أزر

البارت 6
أزر🔞

بقلمي انا لارين العامري ✍️
بماانو مدااشوف اي تفاعل على الرواية راح اوقف نشرها ....
لاتبخلون اضغطو على 👈⭐
وتابعوا حسابي حتئ يوصللكم كل النشر ....
****************************
اتفق أدم وصديقة ورفيق دربة شهم انو يطلعون لبغداد حتئ يدورون على  شغل. صدك ماطولو اسبوع ضبطو امورهم وتوجهو لبغداد ... وأدم مايعرف شنو منتضرة وهل ياترئ راح يلكا شغل مناسب اله ... صدك وصلو وضلو  يسئلون ويدورن واخر شي وبعد تعب ويأس گدروا يلگون شغل بأحد المطاعم السياحية ابغداد  صح الشعل  متعب  وبأجر بسيط بس مارفضو لان كانو بس رايدين يشتغلون ... شغلهم كان فحامة على الاراگيل ... وكان شغلهم يبدي من الساعة 6 / العصر الى حد الساعة وحدة ليلا ... كانو متقسمين شفتات ... وبما انو كان شفتهم مسائي فكان لازم يباتون بمكان شغلهم وهذا كان احد شروط العمل ... مرت الايام وتأقلمو وتعودو على الشغل كل اسبوعين او ثلاث اسابيع ياخذون اجازة يومين بس على كد يشوفون اهلهم ويرجعون ومرات تصدف شهر كامل ....
أدم ... يتصل بعمتة ويطمنها علية ويحجي ويا مسك ... طبعا طلعت النتائج الوزارية وأدم نجح بمعدل عالي وشهم هم نجح بس معدلة اقل بشوية من أدم ... المهم نجحو....

أدم ... هذا المطعم تجي علية ناس اشكال الوان كلهم الناس الفايخة وسيارات فخمة وكلها گعدات ويحضرون امسياات ...
شهم .... أدم شيصير لو احنا من هاي الناس الطاگة لستار نگعد ويخدمونا بشنو هم احسن منا ؟؟
أدم ... كول الحمدلله والشكر احنا انريد ستر الحال مانريد انطگ لستار بعدين منو يكول طگتهم هاي من ورئ شنو ...
شهم ... يمعود قابل من ورئ شنو ناس الله مفضل عليهم وشغل توب مومثلي ومثلك خلك فحامة ...
أدم .. شهم اليوم شبيك هااا شو كلامك كلة متغير ... احنا بعدنا بشبابنة وحيلنا ونشتغل وناكل لگمتنة بتعب جبينا محد متفضل علينا ...
شهم .. قصدك ناكل فتافيت انت حاسب هاي اليومية التعبانة توكل خبزز هااا ناسي ورانا كلية وصرف يمعود شو خليني بضيمي دشوف واحدهم مايسوة درهم وسيارتة بالشيء الفلاني دشوفهم مو اصغر منا وبكدنا بس هو الحظ والقسمة ..

أدم ... اليوم وضع شهم حيل ماعاجبني هو حقة گضاها ضيم بضيم شوية اني ارحم منة من ناحية المادة عمتي ماقصرت علية بشي هو گضها عوز هم شاب وبنفسة هواي اشياء حتئ شغلة يجمعة ويدز نصة لاهلة ... صار وقت الشفت مالنا لبسنا الزي مالتنا واليوم المكان مزدحم خميسس وامسية واحنا ستة كوة انلحك اباوع على شهم يشتغل بدون نفس وجه مكلوب بعدة ضايج بهل الاثناء سمعت واحد من الزبائن يصيح ويغلط التفتت وشفت الزبون يصيح ويغلط على شهم شفت شهم سد قبضة ايدة وعروگة بانت كلت اتلاحك الموقف هو منا  ضايج وانوب يسوي عركة ونخسر حتئ شغلنا خليت الفحم على صفحة وركضت على شهم خليت ايد على اكتافة وهزيتة حتئ ينتبهلي ...

أدم .. اعتذر حبيبي احسبها علية اعتذر منك هو شوية لود داشوف وهو شوية صحتة اليوم موتمام ... شو هذا ضل مستمر يرزل ويجاوز على شهم .. گلك خلك عامل على شنو شايف روحك ... أدم ... شفت شهم صار يتنفس بسرعة وراد يتهجم علية سحبت شهم وخليتة وراية .. صديقي حبيبي اعتذرت منك وهسة ارگيلتك تكون جاهزة ماكو داعي هل العصبية ... بصراحة اني هم گوة لزمت اعصابي ... اجة الكابتن ... خير شباب شكو ... الزبون .. حاطين عامل اثول اجة يحركني بالفحم الاشوية ... الكابتن ... نعتذر حبيبي مصار شي ... انتبه الكابتن علينا .. واشر بعيونة معناتها انسحبو من المكان ...
وصاح لواحد من العمال يكمل اركيلة هذا الصگط ابن الصگط ...
أدم .. سحب شهم من ايدة ومشيت . واحنا نمشي ...
شهم ... ليش ماخليتني اكتلة واشفي غليلي .. أدم .. تكتلة باثناء دوامك وتنفصل ؟؟  شهم ... من دنعل ابو لابو حتئ دوامي راح انفصل من البرلمان شو احنا عمال ومحد محترمنا ... أدم ... يتحاسب يتحاسب لاتخاف ماافوتها اله ... هسة بيش الساعة ... شهم ... جاوبة بملل 12ونص ... أدم ... نص ساعة ويخلص شفتنا ويصير خير .... شهم ... شراح اسوي ... أدم .. بعدين تعرف شسوي ... كانو واگفين قرب طاولة تفصل بينهم شجرة لزينة والي گاعد على الطاولة سمع حديث أدم وشهم بالكامل صار عندة فضول يشوف اشكالهم .. كام والتاف وصارو مقابيلة .. انتبوهو عليه ثنينهم .. الرجال ... العفو وين الحمامات ... أدم ... منا على ايدك اليسرة ... الرجال .. شكرا حبيبي ...
أدم .. العفو بالخدمة ....