أزر

البارت (9) أزر 🔞🔞

أزر 🔞 بقلمي انا لارين العامري
حبايب يالة نكمل احداث روايتنا اتمنئ لكم وقت ممتع 🧚‍♀️🌺
...................................

أدم ... لازم اروح اشوف اهلي صار شهر مارايح وعمتي ومسوكة خبلوني خو عمتي بس ترزل كل مااتصل عليهم ...
شهـم .. اي حقهم ليش هيج تتأخر عليهم ...
أدم .. دياله الي يسمعك يكول كل اسبوع انت تروح لهلك ..
شهـم ..أووف ياادم اروح ششوف من اهلي أشوف اخوية الي بعمرة هسة ازوجو وخلفو وهو حاير بالعيشة يشتغل عمالة يوم اكو يوم ماكو لو اشوف امي المسكينة الي بعمرها كون هسة عمرة زيارة تسيارة مو مگضيتها تخبز لناس ... أكول أدم هم يجي يوم وامورنا تستعدل ويصير. عدنا فلوس واعوض امي وازوج اخوية واعوضة عن گلشي ...

أدم .. خلة ايدة على كتف شهـم كول ياالله راح تصير وتعوضهم ... واذكرك بهذا الشي .. بس انت لاتتشائم. ...
شهـم ...هه شوكت متكلي شوكت ..
أدم .. بدينا اول خطوة من مشوارنا دخلنا الكلية الي حلمنا بيها ...
شهـم ...والكلية تريد هواي مصاريف ياادم شلون راح تگضي ...

أدم.. راح اضربك بوكس اسوي بيك شرجي والله ...اكله اتفائل هو يتشائم اكثرر...شبيك ابني شبيك 😡..

شهـم .. سكتت وتفائلت بس لاتعصب .. بس صدك أدم شوكت تروح لأمك مو صار وكت روحتك الها ...

أدم ... فرك وجها بتعب تريد الصدك ياشهـم .. شهـم .. اااي ..

أدم .. خايف اروح اشوفها وخوفي بگد شوگي الها .. نفسي اشوف هذيج العيون الحلوة والملامح البيها كل الخير والطيب شوگي الها مااعرف شلون اوصفة وبگد شوگي الها ولحضنها حاقد علئ مسعود وحامد وانوار ... وربك راح يجي يوم ابجيهم دم بدال الدموع وابجيهم اضعاف دموعها ودموعي ...

شهـم ..اوف ياادم ياخوية هذا كلة شايلة بگلبك وتمشي متوازن مثل الجبل ..
أدم .. هذا اني من زمان اكتم بكلبي وادوس على الجرح وامشي ... المهم لازم نكمل اوراقنا ونسجل بالكلية ونضبط ويا صاحب المطعم بين دوام الكلية ودوام المطعم ...
شهـم ... اي ونشوف اهلنا ونكللهم بعد دوام كلية وشغل الجية راح نتأخر بيها .. وهم نشوف شنو نشتري ملابس خوما نروح للكلية بجلاجيلنا القديمات..

أدم ... ههههههه لخاطر الله شكد تتحسس انت ... ماشي ماشي نشوف شنو نشتري والك مني احلا سيت دوام ...

شهـم ... أيباااه بمناسبة شنو تشتريلي؟ ؟
أدم .. بدون مناسبة مو انت اخوي الماجبتة امي الا اگو مناسبة بعدين اني مجمع يوميتي لهيج يوم ..
شهـم .. لعد بماانو احنا اخوة لازم اني هم اشتريلك ...
أدم.. لا مااريد تشتريلي شي انت جنت ادز مصرف لهلك واني جنت اجمع لهذا اليوم ... شهـم ... انجب واسكت .. لازم اشتريلك زوج جواريب اوكف اوكف بس لاعبالك راح اشتريلك سيت ملابس لاحبيبي هن زوج جواريب وطقم واحد داخليات .. أدم وشهـم هههههههههههه ...
عبداللـه ... ها شباب شلونكم .. ان شاء الله دوم الضحكة .... شهـم و أدم هلا حبيبي عبود ... أدم ....حبيبي عابد تعال تعال اكعد عندي موضوع وياك ...
شهـم .. عابد شنو وين طيرت باقي اسم الولد..
أدم ... اي هو من اليوم اسمة عابد ... بس بالجنسية عـبداللـه ...
شهـم .. بس تدري عاشت ايدك والله عابد اسم خفيف ولطيف ...
عبـداللـه... هاهية عابد عابد شيكول اخوية ادم يصير ...
أدم ... حبيبي عابد اريد مستمسكاتك واريدك تروح للمدرسة مالتك اجيبلي وثيقتك وصور الك ...

عـابد ...ليش خوماكو شي؟ ؟
أدم .. لاماكو شي بس اريدهم حتئ اقدملك تمتحن سادس خارجي حتئ تدخل كلية ...
عابـد .. والفرحة مرسومة على وجها صدك أدم صدك تحجي يعني اكدر امتحن وادخل گلية مثلكم ..
أدم .. اي جـا ليش مايصير بس اشد حيلك وتنجح وتدخل ..
عابـد ... بس شلون راح ادبرها والسادس صعب شلون راح ادبرها ادرس وحدي ..
شهـم .. ومنو كال بوحدك احنا وين رحنا اني عن نفسي ادرسك فنية ورياضة 😜😁 .. الكل هههههه

ادم ... طاحضك مو بديت بداية حلوة شبيك صخمتها بالتالي ...  شوف حبيبي عابد .. اني وشهـم ندرسك ونساعدك والمواد الصعبة نخلي بيهن مدرس خصوصي ..

عابد .. بس ياخوية المدرس مو هم يريد فلوس ..
ادم .. اي انت مو تشتغل واحنا نساعدك .. لتشيل هم هاي السوالف سهلات ...
شهـم ..اكللكم اسمعوني ثنينهم اني السادس جد جدي حركة اني ماادرس احد اني انطيني بس الخصلك اني استاذ بالتلخيص ...

أدم .. اي شهم استاذ بالتلخيص يحذفلك الكتاب كله .... الكل هههههه...
شهـم .. كافي تشاقون خلي نحجي جديات كافي اسمعو ... اي عابد احنا وياك بس كون انت تصير سبع وتجتاز الامتحان من اول سنة ...
أدم ....بالضبط مثل ماكال شهـم هسة كام يسولف عدل ... عـابد .. ان شاءالله ..  وهاي وكفتكم ابد ماانساها وجميلكم علئ راسي للموت ...

أدم .. ماكو داعي لهذا الحجي احنا اخوتك والخوة مو بس حجي ...
شهم .. بمناسبة الخوة راح اضطر اشتري زوجين جواريب وزوجين طقم داخليات هاي شلون طلابة شنو هل العطلات ....
أدم ... هههههااي الله يطيح حضك ..
عابد.. مافهمت شسوي بيهن ...
شهـم .. مو اني وعدت ادم قبل ماتجي علئ الدوام اشتريلة زوج جواريب وطقم داخليات اجيت انت اضاعفن .. الكل هههههه.

عابد .. لعد لازم اروح لكربلا حتئ اجيب الاوراق والمستمسكات الكتلي عليهن. ...
أدم .. اي اني وشهم باجر نطلع للموصل هم نكمل اجراءات التسجيل ونشوف اهلنا ...

عابد ... بس اني اريدكم تجون وياي خاف رجل امي مايقبل ينطيني المستمسكات ...

شهم .. التفت علئ ادم هاهية باجر نطلع لگربلا اول وبعدين احنا الثلاثة نتوجه للموصل ... شتكول ادم ...

أدم ..هاهية متفقين ..
شهـم .. لان بصراحة مشتهي عركة صار هواي مامتعارك بلكي هذا رجل امك يعاند حتئ ابرد گلبي بي وافرغ كل الطاقة السلبية لان متوجهين علئ مرحلة جديدة ودوام وضغط فـ ماراح يصير عدنا فرصة لو مجال للعركات ... الكل هههههههه ...

لهنا ونختم البارت 9 نكمل باقي الاحداث بالبارتات القادمة حبايبي لاتنسون التصويت+ المتابعة+ تعليقاتكم الحلوة

تحياتي لكم انا لارين العامري