لقيت فيك الاماني ياخلي

13

بسم الله

المستشفى
كانو مشعل وماجد وبدر وحصه و الهنوف ورغد ونجلاء موجودين كلهم وكانو الحريم والبنات يبكون بخوف من الوضع وتقدم بدر يناظر لحصه اللي تبكي وتبلل نقابها وناظرها ياخذها على جنب : حصوص اسمعيني
حصه كانت تبكي واخذ نفس يمسح دمعها باصبعه واردفت بدموع : تكفى لايصير على ضناي شي جاني مايدري وش فيه جاني مثل المجنون يبكي يطلبني يستنجد فيني
اخذ بدر نفس وحضن حصه
واردفت : والله اذا صحى لاسوي اللي يبيه والله بس لايروح ضناي
كانت كلمة " ضناي " اخر شي بنبره مليئه بالكسر والحزن ونزلت دموع بدر يشد عليها : ياعيون بدر مابيروح سعود بخير بخير
عند نجلاء اللي ماغابو عن عينها امها وابوها وكانت وراهم خلسه وسمعت ابوها وزادت دموعها من مواساة ابوها لامها وكيف مارضى عليها تبكي وتخاف على سعود ولمحها بدر وابتسم يشير لها بالمجيء وتقدمت ترتمي بحضنه بجانب حصه وشد عليهم ويسمعهم وهم يبكون واخذ نفس يهمس بانكسار : اهخ
خرج الدكتور ولفو كلهم عليه
واردف بسرعه لاجل مايواجه اي من اعتراضاتهم على الكلام : حمد حالته حرجه وعنده كسر بالانف وكذالك بالفك ونحتاج له دم هل من متبرع
خرج سعود وهو يناظر للكل بانكسار وهو يعرج بألم :انا بتبرع ولد عمي وان شاء الله متطابق
هز راسه الدكتور : تعال معي
اما حصه ونجلاء؟ ركضو يحضنونه بسرعه وابتسم بألم : وخرو شوي تكفون
وبدر ساكت صاد عنه وناظره سعود يلمس كثير زعله وعتابه على فعلته واخذ نفس من ابتعدو حصه و نجلاء ومشى خلف الدكتور اللي يعطيه التوصيات بعد سحب الدم ويعلمه بكل شي وسعود كان ساكت يناظر للارض وهو يهوجس واخذ نفس الدكتور من لف على سعود يشوفه يهوجس ومو يمه وبدا يسحب عينه من الدم لاجل يشوفون تطابقه ومشى الدكتور بعد ماخلص من سعود بعد دقيقه لف يعقد حجاجه من لزق الجروح اللي على يده وادرك ان الدكتور اخذ العينه ومشى يشوف تطابق الدم واخذ نفس يمسح دمعه اللي سال ولف على الباب من دخل ماجد وسكت يناظر لعمه وبلع ريقه من نطق ماجد بنبرة خذلان: ليه؟ ليه وش سوا لك حميد؟ وش سوا عشان تسوي به كذا
صد سعود يستغفر بهمس مايعرف وش يقول
ماجد : اقسم بالله طيحت قلبي من قلت حمد كسرتني ياسعود ماهقيت تسوي كذا بولدي
ناظره سعود وهمس : بس هو يجيب لي المضره دايم! مابسوي شي الا وهو مغضبني ومسوي لي الاسوء
سكت ماجد يصغر عيونه : قل لي يمكن انا ازود عليه قل لي وش السبب اللي وصلك لمرحلة الجنون وخلاك تدخل ولدي للعنايه قل اسمعك
بلع ريقه سعود ماوده يقول بموضوع ديم عشان مايشك بعلاقته مع ديم
وهز راسه بالنفي : بيننا انا وحمد
هز راسه ماجد وخرج بدون اي كلام وتفاجئ سعود من البنت اللي دخلت وطرحتها على كتفها
وهمس : شدن؟
ناظرته تبتسم : سلامتك ما تشوف شر ياولد الخاله
هز راسه يصد : الشر مايجيك ليه جايه؟
بلعت ريقها: اتطمن فزيت من قالت لي خالتي
عض شفته من حركات امه
وهز راسه وهو صاد: تقدرين ترجعين وترتاحين انا بخير
شدن : بس سعو...
قاطعها من لف عليها : شدن الله يرضى عليك وضعي النفسي مايسر لاتضغطين علي وروحي قلت لك خلاص تشوفيني بعافيتي روحي
بلعت ريقها من
دخلت امها رافعه حجاجها : تطرد بنتي ياسعود؟
ناظر سعود خالته وهو ساكن يناظرها ماله خلق للنقاشات والكلام ولمح بنت منقبه خلفهم ولمعت عيونه يعرفها من عيونها كيف مايعرف حبيبة قلبه وروحه وعيونه! ديم ديم جت عشانه؟ مايدري كيف طلعت كان بيفز بس تدارك الوضع وشافها مشت من جانب الستار تمشي للجهه الثانيه عشان تقرب وبلع ريقه مايودها تقرب وتسمع
واكملت خالته تحت مسامع ديم اللي متلهفه وخايفه عليه : مو انت بتتزوجها؟ خلاص حسن العلاقه من الحين قلتها انت
وقفت ثواني تلف لخالته وبلعت ريقها تناظر لسعود اللي غمض عيونه ناظرت لشدن اللي مبتسمه ولانت ملامحها تفهم شوي
واكملت خالته : لااشوفك طاردها وداريه بك وانت معطي امك الموافقه تراها رافضه الخطاطيب وتنتظ...
قاطعها سعود بحده : خالتي اعتذر مابينا نصيب واطلعو برتاح
وهزت راسها خالته تمسك كف شدن وتخرج بغضب ولف يدور ديم بعيونه
ودخلت تناظره ثواني ولمعت عيونه مايبي يسمع منها غير نطقها لاسمه وكلمات تدل على الخوف والشوق بس اللي سمعه منها؟ تردف بنبرة بكاء : اسفه اذا انا مسببه لك مشاكل ومصايب اسفه مره ياسعود ان كنت ثقيله عليك
خرجت قبل ينطق بحرف ووقف بسرعه وتقدم له التدكتور : سعود انتظر مايمديك تراك تعبان
دفعه سعود بعدم مبالاه لالمه وتعبه كل همه ديمه ديمه لاتزعل منه ودورها بعيونه وتافف من شاف عدم وجودها: اففف ياديم اف وينك!
اخذ جواله يتصل عليها بس اللي جاه؟ مشغول
لف من نطقت نجلاء : سعود شفت ديم؟ جت تتطمن عليك ورحت اشتري مويه وشكلها سبقتني تبيك
رص على اسنانه بقهر : جت , جت وسمعت كلام خالتي عني انا وشدن! عنيها زعلت وراحت
شهقت نجلاء : امانه؟
هز راسه بقهر : اف يانجلاء اف كل شوي يسوء الوضع كل شوي الموضوع اللي كنت خايف منه حصل وسمعته بطريقه غلط ! افف
وصله صوت حصه اللي اردفت : مين اللي سمعت غلط؟
لفو عليها يبلعون ريقهم واكملت حصه برفعة حجاجها : منهي ياسعود ؟ تعرفك هي؟ تجيك؟ متى جتك؟
بلع ريقه يصد
وحاولت نجلاء تتدارك الوضع : امي البنت صدي...
قاطعتها حصه بحده : اسكتي يانجلاء ابي اسمع من سعود
لفت على سعود واكملت بحده : بتهرج ولا شلون؟
اخذ نفس بتعب من الوضع : ايه يمه اللي احبها جت وتبي تتطمن علي وسمعت كلام خالتي عن شدن وعني وراحت زعلانه وبركض انا ورا رضاها يايمه وابيها وماراح اتركها لين ترضى !
رفع حجاجه بانهئ لكلامه : ارتحتي؟ وصلك العلم؟
ومشى يتركها ترخي ملامح وجهها بصدمه وابتسمت نجلاء تصد من صراحة سعود درت انه اكتفى وابتسمت بحزن على حاله وسعود مشى يدخل يجلس بقهر ومسح على وجهه واخذ جواله يحاول يتصل على ديم بس ديم؟ ماترد عليه تقفل في وجهه
عند ديم
خرجت من المستشفى تمسح دموعها واوقفت تاكسي وركبت السياره ووصفت له المكان وهو اعطاها المبلغ ووافقت ومسحت دموعها بقهر من انها ماكانت تدري بان سعود موافق على ذيك البنت هي ماتدري ان شدن بنت خالته وان اللي تتكلم خالته فقط بمجرد سمعتهم هي هنا انكسرت وتحس انها انهدمت وانهدت ظلت تمسح دموعها وتكفكفها وتشوف اتصالات نجلاء وسعود بس كانت تصدهم ووصلو وودفعت المبلغ ومشت تتسلق الجدار ودموعها تنزل ودخلت المزرعه تفك نقابها وتدخل البيت بخفه وتدخل غرفتها وارتمت على مخدتها تبكي بقهر هي حبت سعود ووثقت فيه وصرحت بمشاعرها ومن شافت ستوري نجلاء مصوره المستشفى ويد سعود هي فزت كل خليه بجسمها ووقفت تلبس وتروح المستشفى باقصى سرعتها بس اللي سمعته؟ هدمها حييل
عند سعود اللي سحبو منه الدم ودخلوه غرفه لاجل يرتاح بس سعود مايرتاح مايرتاح عقله وقلبه وروحه وديمه زعلانه جلس ثواني منسدح ويفكر ورافع نظره للسقف وهو متضايق من الوضع وسوئه ودخلت حصه تشوفه ساهي ومنهلك تمامآ تجمعت دموعها بعيونها تحس ان لها نصيب من ضيقته تحس انها اهلكته ومشت عنده وسعود؟ كان ساهي تمامآ مانتبه لوجودها وحتى سحبت كرسي وطلع صوت وجلست بس هو تفكيره عند ديم؟ مابيسمع شي ولا بيحس بشي مر طيفها امام عيونه وابتسم تنزل دمعه ومسحها بسرعه
وهمست حصه : سعود
لف عليها يبلع ريقه يدرك انه كان ساهي لانه مالاحظها وهي تدخل واكملت : فيك شي ؟ تحس بألم؟
همس بصوت مبحوح مليئ بالدموع والانكسار : كل شي يوجعني يمه كل شي ماحس اني حي احس اني ميت
نزلت دموعها تتقدم تحضنه : بسم الله عليك يمه بسم الله عليك
اخذ نفس يحبس دمعته : يمه روحي البيت انا بخلص واجي
ابتعدت تمسح على خده بحنيه : سعود يامك انا اسفه اسفه والله لاني كسرتك وعورتك
هز راسه: معليك يمه ارتاحي
وحضنت كفه تهمس بدموع : لاتزعل مني يمه وابشر باللي تبيها واللي يسرك
ابتسم سعود بوسع ثغره بس تلاشت ابتسامته من تذكر جده وزعل ديم منه وكيف كل ماتقدم خطوه يرجع خطوتين كل مازين خطوه لها ولوصلها تخرب اللي قبلها هو يخيط والوضع يفلت سكت يصد
وهمست : شفيك؟
ناظرها سعود : امي البنت صعبه بس كل شي فيني يبيها
حضنت حصه كفه بحزم : قل منهي اجيبها لك ولايضيق صدرك
ابتسم بخوف : امي بنت رماح
عقدت حجاجها: مين رماح؟
اخذ نفس: صديق ابوي اللي بالمزرعه اللي مقابلنا
رمشت عدة مرات تستوعب فعلآ سوء الوضع
وهزت راسها توقف : تبشر ياسعود باللي يسرك بس انت اصحى ونشوف الوضع مع بعض
ابتسم بوسع ثغره يهز راسه من طمنته حصه
سكتو يسمعون الاذان يعلن بداية يوم جديد واخذت نفس تخرج من دخل الدكتور : كيف حالك؟
هز راسه وابتسم الدكتور يلف على بدر اللي دخل : تقدر توقع على اوراق خروجه
هز راسه بدر وهو صاد واخذ نفس متقطع من صدود ابوه ووقف يشوف نجلاء اللي دخلت : ماترد
هز راسه: وحتى انا ماترد علي
ابتسمت بضيق : بتخليها؟
هز راسه بالنفي : مستحيل وقبل اراضيها انا بسافر
عقدت حجاجها: تسافر بذا الوضع؟
هز راسه: ماني قادر اقسم بالله بطلع تكفين
هزت راسها: امي وابوي؟
صد يحك جبينه : بقولهم شغلي
تكتفت نجلاء : مو عشانك رجل اعمال وعندك شركات وفروع تتعذر بذا الشي!
اخذ نفس يصد : نجلاء تكفين لاتضغطين علي انتي بعد
هزت راسها: وين بتروح؟
رفع اكتافه بجهل : بروح لين ما ارضي زعلي من نفسي
صدت تمشي بضيق من حال سعود
واردف سعود وهي ماشيه : ابيك تعلميني على احوال حمد
هزت راسها تكمل مشي وخرج يشوف ابوه خلص الاوراق ومشى له يهمس : ابوي بسافر عشان شغلي
عقد حجاجه بدر يلف عليه : تهرب قصدك؟ شاطر ولدي شاطر تضرب وتفرغ بولد عمك وتهرب بأسوى الاوضاع
صد سعود
وهز راسه بدر : من اليوم ورايح يا سعود انا ماني مسوؤل عن اي شي تسويه اتعبتني معك كثير
ومشى يترك سعود بقهره وحزنه
ومشى لامه يعطيها خبر
ووهزت راسها : انتبه على نفسك
مشى يخرج ويحس بثقل خطاويه ومشى يركب سيارته ويتوجه للبيت واخذ ملابس ومشى يركب سيارته مايبي يركب طياره وده بس بطريق سفر عشان يعطي طريق السفر حقه بالهواجيس والتفكير
ومسك الخط بعد نصف ساعه وتوكل على الله وهو يشوف الشمس اللي تشرق
...............
صحت من النوم تشوف امها دخلت وصفقت بيدينها فاطمه : ديم وش ذا النوم اذن العشاء وانتي ماقمتي!
بلعت ريقها تمسح وجهها من تذكرت احداث الفجر وصدت تهز راسها بهدوء ولمحت فاطمه وجهها اللي كان واضح عليه وضوح شديد البكاء
وتقدمت لها : ديمي بك شي؟
هزت راسها بالنفي تبتسم لتبعد الشكوك
وهمست فاطمه : بكيتي؟
هزت راسها: كنت ابكي عشان طحت بس عدت
سكتت فاطمه ماتصدقها لان الواضح؟ بكاء شديد وهي من طيحه بكت كل ذا؟
ووقفت : قدهم بيدخلون ينامون ترا
هزت راسها: اجل بقعد بغرفتي بتروش وانسدح مكسره
هزت راسها فاطمه وخرجت واخرجت جوالها وانسدحت على السرير وحطت الجوال تحت المفرش وفتحته ولاشافت اي شي من سعود وفتحت على ستوري نجلاء تشوفها منزله صوره مكتوب عليها
" تقوم بالسلامه ياولد العم "
وعقدت حجاجها ترد عليها : حمد؟
ردت نجلاء بنفس الوقت من اللهفه
" ايه , وينك انتي ؟ "
رصت على اسنانها
" وين بكون؟ بالبيت "
كانت تتمنى ان نجلاء تجيب طاري سعود لكن خابت كل ظنونها برد نجلاء " تمام "
نجلاء كانت تلمس شديد زعل ديم من ردها واكتفت بهذا الرد لجل ماتزيد الوضع سوء او شي لان اللي صاير؟ يكفي وجدآ
............
بعد شهرين ونصف من هدوء سعود اللي مايرد ولا يتصل ومن ديم اللي رجعت لحياتها الطبيعيه مقفله جوالها ورجعت طبيعي جدآ ونجلاء اللي شايله هم سعود وديم بس كانت تبين انه عادي وحمد؟ اليوم يصحى
فتح عيونه ويحس بتفكك عظامه وكل جزء من جسده يوجعه وتأوه بالم من حرك يده اللي فيها المغذي ودخل الدكتور : حمد ؟ صحيت؟
ناظره حمد مايتكلم يحس بكل شي يوجعه
الدكتور : الحين اتصل على اهلك
هز راسه بدون اي رد منه وتوجه الدكتور يكلم ماجد يبلغه ان حمد صحى اخيرآ وكان فعل ماجد وقتها؟ انه يركب السياره ويسعى للمستشفى ومعه الهنوف ورغد اللي متلهفين ومن وصل الخبر لنجلاء؟ اتصلت على سعود تبلغه بس سعود مايرد وارسلت له رساله
" حمد صحى "
......................
نزل الكاب يغطي نصف وجهه ويدخل كفوفه فب بلوفره من شديد البرد وسكت يناظر للبرج امامه
وسمع وحده منقبه تردف بحماس: سيف احبك
ابتسم سيف يبادلها الحضن ولف سعود عليهم وهو يسمعهم من قربهم
وهمست : اول مره اشوف برج ايفل وشفته مع اللي احبه
تبسم سيف يقبل راسها ويشد عليها
وابتسم سعود تنزل دمعته تمنى يعيش هذي اللحظه مع ديم اشتاق لها مره ومايغيب يوم الا و طيفها يمره يزيد حبه لها وشوقه لها واخذ نفس متقطع
وهمس يناظر للبرج : اهخ ياديم
ومشى يدخل للفندق واخذ جواله يفتحه وشاف الاتصالات اللي من وحصه ونجلاء فقط وافتقد اسمها اللي يزين شاشته وعقد حجاجه مايشوف اي شي من ابوه وادرك انه مازال زعلانه منه وشاف رسالة نجلاء اللي قبل يوم واخذ يحجز طياره لانه سافر لجده بالسياره وتركها عند صديقه وسافر من جده لباريس طياره وشاف فيه حجز وحجز يقفل جواله ويلم اغراضه يتوجه للمطار
واخذ شنتطه يدخل للطياره وجلس مكانه وجلست بجانبه وحده منقبه وجوالها 15 وردي ولف يبتسم لشباك وهمس يغني
" كل شي حولي يذكرني بشي"
....................
تغسل المواعين بعد ماطلعو اهلها مسافرين وتتذكر انها مره من المرات غسلتها بوجود سعود اللي يغني معها واخذت نفس بضيق وهي تناظر للمواعين وتهمس
" كل شي حولي يذكرني بشي "
ونطقت بتعب : اهخ ياسعود
وخلصت تنشف يدها وتاخذ ايسكريم ونزلت دمعه لانها كانت تاخذه ومع سعود واخذته تفتحه وتجلس بالخيمه تناظر لشعرها اللي طال واصبح يوصل لنصف كتفها وماقصته عشان سعود قال " لاتقصينه "
افتقدته واشتاقت له مره بس كلام خالته اغضبها وزعلها
..............
نزل من الطياره يستنشق ريحة الرياض اللي فقدها ومشى يركب تاكسي و يرجع للبيت ودخل ولمعت عيون حصه تركض وتحضنه بشوق : سعود يمه اشتقت لك وينك عن جوالك
ابتسم بخفوت يقبل راسها ويشد عليها : انشغلت
هزت راسها وركضت نجلاء تحضنه : اشتقت لك يالوصخ
ضحك يحضنها واردفت : كل شوي اقول بيفتح بابي بقوه وانفجع بس انقهرت ماجيت
ضحك بخفوت يقبل راسها بخفوت وده تفتح طاري ديم بس ماقالت شي لانها جاهله كذالك بوضعها ومشى يمسك معصمها ويدخلها الغرفه
وهمس : ديم
تكتفت : ماقلت لها شي ولا جيت لها و الحين جاي تبي علومها؟
سعود بحزن : تكفين يا نجلاء احبها وتدرين بحبي لها لو اغيب السنه ذي كلها ماتروح عن بالي طيفها يمرني كانها تحلف اني مانساها شوقي وحبي وغلاتها كليوم وكل ثانيه يزيدون
لمعت عيونه يهز راسه بالنفي والشوق يبان بعيونه : تكفين يا وخيتي
ناظرت له تبلع ريقها من كلام سعود ورجاويه : ماترد علي ولا ترسل وكل مارسلت ودقيت جوالها مقفل
صد بقهر : حتى اذا جيت اسدد النت مافيه شي واضح مقفلته
هزت راسها: رح لابوي تراه مايبي يدق عليك بس هو اللي يصر علي ادق عليك خايف عليك
ابتسم بخفوت ومشى يروح لغرفة ابوه ودق الباب : ابوي ؟
................
النجمه🦋🦋🦋