الغيم الاسود

البارت الثالث

يا عابراً في الروحِ ليتكَ تهتدي
سُبُلَ المجئِ إلى الفؤادِ لتسكنا
حسبي بأني القاكَ لستَ مُعتباً
مازال في الاحلام مُتسع لنا
مازلتُ اتبعُ ضّل طيفكَ في المدى
وامدُّ شوقي كي يعودَ لي الهنا
جُدْ بالحنانَ فأن كُلي وهنٌ
ارضيتَ أن افنى بحِّبك واهنا؟!
.
.
#الغيم الاسود
الكاتبة: زهراء محمد
_________________________________

بعد تفكير طويل ضليت ادرس لساعات وماحسيت بالوقت
المعادلة الي ماعرفها اعوفها ، ولي اعرفها احلها وهكذا بقيت ادرس واحفظ وأخذ دقائق إغفى بيهم
وأكعد اكمل وما احس إلى الساعة بالخمسة، شنوو!! عزا بالخمسة الصبحح يما فاتتني الصلاة !!
وماحسيت بالوقت ، بسرعة كمت توضيت وصليت عن لا تصير قضى، وبعدها طلعت من الغرفة ميتة جوع رحت للمطبخ لكيت كاسة روبة وأخذت خبز
وكعدت اكل شوية ودخلت امي علية

حياة: صباح الخير غيمتي
غيم : صباح النور حبيبة
__انتِ من البارحة مانايمة؟
__اي
__ ليش يمة مانمتيلج ساعة هسة شلون تركزين بالامتحان وأنتِ مانايمة؟
__ إذا نمت ما الحك اكمل المادة،
__ وشلون هسة تركزين بالامتحان ؟
__ اركز اركز حبيبة لاتخافين
__ اوف منج اوف لو اعرف عليمن طالعة هيج عنيدة جان رتاحيت

وبعدها طلعت امي من المطبخ كملت اكل، وطلعت توجهت للغرفة وبقيت ادرس، لحد ما صارت الساعة بالسبعة گمت اخذت ملابس المدرسة من الكنتور ودخلت للحمام ، سبحت وخلصت مشطت شعري على المراية شعري حيل طويل بحيث اتعب لحد ما اضفرة وانا دا امشط شفت الصورة على الميز واخذتها وكلت

هسة لو أنتِ موجودة وياية صار وياية هيج؟
شيصير لو ما ابتعدتي وبقينة حبايب؟
شيصير لو كملنا دراسة سوى وأنتِ صيدلانية وانا مهندسة؟ مو جان هذا حلمج ليش رحتي وعفتي احلامج وراج وخليتيني لوحدي مافكرتي شيصير بية لو ابتعدتي؟

ضليت ابجي ودموع على خدي بعدها خليت الصورة بالمجر مسحت ادموعي وطلعت لكيت أبوية كاعد بالصالة وبيبيتي كاعدة بصفة

غيم : صباح الخير،
ام رضا: صباح النور حبيبة
رضا : ص صباح ال الورد ح حبيبتي
حياة: يلا ماما كعدي تريكي وريكي اخوج
غيم : علاوي حبيبي تعال اوكلك

هز رأسه علي الاكبر ب "لا" يعني مايريد
غيم : شنو هوا بكيفك ماتريد

كمت شلتة وكعدتة بحضني بقيت اسولف ويا
والهي حتى ياكل لحد ما كمل اكل گمت اخذت جنطتي اريد اطلع وصاحت امي

__حبيبة ليش ماكليتي؟
__اكلت قبلكم شنو مو جنتي واكفة وانا اكل؟
__يما بس ما اكلتي زين؟ خاف تتخربطين هناك
__لا يما شبعت الحمدلله
__ حبيبة خلي اسويلج لفة وبطريق اكليها، حتى تركزين بالامتحان
__امري الا الله

رگضت امي للمطبخ تسوي لفة، انا شبعانة بس امي تلح علية واشوفها خايفة علية عن لايصير بية شي
لذلك ما ارفض طلبها
حياة: هاج يمة اكلي زين وديري بالج على نفسج
لاتحاجين أحد ولا تتقربين من شخص ماتعرفي.....