أزر

البارت 3
أزر
بقلمي انا لارين العامري ...
اعتذر عن التاخير بسبب الضروف ياله نبلش نسرد روايتنا اتمنئ لكم قراءة ممتعة حبايب قلبي ..
............................................
بعد ماسمية راحت ويا كريم وادم وياابو بس بقئ يم عمتة سليمة عمتة مرأة ارملة وعدها بنت وحدة وهي اكبر من ادم بهواي سليمة كلش تحب ادم وتحب امة سمية وجانت دائما ادافع الها بس مسعود وضلمة كان اكبر من سليمة مكانت دائما تكدر توكف بوجه مسعود ....
سمية.... اخذني كريم لبيتة وعرفني على اطفاله فراس وجمانة فراس كان صف ثاني متوسط وجمانة جانت صف سادس ابتدائي يعني اصغر من ابني ادم بسنة ... كريم ابد ماضغط علية كان كلش خوش انسان .. حتئ اول يوم دخلت لبيتة مجبرني انو نكون بغرفة وحدة ... بوقتها گالي .... ( ام ادم عيوني اني اعرف حالتج ونفسيتج تعبانة بسبب الصار هذا البيت كلة كدامج وين مايعجبج نامي وهاي غرفتنا گدام غرفة الاولاد وعد مني ابنج بأقرب وقت ارجعة لحضنج ومايكون خاطرج الاطيب بس الي اريدة منج اديرين بالج على اطفالي هذولة يتامى ومكسورين خاطر على امهم واني بالنسبة الي كلشي ماريد منج حتئ الاكلة اذا ماتكدرين لاسويها) .... سمية .. شنو السالفة ابو فراس جهالك جهالي واخليهم بعيوني وربي يقدرني مااقصر وياهم واذا على الاكلة ف اني مااتعاجز من هذا الشي اشيلكم بعيوني وهذا موقفك اشيلة على راسي طول العمر مااجازيك حقك .... كريم ... الله يرضئ عليج طمنتي گلبي .. وهسة اتركج تاخذين راحتج اني لازم اكعد من وكت تعرفين شغلي والتزامي ... سمية .. اخذ راحتك ابو فراس تصبح على خير ... كريم ... وانتي من اهل الخير ...
سمية ... اول بداية كانو اطفال كريم مامتقبليني مستغربين مني اول يوم نمت يمهم وضليت على هل الوضعية تقريبا اكثر من شهر شوية تعودو علية بصراحة ماقصرت وياهم داريتهم واخاف عليهم مثل ابني ادم بس يبقئ فؤادي موجوع ونار تحرك بصدري على ابني ادم قلب ام بعد الله لايشوف وحدة الي شفتة بفراق ابني ادم الي جنت متحملة ضيم مسعود ومرتة علمودة ... ماانكر كريم جان كلش خوش انسان وضل يتردد على مسعود ويوسط ناس في سبيل يرجع ادم لحضني بس بدون فايدة الكل يعرف حقارة مسعود وجشعة وطمعة ... حتئ وصل الامر بگريم انو ينطي فلوس  حتئ يرجع ادم بس بدون فايدة ... الا اجة يوم من الايام كريم وكالي ... كريم .... سمية كل الحلول استخدمتها ويا مسعود بس بدون فايدة مابقئ غير اوكل محامي شاطر يتكفل بالموضوع وشكد متكلف مايهمني ... سمية ... شلون انضل بالمحاكم من ورئ مسعود هذا مسعود ماطول ميبس راسة مستعد كلشي يسوي في سبيل يحرمني من ادم ماتعرف انت خبث مسعود ..  ابو فراس اترك الموضوع انت سويت العليك واكثر ماقصرت يجي يوم ويرجعلي ابني ... كريم ... سمية ليش تبجين خلي نجرب هذا الشي بلكي نطلع بفايدة ونكدر نحصرة ولو هية الشغلة مو سهلة وخاصتا انتي هسة على ذمتي ... سمية اذا تريدين ااا..... سمية ... كريم لاتنطقها ابد لاتنطقها ماشفت منك غير الطيب واني فشلانة منك لان حتئ واجبي گ زوجة ماقايمة بي اتجاهك ... كريم ... سمية انتي تدرين هل الكلمة مو هينة بس اريد ارجع ابنج وانتي شاهد الله ماقصرتي لا ويا الجهال ولاالبيت ولاحتئ وياي اكلي وشربي وملابسي كلة على حسب الاصول .. تقرب منها اكثر وهاي اول مرة يسويها من ازوجو لاحد هل اللحضة حتئ كانو كل واحد ينام بغرفة ... تقرب الها ورفع ايدة وابهامة مسح دمعتها .. هاي دموعج غاليات علية مااقبل ينزلن ماتعرفين شنو معزتج بگلبي صارت اني يگفيني اشوفج گبالي بالبيت ... سمية ... اول مرة ومن سنين ماسامعة كلام مثل الكلام الي كالة كريم وشكد گبر بعيني وشكد احترمتة ماانكر احس بشعور حلو اتجاها وافتقدة من هو بالشغل  بس لان منطوية على نفسي كنت متجاهلة هذا الشعور بس بعد الي صار حسيت بشي حلو حسيت اكو الي سند بعد رب العالمين هو كريم ... كريم ..  ياله اليوم مانتغدة شو اني جوعان ... سمية ... بابتسامة يخسئ الجوع دقايق بين متغسل وتغير ملابسك الاكل يكون جاهز .....
****************************
فـي مكــاان اخـر ...

سليمة ... ادم ولك يمة وينك ... دام ... هاا عمة ... سليمة ... يبعد روح عمتك .. المدارس راح تبدي اليوم اخذك لسوك اشتريلك ملابس مدرسة وهم اخذلك كم قطعة ملابس بيت ... ادم ... لاعمة مااريد عندي ملابسي مال العام مايحتاج ... سليمة ... يايايا شبية تگرمت لو مات ابوك مشعول الصفحة حتئ اخليك تلبس ملابس العام وانت رحت للمتوسطة احلا ملابس اشتريلك ... ادم .. عمة اذا مسعود  هو الكال الج اخذي اشتريلة ملابس فـ اني كلشي مااريد منة بس خلي يجفيني شرة ... سليمة .... ههههه ههههه ولك يمصگوع تكول مسعود حاف عبالك اخوك الصغير ههههه لا لا اطمن مسعود لاكال ولاشي اني اخذك اشتريلك ممحتاجين مسعود ... أدم اذا هيج ماشي شوكت ماتريدين اروح لسوك اروح ... سليمة ... من رحت فدوة لهل العيون يول اني ليش هيج احبك ... أدم ... غير اني اخبل وتحبيني انتي تحبين الحلوين عميمتي الصاكة ... سليمة ... ههههه امشي يمنتوف لااجي اموتك ....
...................................

وتمر الايام ....

بدت المدارس وسمية بالها يم وحيدها الي مصبرها انو أدم يم عمتة سليمة وتعرف سليمة تحب ادم ... وجهزت هي وكريم فراس وجمانة ملابس مدرسة .. وطبعا كريم وكل محامي علمود يرجع ادم لأمة طبعا الشغلة مو سهلة كون الام على ذمة رجال ثاني فـ الاب احق بالحضانة ... وصل خبر لمسعود انو وكلو محامي حتئ تاخذ ادم منة ...

مسعود ... انوار اني طالع بشغل واتاخر ديري بالج على نفسج والجهال ... انوار ... وين رايح غير افتهم ... طبعا انوار صارت حامل بطفل الثالث ... مسعود ... كتلج عندي شغل اريد اكملة لااضلين تسئلين ... انوار ... ماشي ماشي هسة على شنو معصب صاير هل الفترة ماتتحاجة ...
بيت سليمة اخت مسعود قريب گلش على بيت اخوها  مسعود ... سليمة ... انوارو هيج اصيح لانوار انواروو ... لعد وين مسعود ماشايفتة من البارحة ... انوار ... والله طلع بشغل ... سليمة ... شغل شغليش ... انوار ...ماكال سئلتة عصب ويكلي لاتسئلين واتأخر يومين ثلاثة ... سليمة .... ياااا شنو من شغل هذا ... انوار... والله ياسليمة ماادري اخوج هل الايام ماينحزر مااعرف شبي وصفنة تجيبة وصفنة تودي مااعرف شورئ ... سليمة ... هههه خاف عاشك ويريد يزوج هههه ... انوار ... فال الله ولافالج بيش طالبتني والله احرك البيت على راسة ... سليمة ... على كيفج كاعد اتگشمر وياج جااا انتي مو اخذتي على مرة تقبليها على غيرج على نفسج ماتقبليها ... انوار ... سليمة انتي جاية تگببين النار بگلبي وتتونسين بية ترئ مالي خلكج اني ..  سليمة .. لا شكو مكببة النار بگلبج .. واذا على مسعود اول تالي نعرف شعندة .. خلي اكوم اروح للبيت عفت ادام وصابرين وحدهم ..مسك .. عمة عمة ... سليمة ... يروح عمتج ... مسك ... اروح وياج اشوف ادومي .. انوار ... اكعدي وسكتي وين تولين ...سليمة ... امشي مسوكة كدامي ..اسمعي انوار ابالج تحاولين تكطعين الخوان بيناتهم لاتعرفين شسوي ... امشي مسوكة حبيبتي امشي ....

ياترئ مسعود لشنو دا يخطط ؟؟؟
نعرف باقي الاحداث بالبارت القادم
فراشاتي لاتنسون التصويت+ تعليقاتكم الحلوة + متابعاتكم احبكم 😘

بقلمي انا لارين العامري