أزر

البارت(12) أزر

شلونكم حبايب گلبي ياله نكمل سرد رواية أزر
بقلمي انا لارين العامري ✍️
تنويه ...

مشكول الذمة الي ياخذ الرواية وينشرها باسمة او ينسبها اله حرام عليكم تاخذون تعب غيركم للبعض

ياله نكمل فراشاتي 🦋
-----------------------------------
-----------------------------------
ويمر الوقت ..🕢

أزر... جسور وين جايبنا؟

عابد ... الله الله دك ورگص ايوئ رووح ...

جسور .. امشي وين مثلا تريد اجيبك لحديقة عامة لو لحديقة الحيوانات ..

أزر .. جسور تعرف اني مااحب هيج مكانات ولااحب اجوائها ..
جسور .. شوية استرخي واستمتع ..
أزر .. هاا بس استمتع ..
جسور.. اي حبيبي ..
ازر .. خراا بشنو استمتع استغفر الله

جسور ...هسة لاطلع الطلعة من خشومنا ..

نهله .. صعبة والله مااكدر اخاف من هيج امور ..

هوازن... اشتغلي وانتي ساكتة خالج مطلوب الهم هواي اشتغلي وانتي ساكتة المثلنا مايحقلها تتعترض ماعدنا سند بي حظ يخلصنا من هل الضيم ..

نهلة.. اووف اورف ياربي شوكت اخلص. من هاي البهذلة ...

بدت اجواء السهرة والدك والرگص وناس ترگص وتاس تكيت وناس تشرب فرفشة بالنسبة للكل .. بس ازر مايحب هيج اجواء بس سكت لخاطر جسور وعابد وضل يتفرج بهدوء ورزانة ومشروبة المفضل كدامة .. ازر كلش طابع الاكابرية واضحة علية من غير الشكل والگاريزما كل تصرفاتة وبكل مكان بثگل ورزانة ..

تعالو خلي اوصفلكم شكل أزر ..( طويل القامة جسم رياضي مرتب  حنطي البشرة يحمل عيون جميلة تسحر گل من نظر الهم .. ثكيل رزن صارم عصبي مايرحم خصمة .. خطوطة الحمراء بعد عائلتة جسور وعابد ) ...
أزر .. بنات يرگصن من بين البنات لفتت انتباهي بنية مبينة صغيرة وجها حزين تركص وكأنها مجبورة .. بس كانت كلش جميلة اخذتني الصفنة عليها ماحسيت علئ نفسي غير جسور ضربني عگس ها ياوحش عجبتك البنية ..

أزر .. صحاني جسور من صفنتي.   هاا لا مو مسئلة عجبتني تعرفني بعيد عن هل الاشياء بس حسيت هل البنية مو طبيعية وكأنها مجبورة تركص ..

جسور .. اكيد مو طبيعية لان تلكاها مثگلة بابشرب  بعدين منو يجبرهن يمعود هن يدورن هيج مكانات ..

ازر .. لامحسيت هيج .. المهم هسة شوكت نمشي ترئ انسطرت من الصوت العالي والهوسة ..

جسور .. وينك يمعود توها بدت المتعة وغمز لـ ازر ..

أزر .. خلي ابالك جسور ماكو بنات وهل السوالف التعبانة ..

جسور..  ماشي ماشي ..

أزر .. سكتت مااريد اخرب ونستهم وهم مضغوطين بالشغل .. مااعرف ليش بقيت مركز وياالبنية الي تركص بدون نفس ..

هوازن .. نهله شفتي هذا ابو الاسود يمة يموت ماشال عينة منج .. نهلة لامشفت وشسويلة هو حاله حال الحضور يباوعون بعيونهم المالحة عبالك مشايفين نسوان كبرر ...