أزر

البارت( 10) أزر
كل عام وانتو بالف خير متابعيني الغوالي اتمنئ الكم سنة خير وسعادة ياله نودع عام 2024 ابارت من رواية أزر. ..  2024/12/31 الثلاثاء

اعرف مقصرة وياكم بس اوعدكم راح نكمل سرد روايتنا ... ياله نبلش ❤️
...........................
...........................
مشـهد
(في مكـان اخـر)
لاوخر مني لا كـافي حرام عليك كـااافي اااه اهئ اااهئ  وخر ياظالم .. أنت أب انت مو بشر انت وحش ااااه ااااه كافي ضرب كافي حرام عليك .. ولج يمة ولك هشااام الحكوني خلصوني من ايد هل الظالم ....
عـامر ... أشششش وحدة فاجرة قليلة ادب هاي تربيتي ومجازاتي ودلالي الج ...تروحين تنهزمين ويا واحد دايح ماعندة لااصل ولافصل وتنزلين راسي وتزوجينة من ورايا ولج انتي احركج وانتي عايشة قليله ولج شسوي بيج مايبرد گلبي على السويتي ساقطة بلا ترباية ..

حوراء .. ياله اكتلني شمنتظر وخلصني من هاي الحياة موتني وفضها مثل ما موتة  كدامي .. ابد ماانسئ السويتة بيه وابد مااسامحك ولاابريك الذمة انت لاابوية ولااعرفك .. 

عامر ... انطاها گفخة علئ وجها وكعها للكاع ....

ود .. اسمع صوت صريخ وبجي حوراء وصياح عمي عزة لكوها لحوراء وجابوها اني من الخوف مااكدر احرك رجلية احس اجمدت بمكاني عمي صح طيب وحنين علينة بس كلش مايتفاهم بهيج مواضيع تخص السمعة وتخص كلمتة عدنا ممنوع كلمة عمي تنثني وحوراء السوتة مو شوية .. قويت نفسي بألف ياعلي نزلت اشوف شنو دايصير ..  نزلت واشوف .. حوراء بالكاع وحالتها حالة والدماية تارسة وجها وعمي يضرب بيها بوحشية والحراس واكفين مايكدرون يدخلون او يسون شي اني هنا ماضل بية حيل زوجة عمي حابسها بالغرفة ادك بالباب وتصرخ تريد بس احد يفتح الباب حتئ تطلع لبنتها تنقذها من بين ادين عمي... بس ماكو احد احد يجرأ كدام عمي عامر ... بهل الاثناء دخل هشام ابن عمو عامر ... وحاول يدخل وينقذ اختة من ادين عمي وصار صياح بيناتهم وكلام قوي ..

هشام .. انت متكلي شنو من أب ماكو بگلبك رحمة احنا اولادك ليش هل القسوة ليششش؟ ؟

عامر... ااسكتت اختك نزلت راسنا بالطين وخلت سمعتنا على لسان اليسوة والمايسوة من ورئ واحد شرشوح ..

هشام .. هذا الي تكول علية شرشوح طالب صيدلة واخر سنة والمستقبل كله كدامة واجة تقدم كدام الله والناس الي محسبلهم حساب .. اكثر من مرة تقدم ورفضتة شيسويلك بعد ..

عامر ...اي رفضتة مو يجي ياخذها غصبا عني اني مممحد يكسررر كلمتيي ولااكبرر واحد ...

هشام ... بس هم يحبون بعض واهسة هو ازوجها شرعآ وقانونآ بعد كافي خليهم يعيشون حياتهم انت ماتهمك سعادتنا ..

عامر ...واني الف مرة كلتلكم الحب تشيلو من قاموس حياتكم ابيت عامر صادق ماكو شي اسمة حب ..  وخلاص هل الموضوع انسد وانقفل..

هشام ...شنو تقصد انسد وانقفل بيناتهم عقد سيد ومحكمة ...

حوراء .. بشهكات متگطعة سدة هو نهئ حياة كرم نهاها ياالله يالله اموت من قهري وجع گلبي يااالله اااه ..

هشام ... بصدمة ش شن شنوو يعني نهاها؟ ؟

عامر ..  وبكل برود اي اختك صارت ارملة كرم .. هذا مصير كل واحد يوكف بوجهي ويحاول يگسر گلمتي ...

هشـام... قتلت كرم يابة قتلت روح نهيت حياة انسان وانت مهمتك تنقذ ارواح الناس قتلت انسان بس لان حب بنتك ورادها بالحلال راد يعيش. وياالانسانة الي گلبة اختارها بس لان هذا ذنبة تنهي حياتة انت مستحيل تكون أب مستحيل تكون انسان انت انـ ااانت وحش وحششش ...

حوواء ... ااااه اني داانزف لالالا ابني لالا .. ماما هشام فدوة انقذ ابني ااااهئ اااهئ فدوة ابني لالا ..

عامر.. شنو انتي حامل من هذاك القذر .. صرخ بصوت رج المكان .. سليمممم ..

سليم.. نعم دكتور! !
عامر ..  بسرعة اتصل بدكتورة حياة واشرح الحاله وكللها عدنا عملية اجهاض ..

سليم.. امرك دكتور ..

هشام .. مستحيل اخليك تتقرب لأختي هسة اتصل على الشرطة سحب تلفونة ..

عامر .. بنظرة وحدة لحراسة تهجمو على هشام واخذو التلفون منة واخذوا وطلعو وهو يصيح عليهم  ويتهدد وتواعد بأبو ..

ود .. كل هذا الصار كدامي واني جامدة بمكاني بس دموعي تنزل من هول الموقف ماحسيت غير صوت عمي رج المكان. ...  عامر .. ود ..
ود .. فززني من صفنتي .. ن نعم عمو ..
عامر .. اصعدي لغرفتج ولاتنزلين كملي دروسج ..

ود .. صـ صار عمو استاذن ..
صراخ حوراء ماتوقف وهي تريد احد يساعدها وينقذها من عمي وانوب طلعت حامل شنو مصيرها اني الخوف قتلني خلاني مااعرف شلون افكر مابيدي شي اسوي حتئ اساعد حوراء ...

(تعالو اعرفكم عليه .. اني ود بنت اخو دكتور عامر اني طالبة سادس علمي .. بابا اتوفئ من سنتين بظروف غامضة بالنسبة الي...  حادث سيارة واحتركت السيارة بي جانت صدمة حياتي لان كلش جنت متعلقة بابوية .. ماما دخلت حالة اگتأب ونهيار عصبي بيوم من الايام كعدت من النوم مالكيت امي بالبيت مااعرف بيها وين راحت ... عمو عامر دكتور جراح كبير .. هو اخذني يمة واعتنئ بيه وكالي بوقتها انو هو هواي دور على امي بعدين عرف انو ماما سافرت خارج العراق لأخوها الوحيد وماتريد تعرف عني اي شي يعني ماما الاخرئ هم تركتني واني بامس الحاجة الها احتضني عمي عامر صراحة مافرقني من اولادة اعتنئ بية وكلشي قدملي وكلش يحبني ومهتم بكلشي يخصني بصراحة عوضني  فقدان الاب والام .... بالنسبة لامي حقدت عليها لان تركتني وراحت .. طول عمري جنت اشوف عمي طيب والاب المثالي لأولادة اول مرة اشوفة اليوم بهاي الحالة والقسوة بسبب حوراء .. مااعرف حوراء ليش هيج اتصرفت وطلعت عن طوع عمي حتئ لو حبتة ماالمفروض هيج تصرف اختفت بيوم وليلة هي وكرم صار شهرين عمي كلب الدنيا عليهم كلش تعبة تصرف حوراء واليوم لكاها وجابها الصدمة انو حوراء حامل والصدمة الاكبر انو قتل كرم اني ابد مااصدك انو عمي يقتل مستحيل هو انسان كلش طيب ودكتور وسمعتة واصلة لأخر الدنيا ياربي حوراء شنو راح يصير بيها ااوف ياحوراء شسويتي بنفسج ..

لهنا ويخلص البارت نتعرف على احداث اكثر تشويق بالبارتات القادمة
لاتنسون التصويت +المتابعة + تعليقاتكم الحلوة .. احبكم فراشاتي
بقلمي انا رلارين العامري ✍️