لقيت فيك الاماني ياخلي

21

بسم الله

لفت عليه تبتسم وهز راسه رماح يبتسم : متى بتجون؟
سعود : نص ساعه وحنا بالديره
هز راسه رماح : يالله ننتظرها للعشاء
هز راسه وقفلو ولف عليها يمسك كفها : ابوك يقول ننتظرها للعشاء
هزت راسها تبتسم واردف : عادك زعلانه؟
هزت راسها: شوي
اخذ نفس يصد للامام : انتي جنوني وانا عندي عقل انتي خفتي وانا ثقيل انتي اللي لامن شافك ذكر الله مليون مره من حسنك الطاغي انتي اللي تحديني اسوي اشياء ماترضيك ذا الفتره
لفت عليه تبتسم وتفهمه : انتظر بعد الزواج ياسعود !
هز راسه: متى تخلصين؟
صدت للامام : طلبت فستان وقاعدين نصمم الطرحه وباقي الكعب وباقي الاغراض
هز راسه: وانا حجزت قاعه هنا بالرياض كبيره والعزيمه مفتوحه للكل اوري الناس اني فرحان ومستانس
ضحكت بخفوت وهمس : اضحكي اضحكي ياجعلني فدا لذا الضحكه
ابتسمت تعض شفتها من خجلها ووقف سيارته عند الباب : يالله مع السلامه
لفت تبتسم واشار على خده : عطيني نصيب اليوم
ضحكت ورفع نقابها : تكفين
ضحكت تقبله من خده ونزلت بسرعه وهو ماسك خده يبتسم
ومشت تدخل المزرعه وصرخ رماح : تعالي تعالي نشوفك ضحكت بخفه تمشي للخيمه ومعها الورد والكيس
ومن دخلت؟ الانظار كلها عليها وابتسم رماح : كذا راضاك؟
رمشت عدة مرات تبتسم لفو على ريما اللي صرخت : سعود رومانسي!
ضحكو كلهم وتقدمت تاخذ الكيس من ديم اللي وسعت عيونها ولفت عليها ميسم : تستهلبين ؟ شاري لك من افخم براند!
ابتسمت بخفه وصرخت عهود باعجاب : يموت يموت!
تاففت شذى : ابي واحد سعود!
ضحكو كلهم وتقدمت سديم تشوف باقة الورد الكبيره : تكفين لاتفرطين بسعود هذا!
ابتسمت بخفوت ولفت على فاطمه اللي حضنتها : وش سوا لك؟
بلعت ريقها: بس موضوع بسيط وحليناه وانا زعلت
ضحك ذياب : وداك الرياض؟
هزت راسها: بيتنا بالرياض اصلا
هز راسه يبتسم : يالله الله يوفقكم
فراس بابتسامه وهمس لخالد : صدق لقت الفرج والعوض من ربي بسعود اسعدها صدق !
هز راسه خالد يناظرهم محاوطين ديم ويسولفون معها عشان ستورياتها : صح سعود قدر يسعدها وماخلى زعلها يهون!
فراس : رومانسي الولد مو مثلنا خشن نقول طز اذا زعل احد
ضحك خالد يضرب كتفه بخفه
............
دخل للبيت يمشي بسارع خطواته للاعلى وفتح الباب بسرعه وضحكت بين دموعها وتقدم بخوف : نجلاء شفيه؟
بكت تحضنه : فيه جزء مني يبيه وجزء يكره تكفى
رمش عدة مرات يحاول يستوعب : مين؟
نجلاء بدموع : حمد حمد!
بلع ريقه يشد عليها ويبتعد منها ومسك كفوفها : لاتبكين نفسك وتزعلين عشانه ! لو حمد يبيك و...
بترت حروفه من قاطعته : يوم سافرت اول مره كلمني يقول بجي اخطبك دام سعود مسافر
بكت تغطي وجهها بكفوفها: مادري ياسعود وش اسوي!
اخذ نفس بقهر من حمد واكمل يهمس : لو يبيك جاء بعد المصايب يتقدم لك وانتي لو تبينه اقبليه الجئي لربك يا نجلاء وكل شي خيره خيره من الله لاتبكين وتزعلين نفسك وهو مادرا عنك لو يحبك ويبيك وانتي لو تحبينه وتبينه هو بيتقدم وانتي بتقبلين! عاد انتي وحمد سهلين مو مثلنا انا وديم ! شفتي انا يوم حبيت ديم وقفت ؟ سكت ؟ بالعكس يا نجلاء صح بكيت شوي وزعلت كثير
ما استسلمت وقعدت افعل وافعل واسوي عشاننا انا وديم عشاني احبها عشاني ابغاها بالصدق وانتو نفس الشي لو حمد يبيك بيسوي المستحيل عشانك اللي يحب بيسوي الشي اللي مايخطر على البال عشان ينتصر ماهو موقف ومستسلم ! شفتي انتي ديم وافقت علي ليه؟ لانها تحبني وانتي نفسها لو تحبين حميد بتوافقين
مسح سيل دموعها باصبعه : لاتنزلين دموعك انتي وتزعلين دمعك ماهو رخيص لاجل ينزل لاي احد! خلي دمعك ثمين زيك
ابتسمت بخفوت وحضنته : اهخ ياسعود جيتني ونزعت همي! شكرآ
ابتسم يشد عليها : العفو , قومي صلي لك ركعتين ولا تزعلين نفسك عشان حميد لاتسبقين الاحداث ماتدرين يمكن هو يعشقك وينتظر الوقت اللي يناسب ماتدرين عن شي
ابتسمت تبعد عنه وتهز راسها وضحك بخفوت يمسح على جبينه : كنت مع ديم
ابتسمت : شفت يدينكم ستوري!
هز راسه: وريتها البيت الجديد اللي اخترناه
ضحكت بخفه : اعجبها؟
هز راسه: فاتك الضحك اللي صار !
ابتسمت : وش صار؟
هز راسه بالنفي وهو يقوم ويردف بضحكه : اسرار متزوجين
ضحكت بصدمه ترميه بعلبة المنديل : يالوصخ انقلع برا
ضحك يخرج ويسكر الباب
............
هزت راسها بالنفي : مااعجبني
تاففت ريما : ديم ياصاحبة الذوق الرفيع انتي اخلصي رجلي انكسرت
ضحكو البنات
سديم بضحكه وهي تشرب قهوتها : ياخي خلي اجواء العرس تمر بمهلها انا مستانسه الصدق حتى ماطلبنا من مواقع فساتين رحنا من قو حماسنا!
هزت راسها شذى : صح صادقه وسعي صدرك وروقي تجاهلي التعب
ابتسمت ديم من نطقت عهود : والعروسه لازم تختار لها شي رايق عشان الرومانسي حقها
ضربتها ديم على كتفها بخفه : يالوصخه!
ضحكو البنات كلهم وخرجو من المحل يتوجهون لمحل ثاني وتقدم خالد لهم : ماخلصتو؟ الظاهر مو ديم العروس انتو العرايس!
ضحكت شذى : شفيك انت انقلع ابثرتنا وبعدين ابوي اللي قالك تجي وبدون صوت يلا انقلع لااعلم ابوي عليك
ضحكو من شافو ملامح القهر على وجهه ومشو
.............
ضحكو من مسك ذياب اذن فراس : انت بتسكت ولا امعط اذنك؟
فراس بألم : جدي تكفى اعتق اذني انا بس قلت خلصو لاننا تاخرنا
رماح هز راسه وهو يكلم العامل : حلو باخذ هذا البشت
عبدالعزيز: تعال يا سياف
مشى له سياف عبدالعزيز : وش احلى ذي ولا ذي
سياف حك جبينه : البيج
هز راسه يلتفت للعامل : جيب مقاس ٤٨
هز راسه العامل يمشي للمخزن
ذياب لف لعبدالعزيز : خالد مخلص؟
هز راسه عبدالعزيز : ايه عشان كذا خليته يودي البنات
هز راسه ذياب : يالله ماعاد بقى الا اسبوعين
ابتسم رماح يصد من تذكر ان فاطمه بتدخل الشهر الخامس يوم زواج ديم
................
ضحك يشوف وجه نجلاء اللي تهز راسها بالنفي : والله خايس!!!
هز راسه يصد للعامل : لاتجيب هذا جيب نكهه ثانيه
هز راسه يبتسم يجيب عصير جديد واخذو عينه يذوقون وابتسمت نجلاء تناظره : رمان؟
هز راسه العامل ولفت لسعود : حلو حلو
هز راسه سعود : خلاص المشروب هذا بعد العشاء
هز راسه يدخل وابتسمت بخفوت : حلو وخفيف يجنن
هز راسه يمسح على جبينه : وش باقي؟
همست : سعود خلاص طفرت باقي شهر العسل وباقي اثاثكم
اغمض عيونه بقهر : الاثاث!! نسيت اختاره!
لفت تشوف تعبه وهزت راسها بقلة حيله ولف يطمنها ويمشي لسياره : ماعليك يا بنت الحلال معي معي الخير وتكفي الفلوس لكل شي وبعدين مليون مره اعيدها مايغلى شي على ديم وفداها كل ريال قاعد ادفعه واحطه
ابتسمت بخفه تهز راسها: متى بتخلصون الاثاث؟
حك جبينه يحرك السياره : بشوف اذا هي فاضيه او لا ارسلت هي شي لك؟
رفعت اكتافها: شفتها الساعه ٣ العصر مصوره مشغل واضح ياخذون حجز
هز راسه: ياخوفي تضيعني يوم العرس
ضحكت تضربه على كتفه بخفه : خفيف ياسعود !
ضحك بخفه يدق عليها وابتسم من ردت : ديمي!
ضحكت بخفه : سعيداني!
ابتسم يشوف نظرات نجلاء : فاضيه؟ اشتقت لك
ضحكت بخفوت: قلت لك ماراح تشوفني الا يوم العرس
ابتسم يهز راسه: ادري بك عنيده بس نبي نخلص الاثاث عشان بعد العرس مابي نروح لفندق علطول البيت
هزت راسها تناظر للبنات اللي يقوسون فساتينهم وصدت : مدري والله ياسعود مشغوله
عض شفته بقهر: تكفين يا ديم عشاني
ابتسمت بخفه تهز راسها : افضى لك متى بتجيني؟
ابتسم : الحين؟
هزت راسها: كلم ابوي ونشوف انا انتظرك بالمزرعه
هز راسه وخرجت شذى بفستانها : بنات كيف؟
ضحكت من سمعت صراخ البنات باعجاب
شذى ارسلت لهم قُبله بالهوا : احبكم
سمعت صوت رماح اللي يناديها : ديــــم
اخذت نفس تقوم تدري ان سعود كلمه ومشت له : سم
ابتسم بخفه : كلمك سعود؟
هزت راسها: يبيني اخلص مع اثاث البيت
هز راسه رماح : وانتي تبين ولالا؟
رفعت اكتافها: عادي
ابتسم بخفه : تجهزي بيجيك
هزت راسها تمشي وتلبس عبايتها والبنات يناظرونها
سديم : على وين ياعروسه؟
ابتسمت تلف لها : سعود يبيني بشغلات
هزو روسهم يبتسمون
..............
وسعت عيونها بصدمه: يالوصخ نزلني بيتنا!
هز راسه بالنفي : انزلي للمزرعه ديمي تتنظرني مابيها تنتظر
ضحكت بصدمه تنزل وتسكر الباب بقوه وضحك من عصبيتها ومشت تدخل للمزرعه ولف لمزرعة ذياب يدق عليها وردت : هلا؟
ابتسم : انتظرك برا
هزت راسها تقفل ومشت لرماح : بابا انا طالعه علم ماما اذا قامت
هز راسه يقبل راسها: استودعتك الله
ابتسمت تخرج تشوفه يناظرها متلهف وجلست تركب السياره وداهمته ريحة عطرها واغمض عيونه يردف بنبرة عتاب : كذا يـ ديم ؟ كذا تصديني؟
ضحكت تشير باصبعها : حرك حرك السياره
ضحك بصدمه وحرك السياره يمسك خط لرياض
وشغل المسجل يسمعون لمحبوب ديم وابتسم يطول على الصوت ويغني
" وتقولي ودنا صافي وتحسب حبنا خافي "
ابتسمت تناظره وبدت تردد معه
" ترا راعي الهوا مفضوح صحيح النظره ماتكفي ومن الالام ماتشفي "
مسك كفها يناظر عيونها وهو يردد بصوت اعلى لاجل تنتبه انه يشرح لها
" صحيح النظره ماتكفي ومن الالام ماتشفي "
ضحكت بخفه : ادري ادري مو لازم تشد حيلك بالتمثيل
ضحك بخفه يلف عليها ويقصر على الصوت : خلصتي ولالا؟
هزت راسها: كل شي تمام التمام
ابتسم بوسع ثغره: انا باقي توني على اغراض العرس بس فصلت ثوبي
ابتسمت بخفوت : وش سويت في العرس؟
ابتسم بخفه يلف الدركسون تبعآ للاتجاهات : مفاجاه
ضحكت بخفوت : ترا بعد بكره البروفه يعني مفضوح
ابتسم بخفه : بس بتشوفين القاعه ماراح تشوفين التجهيزات!
ضحكت بخفه ووقف سيارته : يلا حضرتك انزلي
ابتسمت تنزل وطفى السياره ينزل ومشى خلفها يشوفها تمشي وتشوف الاثاث وهو خلفها تاره يلف على الاثاث وتاره عليها وابتسمت باعجاب من شافت اثاث بدرجات الابيض والرصاصي وتقدمت تشوف فخامته ومن شافت السعر بلعت ريقها واردف يلمح اعجابها : اعجبك؟
هزت راسها بالنفي : لا ندور غيره
ضحك بخفه : ديم ماعليك من السعر والله كل شي يرخص لعيونك تكفين لاتلتفتين لسعر انتي غاليه وكل غالي لك قولي اعجبك ولالا؟
ابتسمت بخفوت ومسكت كفه : سعيدان شكرا
ضحك بخفه يحضن كفوفها : اثاث لايش؟
رفعت نظرها تفكر وهمست : مجلس الحريم؟
هز راسه يقبل راسها : لعيونك تم
ابتسمت ومشى معها يكملون واشار على اثاث : شرايك لغرفتنا؟
ابتسمت باعجاب : يجنن سعود !
ابتسم : صدق والله؟
هزت راسها: والله ذويق
هز راسه يبتسم وهمست : شرايك نختار كنبه بعد في غرفتنا الغرفه وسيعه نحط شي يمليها شوي
هز راسه يبتسم : اللي يريحك انا معك في كل شي
ابتسمت بخفوت وكملو يختارون الاثاث
وضحك بصدمه : خلصنا البيت كله؟
ضحكت بخفه : كل شي في ذا المحل جاهز تشوف الاثاث مصمم وانت تختار طبيعي بيكون سريع وسهل
هز راسه يبتسم ومشى معها وبدا يكلم المحاسب ويعلمه بكل شي وهو يستمع له ولف له سعود : كم كل هذا؟
ابتسم المحاسب وهو يحسب : ٩٨٠٠
شهقت ديم ومسكت ذراعه : سعود اسمع
ضحك يشوف الصدمه بوجهها : يا بنتي عادي والله عادي مايغلى عليك !
لانت ملامحها تبلع ريقها : سعود والله كثيره
ابتسم يقدم جواله وسمعت صوت إتمام عملية الحساب واردف المحاسب : بس عطنا عنوان بيتك وكل شي يوصلك ويتضبط حسب رغبتك
هز راسه واخذ رقمه
المحاسب : بيتواصل معك اللي بيتكلف بالاشراف
هز راسه يلف على ديم : بقى شي يالشيخه؟
ابتسمت بخفه : لا مشينا
هز راسه ونزل راسه يشوف الساعه ٨:٣٠ وابتسم بخفوت يمسك كفها وبدا يركض
ووسعت عيونها بصدمه : سعود وشو؟ شفيك؟
ضحك بخفوت : تعالي بسرعه ديم بيفوتنا
ميلت راسها تشوفه ماسك كفها ويركض وابتسمت تمشي معه ووقف ياخذ نفس وشافت علامة " move "
ورمشت عدة مرات تحاول تستوعب وابتسم يتقدم للاكل ولف عليها : وش تشتهين؟
همست تناظر امامها : سعود لحظه اذكر هذا المكان شفته بالجوال بس وشو؟
ضحك بخفوت يحضن اكتافها : بنشوف فلم مع بعض وش تشتهين؟
ابتسمت بخفه تحضن ذراعه : صادق؟
هز راسه يبتسم ولف للعامل وبدا يطلب اكل ومشروبات وديم تايد واخذو الاكل ومشو وفتح التذاكر
ابتسم المُنظم : قاعه ٩
هز راسه ومشى وديم امامه تدور معه واشار امامه : قدام يلا يلا بيفوتنا الفلم!
ضحكت تشوفه يركض وركضت معه ودخلو يشوفون العتمه والاصوات العاليه وبلعت ريقها تمشي وجلسو في اماكنهم وحطو الاكل امامهم وناظرت ديم للناس اللي في القاعه مندمجين وابتسم سعود : شفيه؟
هزت راسها تبتسم : مافيه شي
هز راسه وناظر للفلم واندمج وسكتت تلين شوي وترتعب من داخل من شديد الاصوات العاليه ومسكت مشروبها بكفوفها وتشرب منه وتشد عليه وناظرها سعود يهمس : ديم مااعجبك؟
هزت راسها بالنفي : لا سعود ماعليك شف الفلم اعجبني
هز راسه بخفوت ولف للفلم وبدت تندمج هي بالفلم وسكتت تاكل وهي تناظر وترمش وهي مركزه ولفت بسرعه من فتح نقابها يأكلها
وهمست بضحكه: خرشتني!
ضحك يأكلها : ماتاكلين اندمجتي !
ضحكت تاكل وترجع للفلم ولفت انتباهها كفه اللي شبكها بكفها وابتسمت ترفع جوالها وتصور
وبعد ماخلص الفلم وقف هو يشيل الاكياس وهي تساعده ولبست شنتطها : عطني سعود انا برميها
رفع الكيس للاعلى : لالا بشيلها انا امشي قدامي يالشيخه
ابتسمت بخفه ومشت تخرج وهو خلفها ولفت تشوفه يرمي الاكياس ويرد على رماح : اسف يا عمي بس وديتها مكان مارضيت ترجع كذا
ضحك رماح : رجعها بس بعد الزواج ودها اللي تبيه
هز راسه يبتسم : الجدول مليان افرغ من الحين
ضحك رماح بخفه : يالله قد الساعه ١٠ وجدها حالف مايتعشون الا وهي موجوده
ابتسم يلف على ديم اللي بدت تنزل الصور ستوري : يالله مسافة الطريق
قفل يلف على ديم : جدك حالف مايبدون بالعشاء الا وانتي موجوده
ضحكت بخفه : مشينا
هز راسه: انتظري في خاطري حركه !
لفت تعقد حجاجها: وشهي؟
ابتسم يُشير على محل عطور : نطقم في عطر !
ضحكت بخفوت : في خاطرك؟ مانردك يلا
ابتسم بحماس ومشى معها ودخلو المحل وبدا الموظف يعطيهم العطور وهم يشمون الرائحه ويفكرون
وابتسمت ديم : هذا العطر خيال !
ابتسم يأيدها : صادقه حلو ناخذه؟
هزت راسها: يجنن
ابتسم يلف للموظف : خلاص جيب ٢ من هذا
ابتسم يهز راسه وبدا يحطها بالاكياس وحاسب سعود وشلت الكيسه وتمشي معه : ينتظروني يالله
هز راسه يمشي معها وركبو السياره وحركها يهمس : ديم باقي اسبوع ونص مستوعبه؟
ابتسمت تهز راسها: مو مستوعبه
ضحك بخفه يمسك كفها : متحمسه للخطط الجايه؟
هزت راسها تبتسم : ماتسرب لي؟
هز راسه بالنفي وهو يمسك الخط : لا معليش مفاجاه !
هزت راسها بحماس : افف تحمست !
ضحك بخفه وبدا يشغل ابو نوره وسكتو يندمجون مع الاغنيه ويسمعون ابو نوره
...........
النجمه🦋🦋🦋