أزر

ازر 🔞🔞

البارت 4
ازر
بقلمي انا لارين العامري
****************************
تمر الايام ومسعود يخطط لشي وبدت المدارس وبلش ادم اول ايام المدرسة ومرحلة جديدة ... وسمية وكريم زواجهم كمل وفراس وجمانة تعودو على سمية وجمانة صارت قريبة لسمية كلش وسمية ابد ممقصرة وياهم تحبهم وقايمة بواجبهم ..

مسعود ... انوار لملمي بس الاشياء المهمة والضرورية بعد يومين طالعين من هاي الديرة ...
انوار ... عزة العزاني وين اروح شنو الصاير ...
مسعود ... لااضلين تونونين اسمعي كلام عيشة هنا بعد ماعدنا اني ضبطت كل اموري وجهزتلكم بيت راح نترك هاي المنطقة نهائي ...
انوار ... وين انروح يمسعود وليش اي غير افتهم اصاير وهيج راح انهج من ديرتنا ...
مسعود .. سمية موكلة محامي او بالاصح رجلها موكل محامي حتئ تاخذ ادم مني واني مااسمح بهذا الشي يصير على جثتي ..
انوار .. يعني مهجولنة من ورئ شيخ ادم وامة نعوف بيتنا وديرتنا وناسنة علمود ادم شتحجي انت ...
مسعود وبعصبية ... ااانوووووااار لااضلين تعيدين بالسالفة ادم ابني ومااخلي رجل سمية يربي ابني سمعتي واذا اسمع بيج مطلعة سالفة بخصوص نقلتنا منا ماتلومين الانفسج سمعتي ...
انوار... زين وين راح نروح ؟؟
مسعود ... للموصل  ..
انوار ... عزة هل البعد صدك تحجي مسعود ...
مسعود... اي صدك احجي ..
انوار ... زين والجهال ومدارسهم ؟
مسعود... كلشي كملت ونقلتهم لعد صارلي شهر اركض وما لافي للبيت شجنت اسوي ...
انوار ... بس اختك سليمة ماتنطيك ادم شلون بهيج حاله ..
مسعود ... حتئ سليمة راح تروح ويانة اخذتلها مشتمل بصفي ...
انوار ... اهااا حاسب حساب گلشي واني نايمة ورجلية بالشمس ...
مسعود... بلا كلام فاضي طول عمرج رجليج بالشمس شنو الي تغير هسة ... ياله ياله لمي الغراض الي تحتاجيهم بين مااروح لسليمة ابلغها...

سليمة ... هلا هلا ابو ادم ويينك مختفي بصفي وماشايفتك خير خوماكو شي ...
مسعود... والله ياسليمة هو اجيت حتئ اسولفلج الصار ...
سليمة ... خير يارب احجي وكعت گلبي يخوي ...
مسعود ... سردلها الموضوع بالكامل وبلغها على النقلة مالتهم ...
سليمة .. ياا من كل عقلك وين اعوف بيتي ومنطقتي گضيت عمري بيها وجواريني وناسي ...
مسعود ... سليمة ابيوتنا تبقئ ماعليها شي بس اني مااسمح لسمية تاخذ ادم مني واذا عندتي ماتقبلين تجين وياي اني اخذ ابني وعيالي وانتقل وانسي عندج اخو اسمة مسعود ...
سليمة ... من كل عقلك تاخذ ادم مني اني ماانطيك ادم لو على جثتي بعدين انت تسوي الشي من راسك لاتشور احد لاتكول اخذ رئي احد ...
مسعود ... هذا العندي اني جهزت الج بيت يعني راح تتعودين وترتاحين ... والقرار الج ... اذا موافقة جهزي حالج هل اليومين منتقلين واذا تكولين لامااجي حضريلي ادم وغراضة .....

****************************
ماكو خيار ثاني گدام سليمة غير انو تستسلم لقرار مسعود لان ماتكدر لا تتخلا عن اخوها ولا تكدر تخلي ادم بوحدة وياانوار ومسعود وظافر ابن انوار لان كل مايكبر ظافر تكبر خباثتة وحقدة على ادم فقررت تنتقل ويااخوها وتعوف ديرتها الي ربت بيها وتعلمت على ناسها واهلها ...