أزر

البارت (13) أزر
***************************

ود ...حوراء بعد مااجهضت طفلها وخسرت الانسان الحبتة دخلت بحاله اكتأب وعذاب مفرط .. حبيسة غرفتها بس عمتي ام هشام تدخل عليها حتئ تنطيها الاكل والعلاج ..  هو كان ممكن انو ينقذون الطفل بس قرار عمي كان مفروض ومحسوم انو تتخلص من الطفل ..  حاله حوري لاتحسد عليها خسرت كلشي مستقبلها بعد ماكانت طالبة صيدلة وخسرت الانسان الحبتة وخسرت طفلها الذكرئ الوحيدة البقتلها من كرم وحتئ خسرت حريتها وثقة عمتي .. كل يومين او ثلاث ايام تدخل بنوبة هسترية مخيفة تتحول شخص ثاني. طول اليوم بس صراخ وتكسر اي شي يصير گدامها واضل تضرب بالباب توصل لمرحلة الانهيار العصبي يدخل عمي عليها لو ينطيها ابرة لو يجبرها تشرب حباية يكول هذا علاجها وبماانو هو دكتور ماكان احد يعترض ..  ماكان بايدنا شي عليها كانت بس دموع عمتي ام هشام كفيلة لتشرح مدئ العجز الي واصلتة ماتكدر تسوي شي لبنتها الوحيدة ...

ضلت حوراء على هاي الحاله قرابة 9 شهور ... تغيرت جذريا وجه شاحب مخيف هالات سود تحت عيونها عيون ذبلانة مابيهم اي حياة ماتعرف شنو بيهم حزن وقهر  لو خوف وندم ... جسم نحيف علئ كولتهم جلد وعظم ..  اكلها قليل كلش ... اني بهاي الفترة كنت منعزلة من الكل هم نكدر نكول شبه محبوسة بامر من عمو عامر بسبب امتحاناتي ..  الحمدلله امتحنت وطلعت النتائج وكان معدل يرفع الراس وعمو كلش فرح بوقتها جابلي تخم ذهب هدية نجاحي بس كان طلب عمو انو ادخل طب ودخلت طب بناء على رغبتة ..  وبعد سنة من الاحداث الصارت وياحوراء .. طبعا مو طلب وانما امر انو ترجع تكمل دراستها بالنسبة الي كلش فرحت لان تأملت انو تتغير نفسيتها وعسئ ولعل تكدر تنسئ اوتتخطئ الصار بيها وكان من ضمن شروط الرجعة انو الحماية يكونون وياها خطوة بخطوة لان عمي صار مايثق بيها ..اخبار كرم اختفت وماكو اي شي او كلام عن موتة والغريب انو حتئ اهلة لاشتكو لا سئلو ..  منو اليكدر يسئل على هيج موضوع او يفتحة وياعمي ..

هشام بعد اشهر من الاحداث قرر يترك العراق نهائي وكان مقرر ياخذ حوراء وامة بس طبعا كان الرفض حليفة ورفض قاطع من عمو .. فقرر يترك العراق ويسافر وحدة ... هو خريج هندسة كهرباء .. سافر وقرر يدرس ماستر واسس شغلة واستقر خارج العراق .. دائما يتصل بأمة  ويطمئن عليها وعلى حوراء ويسئل عني بس ابد مايسأل على عمي قاطع عمي نهائي ...

قدملي عمي علئ نفس الجامعة الي بيها حوراء .. بالرغم كان معدلي يدخلني صيدلة او تحليلات وهندسة وطب اسنان حكومي بس هو اصر انو جامعة اهلية وطب 😫 .. وصار المفروض الاسبوع الجاي نداوم ...

ود .. اجيت لغرفة حوري .. دكيت الباب 🚪 ودخلت بعد مااجاني صوتها ياذن بالدخول .. شفتها واكفة بالبالكون بملابس نوم خفيفة شعرها مبعثر وتفاجئت من شفت بأيدها جگارة 😮...

ود ... وبشهكة وصرت مقابيلها حوري هاي شنو ..

حوراء .. تحجي بملل شنو شبيج ود؟
ود .. هاي شنو الجكارة شسوي بيدج حوري ادخنين من كل عقلج متخافين لايجي عمي فجئة ويشوفج ادخنين ..