(السلام عليكم)
(سامر والجميله)
كعدت ب2وصحت ماما ماكو رد نزلت جوا ماكو احد خفت اتصلت على ماما مترد وبابا كذالك ضليت حايره خاف صاير عليهم شي طلعت برا ماكو احد الشارع فارغ رجعت فتت وجنت جوعانه سويت اكل واكلت واني افكر بهلي وينهم شوي وبابا اتصل فرحت رديت بس مو صوت بابا
الو بابا
: اني دكتور فلان اهلج مسوين حادث بس حالتهم زينه
نصدمت شسم مستشفى
طلعت ركض لبيت ملاك دكيت الباب طلع ابو ملاك
ابو ملاك: ها بنتي خير
عمو اهلي بل مستشفى عفيه وديني الهم
: تمام شسم مستشفى
كتله اسمها وصعدت بسياره ويا واجت ملاك هم
ملاك: مابيهم شي شبيج لا تبجين هسه نروح الهم
واني ابجي وانتضر على نار بس اريد اشوفهم وصلنه ونزلت وملاك ماسكتني ماكدر امشي رجليه ما يتحركن طبيت لغرفه وشفتهم وجهم كله جروح وايد بابا مكسوره وماما رجلها مكسوره ضليت ابجي واباوع عليهم ورحت ركض حضنت ماما وابجي
اسراء: بنتي مابينه شي اهدي كافي
وخرت من حضنها ورحت البابا حضتنه شوي هديت واجه دكتور كال يكدرون يطلعون بس لا يتعبون نفسهم وقعو علا ورقه خروج وطلعنه ويا ابو ملاك وكل شوي ابوس امي وصلنه وبابا يكدر يمشي بس ماما لا اني سندتها ومشيتها لجوا وكعدو واني دسوي الهم اكل سويت اكل وجبته الهم كعدنه ناكل
اسراء:هاي شنو تعرفين سوين تمن
شعبالج عيني شيف بوراك اني
محمود: اي بنتج نكدر نعتمد عليها
وهمه ميعرفون تعلمت من يوتيوب خلصنه اكل وكمت. شلت مواعين وغسلتهن ورحت صليت ودعيت الهم وراحو ينامون رحت لغرفتي وراسلتني ملاك كالت روحي على ست هيفاء (المديره مالتنه) علمود النتائج رحت كلت لماما وطلعت مو بعيد بيتها خمس دقايق اوصل واني امشي شفت سامر
: ها يحلوه وين رايحه
اجيب نتيجه مالتي
: امشي نروح سوا
استغربت من كال هيج بس ما بينت واحنه نمشي
: انتِ شسمج
وتين
: عاشت الاسامي مثل اسم اختي
