أزر 🔞🔞
البارت 2
بقلمي انا لارين العامري ✍️
............................. ...................
سمية ... خوية حارث اني اريد ابني وكلشي مااريد منة ينطيني ابني ومتنازلة عن كلشي ... حارث ... ابشري اني اليوم من ارجع من الشغل اروح علية ونتفاهم واجيب ابنج ... سمية... اروح وياك اكو هواي حجي اريد احجي .... حارث ... سمية مووكت هل الحجي ... سمية .... لاوالله ياخوية هو هذا وقتة ... حارث ... زين ارجع من الشغل ويصير خير ....
في مكان اخر ...
انوار ... كوم مسوي روحك شاطر وكاعد تقرأ كوم شيل مسك وافتر بيها احسن من هذا السخت مالتك كوم اريد اكمل شغل .. لعبهم وانتبه عليهم ياله فضني ... أدم .. بس اكمل كتابة مابقالي شي واخذهم العبهم ... انوار ... كتلك كوم لتخليني اعيد السالفة مرتين ... أدم ... مااحس غير ضربت الكتب برجلها وطشرتهم ... دمعت عيوني واذكرت امي شلون جانت تهتم بكلشي حتئ تسويلي جو ادرس واكمل واجباتي ... كمت واخذت مسك وظافر ورحنا بالغرفة حتئ العبهم وادير بالي عليهم مسوكة تحبني ومتعلقة بية واني كلش احبها حتئ ظافر احبة بس ظافر كلش خبيث وحتئ يخبث وياي حتئ اترزل وانضرب بسببة ... ضل ظافر يكمز ولايعرف يلعب جنة قرد بأثناء لعبة بخباثة وكع على الصوبة وانجوئ وجان تقوم القيامة ... ضل يصرخ ويبجي اجتي انوار على صوتة ... أنوار ... يمة اسم الله وليدي شبيك ... ادم .. بعدني اريد اكوللها شلون انجوئ وهو نط من يمة ... ظافر ... يمة ادم جواني بالصوبة اااهئ اااهئ ... ادم ... ضليت متفاجئ من كلامة اني لايمة لاحوالية هو انجوئ بوحدة حتئ اني ومسوكة بعيدين علية ... انوار... اي اي ابن ام الزلم هاي تسوي عناد لان كتلك دير بالك عليهم .. وراحت جابت عودة وضلت تضرب بادم وتغلط علية وعلئ امة اخر شي جرت ايد ادم وخلتها علئ الصوبة ...أدم ... فرفحت روحي ضليت اگمز ومسك تصرخ وتبجي لان تخاف ... خلتني مفرفح واخذت ظافر ومسك وخلتني بوحدي الوب مدري من وجع جسمي مدري من حرك ايدي ... سحبت نفسي بزاوية الغرفة ولازم ايدي ودموعي تجري بصمت ... هناا وبهذا الموقف كلش حقدت بهذا الوقت وبعمر الثمان 8 سنوات عرفت شنو معنئ حقد وشلون يكون شعور واحساس الحقد وحتئ غدا مانطتني ولااني تحركت من مكاني جنت اريد بس امي ولا احد ثاني بتفكيري غيرها .... مسعود ... لعد وين ادم ... انوار ... سواله مصيبة وخانس ... مسعود ... اسوة ... انوار ... كتلة ماما دير بالك على اخوتك بين مااكمل شغل واسويلكم الغدا ...ماحسيت غير ظافر يصرخ ركضت لكيتة حارك اخو بالصوبة ... مسعود ... وين ظافر ...انوار ... سودة علية من كد مابجة نام ... اني مااتحمل ادم وتصرفاتة ولد حقود ماايتعاشر ... مسعود ... وهسة هو وينة ... انوار .. هناك بالغرفة مسوي روحة فقير ...
تستمر الاحداث ...
حارث ... بوية سمية مصرة تروحين وياي ..سمية ...اي فدوة خوية ... حارث ...ياله لعد مشينا ..توجه حارث وسمية لبيت مسعود ...
مسعود ..خير شرماكم علينا ... حارث ... جايين نتفاهم ... مسعود .... بشنو نتفاهم ماكو شي نتفاهم علية ... حارث ... لالا اكو اكو ... مسعود ... شنو باله اني رجعة ماارجعها الابشروط ... حارث ...هههه منو كالك جاي اتفاهم علمود ارجعها الك اذبحها هنا وماارجعها الك ف وفر شروطك وحتفظ بيهن لنفسك ... مسعود ... على شنو جايين ... حارث ... جاي اخذ أدم ..وكلشي منريد منك ... مسعود ... باحلامها تاخذ ادم اني اخلي ابني تربي مرة ومرة مثل سمية ... حارث ... لهنا وتلزم حدك سمعت اختي تاج على الراس والي يجيب طاريها اخلي اربع وصل سمعت والطفل بالقانون بالعشاير من حق الزوجة لان الحضانة للأم .. ف شلون تريدها اسويها مايهمني شي ...مسعود ...انت جاي تهددني وبيتي حامد يدري شجاي تسون ... حارث ... مايهمني يعرف مايعرف انت راح تكلة لان انت وحامد نفس الطينة وتتوالمون ....سمية ... اسمعني مسعود صار سنين متحملة ضيمك وقهرك وساكتة لخاطر ابني صايرتلك خدامة الك ولمرتك بس لهنا وكافي اني اشرف من الشرف اني مااجيت واخذت رجال من مرتة ولا حجيت باعراض العالم ف يا مسعود نطلع بالمعروف وانطيني ابني لا وروح ابوية اسوي سواية بيك اخلي كل السلف يحجي بيها وخلي يكون بعلمك اذا حكمت اكتل بشر لخاطر ابني مراح اتراجع ... مسعود ... والله وطلعلج لسان سمية خاتون ...اصواتهم تعالت ...أدم ... سمعت اصوات برة طلعت امشي على كيفي من وجع جسمي ميزت الصوت هذا صوت خالي حارث وصوت أمـي .. مااعرف اجاني كل الحيل وركض طلعت شفت امي وهي تحجي بعصبية على ابوية اول مرة اشوف امي ترد ابوية اصلا حرامات اكول علية ابوية .. صحت بصوت ااامي انتبهت علية سمية وصاحت يبعد امك اريد اركض لحضنها لزمني مسعود النذل .. ادم .. هدني اخ حرك ايدي وجعتني ايدي ايدي ..سمية ....يمة ادم شبيها ايدك وتقربت وجرتني من ايد ابوية واخذتني تتفقد بالحرك واثار الضرب على جسمي ... سمية ... هاي شمسوين بي هااا احجي ليش هيج مسوين بابني وتريد اخلي يمك والله يمسعود ثم والله هسة طالعة بوجهي لشيخ العشيرة واذب شيلتي بديوانة وباجر من الصبح طالعة للمركز ارفع عليك دعوة الا اطلع ضيم سنين من عيونك الله لايوفقك ولايرضئ عليك طفل هيج معذبي ليشش ولك ليششش هذا مو ابنك مثل ماذولاك جهالك ...مسعود ... تفاجئت بحالة ادم وتفاجئت اكثر بردت فعل سميه طبعا تكدر كلشي اسوي لازم اوصل لحامد هو الي يحلها ... جريت ادم من بين اديها وكتلها شتسوين سوي وطبيت وسديت الباب وخليتهم برا ... حارث ... امشي خوية باجر اروح نشتكي علية ...سمية ... وبشهكات شفت شمسوين بي شفت شلون معذبينة ابني يموت اذا بقئ يمهم .....
أنت تقرأ
أزر
General Fictionماراح انطي وصف للقصة لان وصفها بعيد ومتفرع اتركم تتعمقون بأحداث قصتنا لان كل شخصيات الموجودة هم ابطال وكل واحد منهم اله قصة .. وكلهم جمعهم القدر بقصة واحداث وحدة .. قصتنا هاي المرة لاتخلو من الاثارة والاكشن والغموض وماننسئ انو هل القصة بيها جرئة طاغ...
