إذا هجرت فمن لي؟
ومن يُجمل كُلي؟
ومن ليروحي وراحتي
يا اكثري واقلي
احبك البعض مني
ولقد ذهبت بكُلي
ياكُل كُلي فكن لي
إن لم تكن لي فملي؟
.
.
# الغَيم الاسود
الكاتبة : زهراء محمد
__________________________________
كعدت الصبح من النوم بتعب بعد الي صار البارحة
كُلش تأذيت،
حياة : غيمم كعدتي لو بعدج؟
غيم : گاعدة يوم گاعدة
صليت الصبح وطلعت من الغرفة كل العادة امي تريك أبوية وبيبيتي كاعدة تتريك،
حياة : يلا ماما گعدي تريكي وريگي اخوج وياج حبيبة
غيم : من عيوني يوم، علي الاكبر حبيبي تعال اوكلك
كعدت اريگ اخوية، وانا مالي نفس اكُل كلش
حياة : حبيبة ليش مدا تاكلين
غيم : ما أشتهي يوم
ام رضا : خليهة خليهة ، تاليتج تصيرين عودة ومحد ياخذج ضلي
بتسمت واردفت: حجية هسة انا گاعدة ع گلبج عوفيني شتردين مني!!
ام رضا : احسن اتضلين هيج ومحد ياخذج اكلي شوية حتى تصير بيج عافية
غيم : اي احسن ما اريد واحد ياخذني اريد اضل گاعدة ع كلبج
__ مال الغسل اي والله انا احچي ع مودج
__ شبيج حجية تعاركين من الصبح انا كذا مرة كتلج عاجبني شكلي هيج، ها حبيبي علي شبعت؟
علي الاكبر : اي
دخلت للغرفة وبدلت ملابس المدرسة وطلعت،
وانا دا البس بحذائي حاجيت امي
وگلت : يوم إذا الثلاجة وسخة نضفيهة اليوم راح اجيب مصلحين ياخذوها
حياة : ولج شلون بيج تردين تموتيني انتِ؟
رضا : ححياة ععوفيهة تجيب عمال اححسن اتضلون ببدوون مي بارد؟
ابتسمت واردفت وانا اباوع الامي : باباتي حبيبي بس انتَ تفتهم علية اروحلك فدوة لا مو فدوة سبع فدواتت
بعدة بستة براسة ، واردف أبوية : ححبيبتي ب بابا الله لا يحرمني منج ر رويحتي
حياة : يلا روحي للدوام تأخرتي
طلعت وانا مشأمة مثل كُل مرة لأن حارة وشمس سمطتني سمط، بعد معاناة دخلت للمدرسة وتوجهت للصف كعدت ع الرحلة
غيم : صباح الخير حبيبة
جوري : صباح النور حبيبتي ، هلا بيج اكلج غيم اول درس شنو عدنة؟
__ شنو عدنة؟
__ ولج انا دا اسألج شنو عدنة
__ ولج شمدريني تسأليني انا؟
__هم صدك أنتِ شكول واحد يسألج
__ وليش يمة شبية؟
__انتِ ماتدرين بالدنيا شبيها مابيها
__شبيها؟
__ ما بيها شي سلامتج.
أنت تقرأ
الغيم الاسود
Mystery / Thrillerفتاة ذات الشعر الاشقر والعيون الزرقاء صاحبة القلب القوي ، الذي عانت لتعيش حياةً سعيدة مع عائلتها لكن القدر كان لهُ رأيً اخر ....
