجاجه: وين العلف؟
لفت عليه : بمستودع عند الحراس انتبه احد يشوفك!
هز راسه ولف لنجلاء : نجلاء بنروح عند الحراس انتبهي احد يشوفك
هزت راسها ومشو للمستودع يدخلونه وابتسمت تشوف العلف ومشت وتعثربت تسقط وصرخت بالم وتقدم سعود بسرعه : ديم ديم!
...............
النجمه
تشرفوني انستا/ nf_209
هناك البارتات تسابق 🦋🦋🦋
أنت تقرأ
لقيت فيك الاماني ياخلي
General Fictionروح مهزومه ، وقلب شاكي ، شكى بدون وعيه لسعادته ، وماكان منه الا مقابلتها بحجة الفضول ، و رغم مُعاناة حالهم ، اعطاها كامل الامان ! « لقيت فيك الاماني ياخلي » - النقل والاقتباس يعرضك للمسائله القانونيه ! -
