بسم الله
ناظرت لصدمتهم : ماتعرفون؟ هي بالشهر الثالث مو معقوله؟
فاطمه بصدمه : ديم حامل !
رماح بصدمه : متى قربها؟
رفعت الدكتوره اكتافها : هي بالغرفه ترتاح وجبنا لها اكل تعالو حفزوها تاكل لانها بس تبكي
هزو روسهم وقفت فاطمه تقاوم الالم وحطت ذياب بالسرير ومشو كلهم ورماح يساعدها : يامره ارتاحي بروح لها انا !
هزت راسها بالنفي : ابيها ابيها ديمي مو بخير
اخذ نفس بتعب ودخلو يشوفونها تناظر لسقف ودموعها تنزل وتقدمو ببطئ خطاويهم ورفعت راسها بهدوء تشوفهم وتشوف فاطمه اللي تمشي وتعرج وبكت تون بألم وتقدم رماح يحضنها : اكلي وانا ابوك بالله اكلي !
فاطمه بدموع جلست على طرف السرير : ديمي اكلي ياعيوني انتي حامل مايصير ماتاكلين تستنزف قوتك بس
ناظرت لامها وهي تبكي وابتعدت من رماح واخذ رماح السلطه وبدا ياكلها ومن خلصت لفت لفاطمه اللي اردفت : بيشرف لك ضنا ياديم لاترهقين نفسك وعطيه حقه بالاكل
هزت راسها بخفه واردف رماح : كنتي تدرين؟
ناظرت لابوها وبلعت ريقها تهز راسها واردف : ليه ماعلمتينا؟
سكتت تصد : سعود بيدري ومابيه يدري
رماح عقد حجاجه: زوجك ومن حقه يا ديم !
لفت لابوها : بس انا طلبت الطلاق
اخذت فاطمه نفس بتعب : كيف تطلبين الطلاق وفي بطنك شاهد عليكم ؟ كيف؟ لاتعيشينه بغُربه ياديم لاتعيشينه شي مايستاهله !
نزلت دموعها واكمل رماح عن فاطمه : عطيه حقه بالفرحه والوناسه وعلمي سعود وارجعي له فرحيه وافرحي معه لا تغتربون
ناظرت لهم ثواني وناظرت لابوها : بس هو عاده يهدد
اخذت فاطمه نفس : اتركي هذاك مين بيقتل في السعوديه؟
صرخت بدموع : فيه فيه عديمين احساس يسوونها يحرقوني ويحرقون ولدي !
ناظروها يسكتون ثواني وهزت راسها ديم : اكلت وخلاص
شالت المغذي من يدها بعنف وناظرونها بصدمه ووقفت هي : اذا تبي تقعد مع امي براحتك
لفت لامها وقبلت راسها : الحمدالله على السلامه
ومشت تتركهم وتركب لسيارة تاكسي ترجع للمزرعه ومن وصلت نزلت وفتح الشباك : الفلوس؟
لفت عليه : بروح اجيب محفظتي
لفت تشوف اللي دفع المبلغ : خلاص توكل اخوي
مشى السايق
ناظرته بعصبيه : وش تسوي؟ ليه تدفع معي فلوس!
بلع ريقه يناظرها : ديم ابي اكلمك نبي نتكلم تكفين
عضت شفتها بقهر ومشت تدخل المزرعه تتجاهله واخذ نفس بتعب ورجع للمزرعه يجلس مع اهله ولف بدر لسعود : هاه وش صار؟
رفع اكتافه : ماعطتني مجال
مسكت نجلاء كف سعود بحزن
ماجد : سعود انت متاكد ماسويت لها شي؟
هز راسه بالنفي : لا والله مادري وش سببها
لفو يشوفون اللي املئ المكان باصوات ضحكه : شرايكم اصير انا السبب؟
عقدو حجاجهم يوقفون ولانت ملامح الجازي وسليمان وهمست الجازي : زيد؟
وقف سليمان بذهول : انت حي؟
لفو على ابوهم
مشعل : ابوي تعرفه مين هذا؟
ابتسم بطرف ثغره يتقدم لهم كان شخص في الخمسين لكن شكله وحلاقته؟ تخدع الناس بضنهم انه ثلاثيني : افا اخوي من لحمي وشحمي ماعرفتني؟
سعود تجاهل كل شي وركز على اول كلامه من دخوله ووقف بعصبيه : مسيتها؟
ضحك يلف لسعود : زوجتك ؟ اي مسيتها ليه بتضربني يعني؟ بتسوي فيني مثل ولد عمك؟
يقصد " حمد " يوم ضربه عشانه مس ديم
تقدم سعود بغضب : كيف كيف جيتها !
مسك زيد يدين سعود اردف بضحكه : بتضربني؟ قليل ادب مره انا عمك واكبر منك احترمي يا قليل الادب
و دفع يدين سعود بقوه وناظره سعود بذهول واردف سليمان بغضب : حي وتوك تجي؟
ابتسم بسخريه : جيت اخذ ثاري بنفسي ماحترمتو موتي وجيت عشان اخذ ثاري بنفسي
ناظروه بذهول واكمل بضحكه وهو يناظرهم : جيت اطلع نفسي بس ماجيت اسوي كل شي بالخفا عشان مااصير رخمه انتم قهرتوني لانكم تنازلتو عن ثاركم وانا بندمكم
حمد عقد حجاجه :انت حي اي ثار تتكلم فيه؟
ابتسم بخفه يناظر لحمد : ذكي ولد اخوي
لف عليهم بحده : ثاري يوم مت نفس الثار اللي تنازلتو عنه
ومشى يخرج وهز سعود راسه بالنفي وركض يلحقه وركض خلفه بدر : سعود سعود تعال
مشى سعود يمسك ذراع زيد : وقف وقف
طق سليمان عصاته على الارض بقهر : راح اغترب وجاء مع مشاكله!
لف زيد يبتسم واردف سعود : وش سويت لها تكفى !
ضحك بخفوت: يمكن هددتها تطلقك ولو ماتطلقها ياسعود بينقلب التهديد لك وبقتلها هي ولا تحسبني مو قد كلامي ؟ لي سوابق ضد الدوله بكبرها تشهد على كلامي
ومشى يترك سعود يرجف برعب وناظر لابوه اللي يدوره وتقدم له بدر : سعود شفيك؟
رجف سعود يناظر ابوه : ابوي هددها هددها تطلقني
هـ هي كانت خايفه علي ! ماتبي يجيني ضر !
اغمض عيونه يتذكر كلامها مع رماح
" تكفى بابا لحد يدري مابي يصيب سعود شي احبه مابيه يموت "
وهمس يناظر للارض بعدم تصديق : ابوي هي كانت خايفه علي! كانت تبعد مني عشاني !
ناظر لابوه وشاف نجلاء اللي واقفه تسمعهم ونزلت دموعه بخوف : وش اسوي وش اسوي!
تقدم بدر يحضنه : لاتبكي خلك رجال لاتبكي بتنحل بتنحل
سعود بقهر : كيف وهي مهدده ؟ كيف ؟ ابوي ماسمعته يقول بيقتلني اذا قربت مني ويبيها تطلب الطلاق مني !
لفت نجلاء للمزرعه ونزلت دموعها بحزن على حالهم وركضت تطق الباب وفتح الحارس وعقد حجاجه واردفت : عادي تنادي لي رماح؟
الحارس : رماح واهله مو موجودين بس بنته
ابتسمت بهدوء : اقدر ادخل له
اخذ نفس يلف وشاف عبدالعزيز وابتسم ينادي : ياعم
لف عبدالعزيز ومشى له وشاف نجلاء وعقد حجاجه: مين انتي؟
نجلاء : انا اخت سعود زوج ديم ابي اشوف ديم تكفى
رمش عدة مرات : توها رجعت من المستشفى مادري بس تراها ماتطلع من غرفتها من فتره طويله
هزت راسها: عادي اشوفها؟
هز راسه: لاتستغربين اذا طردتك لان نفسيتها ذا الايام تعبانه وحتى تطرد امها وابوها
هزت راسها تمشي للبيت وبدت تركض في خطاويها وفتحت الباب البيت ومشت تصعد الدرج
رجع للخيمه
ذياب : من اللي دخل؟
عبدالعزيز : اخت سعود مصره تبي تشوف ديم
هز راسه
فتحت باب الغرفه تشوف ديم اللي تمسح دموعها وحاطه كفها على بطنها وشافت الشعر اللي على الارض ورفعت نظرها تشوفها رجعت شعرها القصير اللي يوصل لعنقها وبلعت ريقها تناظر بطنها وتقدمت بصدمه وناظرتها ديم بصدمه: ليه جايه؟
نجلاء بعدم تصديق تناظر لبطن ديم البارز وهمست تناظرها : حامل؟
بكت ديم تناظر لحبوب التهدئه وغطتها بكفوفها ومسكت قلبها بألم وهمست : نجلاء اطلعي برا
نجلاء تجمعت دموعها في عيونها بصدمه : سعود مايدري؟
رفعت نظرها تشوف دموعها ولفت للحبوب وشهقت تغطي ثغرها وبكت ديم تتقدم تغطي عيون نجلاء بكفوفها وهمست : برا نجلاء برا !
بكت نجلاء تناظر لحال ديم اللي مايسر : حرمتو بعض الفرحه...!
تاففت ديم من دموعها واخذت الحبوب تاكلها وتشرب وهي صاده وهمست نجلاء : ديم كيف عشتي كذا؟
لفت عليها ديم بحدها : اطلعي قلت ! اطلعي
تراجعت خطواتها للخلف بذهول وخرجت تركض وبكت ديم تمشي للباب وتسكره بقهر ومشت لسريرها تحضن مخدتها وتبكي وتصرخ هي عاشت الثلاث شهور بدموع وغبنه وقهر تعيشها وهي تاكل حبوب تهديها ودموع ماتوقف !
............
خرجت تركض وهي تبكي ومشت للمزرعه وشافت سعود اللي واقف عند النياق ويخلل اصابعه على شعر الناقه وتقدمت تبكي ولف بصدمه : نجلاء شفيك؟
بكت تناظره وبدأت تشير بيدها وهي تبكي وتتكلم بعدم تصديق : سـ سعود ديم ديم
وسع عيونه يناظرها : شفيها شفيها؟
بكت تناظر عيونه : حامل !
سكت تلين اكتافه وترتخي ملامحه بذهول : شدراك؟
غطت ثغرها بعدم تصديق وهي تهز راسها بالنفي : بطنها بارز مره !
رمش عدة مرات: وين شفتيها؟
نجلاء بدموع : دخلت لها الغرفه سعود هي تاكل حبوب تهدئه سعود هي تعيش شي فضيع سعود البنت مادري كيف تعيش كذا سعود تكفى ياسعود !
ناظر سعود لنجلاء اللي تتكلم بجنون تحاول توصف له وضع ديم بشكل واضح لكنها ماقدرت توصف سوء وضع ديم
ومشى يحضنها : نجلاء نجلاء اهدي اهدي انا بروح لها اهدي يانجلاء انا بتصرف
بكت تشد عليه : سعود انحرمتو من الفرحه اللي المفروض تفرحون فيها كلكم !
اخذ نفس بضيق وهمس يقبل راسها : لاتشيلين هم انا اصلح الوضع اهدي انتي
ابتعدت تمسح دموعها وهمست بغضب : رح رح لها لاتتركها !
هز راسه يمشي بهدوء وعدم تصديق لقول نجلاء هي عاشت الشعور لوحدها؟ عاشته عكس المفروض! عاشت هذي الفتره بأ سوئ ايامها !
مشى بهدوء وبلع ريقه يوقف امام المزرعه وتقدم له الحارس : من انت؟
همس سعود : مادري
عقد حجاجه الحارس من عرفه اللي ضربه وتبدلت ملامحه للغضب : اطلع برا !
سكت سعود ثواني وهز راسه يلف : ما استاهل اجيها وعمي هو السبب طرفي هو السبب هي مالها ذنب هي خافت علي هي تحبني وتخاف علي
كانت اخر كلماته بنبرة حزن وعقد حجاجه الحارس بعدم فهم : انت مجنون اطلع بس
هز راسه ومشى يركب سيارته ويخلخل شعره باصابعه : انا مجنون ؟ مجنون مجنون !
........................
هز راسه ياخذ ذياب ويمشي وفاطمه بجانبه وركبو السياره وحركو بصمت ماكان فيه اي اصوات غير اصوات ذياب اللي يهمهم ومن وصلو نزلو ومشى معها ودخلها داخل وضحك يدخل الخيمه وهم مصدومين ويضحكون والكل يتسابق على ذياب
واردف عبدالعزيز بضحكه : وش سميته؟
ابتسم رماح يناظر ذياب : ذياب
ابتسم ذياب يهز راسه: الله يجعله يتربى بعزكم
سياف بحماس : الله يجعله قرة عين لابوه وامه !
ابتسم رماح يشوفهم متجمعين حوله ويلاعبونه ويضحكون ويصرخون بفرحه وبكى ذياب وضحك رماح ومشى يمثل العصبيه : جيبو ولدي بكيتوه !
ضحكو كلهم وضحكت ريما : عمي يجنن نتفه والله نتفه !
ضحكو من نبرة ريما المستصغره والهامسه
ومشت فاطمه مع خواتها اللي يباركون لها وهمست : ديم وينها؟
اخذت نفس سلوى : جت اخت زوجها ومدري وش صار بس ديم طردتها وهي غضبانه
اخذت نفس ومشوها البنات للغرفه ودخلت تجلس واردفت جمان بحماس : الحين انتي نفاس يبدا الاكل الصحي والبُر والحليب مافيه نظام غلط ! اعتني بنفسك لان ولدك بياكلك
ضحكت سلوى : اف جيبوه
وصل لهم صوت رماح : يامره بجيب ذياب
ضحكت سلوى : اوه ذياب امشي جمان مشينا عشان يجيبه
مشت جمان ومشو يدخلون لغُرفه ودخل رماح يعطيها وهو يبتسم واخذته تبتسم وناظرته من وضعها بحضنها وهمست : تكفى شوف ديم
هز راسه واخذ نفس بتعب يمشي وابتسمت فاطمه : تعالو
جو لها البنات وهم يناظرونه
جمان بصرخه : صعيل صعيل صعيل !
سمعو صوت سياف اللي اردف : قصري حسك يا مره
ضحكو بهمس واردفت سلوى بفرحه : يتربى بعزكم
اخذوه منها وهم فرحانين
فتح الباب يشوفها منسدحه وتناظر لسقف وماسكه بكفها بطنها وكفها الثاني تلعب فيه اصابعها بشعرها وهي تناظر وتفكر وهمس رماح : ديمي
اعتدلت بسرعه تبتسم وتنزل دموعها : رماحي !
ابتسم بخفوت يتقدم لها مهما فعلت ديم وغضبت وزعلت ماتتحرك غلاتها من قلب رماح يحبها ويعطيها حقها واكثر بانها وحيدته مشى يحضنها وبكت في حضنه وهمست : بابا انا ابكي كثير اخاف على سلطان !
ضحك بخفه : سلطان؟
هزت راسهت تدفن وجهها بين كتفه وصدره : سعود كان يقولي سلطان بس اخاف عليه بابا اخاف يصير له شي
ابتسم بخفه يقبل راسها : عادي هرمونات حمل امك كانت مثلك تبكي عشان هرموناتها بس عادي بس انتي اكلي شبعي ولدك ولا بنتك لا تبخلين عليه بالاكل
بكت تشد على رماح وهمست : ابيه بابا بس اخاف عليه
اخذ نفس بتعب يعرف انها تقصد سعود وهمس : ديمي اهدي وانا ابوك اهدي
شهقت بالبكاء وابتعدت وابتسم يشوف عيونها الحمراء وقبلها بحنيه : خلاص يابوك اهدي ودك ننزل نعلمهم بجديدك؟
ناظرته ثواني وهزت راسها تبتسم ومسك كفها ولبست عبايتها وحطت طرحتها على وجهها ومشى يمسك كفها وينزل معها وهمست : بابا اخاف ابكي بالغلط
ضحك بخفه : بيضحكونك وتنسين
ابتسمت تمشي معه وتشوف كفه اللي شاد عليها ودخلو الخيمه يبتسمون من خروجها واردف ذياب بشوق : يالله انك تحييها يارب
فر سياف : قم قم يافراس صب القهوه لبنت عمك انهض
ضحكو من غطى وجهه بكفوفه يخفي وجوده وهمست : ارتاحو
حس فراس بيد بتلامس اذنه وفز : سم طال عمرك
ضحكو كلهم ورماح ماسك كفها واردف : لا ديم بتقولكم شي ماقدرت تقوله بسبب الضغط اللي عليها لكن اليوم بتقولكم
لفو عليها كلهم وبلعت ريقها تهمس وهي تمسك بطنها : انتو انتظرو علي ٦ شهور وبيجيكم ولدي
ضحكو البنات من شديد حماسهم وفزو ذياب والعنود وسياف وعبدالعزيز يسابقونها بالحضن والتباريك وماحد تكلم وعاتب على المده مقدرين ظروفها وتعبها ولا يبون يزيدون عليها واردف ذياب بفرحه : يالله لك الحمد يارب !
ابتسمت وقبل راسها رغم رفضها وتقدم سياف يحضنها بخفه : مبروك يا بنت اخوي وحبيبة عمك !
ابتسمت وتقدم عبدالعزيز يقبل راسها : جعله يشرف بخير !
ابتسمت بخفوت واخرج من جيبه ٦ الاف وناظرو كلهم للمبلغ وهزت راسها بالنفي : لالا عمي
قاطعها بضحكه : والله ان تاخذينها حلفت ياديم انتي غاليه وتستاهلين الاغلى والله انتي جيتي وجيتك فرحه وزدتي فرحتنا فيك هذي هديه لاتردينها
ابتسمت بخفوت واخذتها تهمس : شكرآ ياعم
هز راسه العفو وتقدمت العنود تبتسم وتمسك كفوف ديم وتعطيها منديل ضحكت بخفه من حركات العنود وهزت العنود راسها باصرار : مبروك يا ديمتنا مبروك و والله ماترديني انا جدتك تعقبين ترديني!
ضحكت تحضن جدتها : جده احبك !
ضحكو وتقدمو البنات يباركون لها وابتسمت بخفه ترد عليهم وتقدم فراس بالدله ومسك الفنجال واردف : ابعدو ابعدو يبي لها احتراف دام الوضع كذا !
ضحكو يبتعدون وتقدم فراس امام ديم بينهم مسافه بس كان مقابلها وصب القهوه ورفع الدله للاعلى وهو يصب ومن نوى ينتهي انزل الدله باحترافيه ومد لها الفنجال : سمي يا بنت العم ومبروك
تبسمت تاخد الفنجال تهمس : شكرآ
عهود : قدك فنان في ذا الاشياء؟
ضحك يلف عليها سياف : لقينا فايده من معط الاذن
وصد يضحك بقهر : اهخ ياربي
امتلت الخيمه باصوات ضحكهم
وتقدم خالد وهو صاد : مبروك يا بنت العم
هزت راسها تبتسم : الله يبارك فيك
ابتعد من خالد يصد واشار رماح لها بالجلوس : ارتاحي
ابتسمت تجلس وبدو البنات يحاوطونها وهم يضحكون معها ويسولفون ينسونها همها وضيقها وهي كانت تضحك بشده على هوشاتهم وضحكاتهم ولفت لاعمامها وابوها وجدها اللي بدو يسولفون معها ويضيفون عبارات مضحكه بالسوالف ويرتاحون يشوفونها تضحك وترد بحماس وتسولف وهم مرتاحين يحسون بفرحه وهم يشوفونها تنسى همها يحاولون مايضيقونها ابدآ ديم كانت غاليه عند الكل لدرجه حتى اعمام اعمامها يحاولون يضحكونها بالسوالف والطقطقه وابتسم رماح براحه يشوفها تسولف وتضحك ورفع جواله بخفوت يصورها وهي تضحك وتسولف ويرسله لفاطمه وكتب
" ماقصرو اهلي والله نزعو ضيقها شوي شوي "
ابتسمت فاطمه تشوف ديم تضحك وتسولف وهمست بفرحه : جعل ربي يديم ضحكاتها ياربي !
واقفلت الجوال تشوف خواتها اللي يتكلمون عليها
سلوى : ولازم تشربين كالسيوم كثير لان ذياب اذا جاء يشرب لازم ياخذ كالسيوم وفيتامينات عشان مايضعف
ضحكت بخفه : شفيكم انتو ؟ ترا مو اول مره احمل !
جمان : خفنا نسيتي من المده !
ضحكت تهز راسها بالنفي : ابد اعرف اعرف
وضحكو معها يندمجون بالسوالف والضحك
.............
النجمه🦋🦋🦋
أنت تقرأ
لقيت فيك الاماني ياخلي
General Fictionروح مهزومه ، وقلب شاكي ، شكى بدون وعيه لسعادته ، وماكان منه الا مقابلتها بحجة الفضول ، و رغم مُعاناة حالهم ، اعطاها كامل الامان ! « لقيت فيك الاماني ياخلي » - النقل والاقتباس يعرضك للمسائله القانونيه ! -
