الغيم الاسود

البارت الرابع

"ولقد عُفوت عنِ المُسيءِ، لأنّني
بالرغمِ مِن عُمقِ الأسى، لا أحُقد
لكنّ ايامَ الودادِ قد انتهتْ!
فينا، وبعضُ الودِّ لايتجّددُ"
.
.
#الغيم الاسود
الكاتبة: زهراء محمد
____________________________________

اسماء : اجيتي والله جابج
غيم : سألي وفضين
_صراحة لو جرأة؟
_مدري شلون اردفت وكلت : جرأة
_ متأكدة
_بلي
_ يعني اي طلب اطلبة تنفذين؟
_ بلي
_امممم، يلا فتحي هذا الكنتور الي صارلة سنين مسدود خلي نشوف شنو بي؟

هية نطقت كلماتها الاخيرة، وانا احس نار صارت على قلبي
ضليت صافنة عليها، واحس النار تطلع من عيوني شلون تجيب طاري
هذا الكنتور على لسانها، ما احس غير رقية ندستني وكالت
_غيم وين شردتي؟
هية ندستني وانا گبيت بوجه اسماء واردفت
_ولجج حقيرة شلون تجيبين طاري هذا الكنتور
على السانج ولج والخلقج اكضج انعنع ضلوعج إذا تجيبين طارية حقيرةة
_ما غيرج الحقيرة ادبسس، مو كلتي طلبي وانا انفذ يلا غصباً ماعليج تفتحي يلا فتحي
اردفت وكلت بصوت هادء : لو تموتين لو
اشوفج على فراش الموت تحلمين تشوفين شنو بداخلة هيج اخلي غصة بكلبج وما اكلج.
_ هسة تأكدت شنو بداخلة بعد هذا كلامج
الله اليعلم شحاطة بي من رسائل
_ولج حقيرة انا اشرف منج ومن ابوج هذي سوالفج وعبالج الناس كلها مثلج يا ادبسس
_ما غيرج الادبسزز بعد بت رضا أنتِ شلون طالعين
هوا ابوج سافل أنتِ شني

هية كالت هيج ماتحملت كمت عليها جريتها من كصيبتها ولفيت كصيبتها على ايدي، وكلت
_هسة اعلمج بنت السافل شتسوي
_ولج جلبة عوفيني
_تردين اعوفج والخلقج ما اعوفج وأنتِ مو مكسرة
انا سحلتها سحل كضذيتها عليها راجديات خليت وجها احمر، رقية اتجر بية ورد تريد تجر اسماء من عندي وانا مدري منين جايبة هذي القوى خليتها بس تناشغ فاطمة ركضت صاحت العمامي اجو شافوني اكتل بيها
_ولج حقيرة اعلمج بنت السافل منو وشنو تسوي
_عوفيني الله يخليج شعري تكطع
_ ازينج گرعة مو بس اكطعا
بعدين اجو عمامي وابوها اخذها مني وعمو ياسر يجر بية وانا ماكو حتى شراميخ شرمختها
_ولك عمو عوفني خلي اكطعهااااا
_ولج غيم كافي موتيها للبنية انجلبتي شبيج؟
_ ولك انا أهذي الكلبة تكلي بنت السافل
_ميخالف بوية بس عوفيها شبيج
جرني عمي من خصري حيل وعفتها
ياسر: طركاعة الفتج منين جايبة هذي القوى
مرت مراد: ولج حقيرة شسويتي بالبنية الجلبة المستجرلة ام الشوارع انا اعلمج إذا اهلج مامربيج انا على أيدي اربيج
غيم : ههههه ، تربيتي ؟ربي بنتج ام الولد اول ، ولج لظفر اصبعي ماتوصلين لا انتِ ولا عائلتج
_دتسمعها مراد شبيك واكف اكتلها
_ههههه يكتلني ؟ خلي يمد ايدة علية إذا ما اكسرها آلة
_ولج بنت السافل من تكسر ايدي تماديتلج ترى منو بلا؟
_انا اكسرها
_ايا بنت المطي حقج إذا رضا مربيج شطلعين ادبسس وبنت شوارع مثل امج
_ خسي،توصل لظفر اصبع امي ياحقير ماغير مرتك وبناتك امهات شوارع
حياة : ولج غيم كافي شبيججج
_ ما اسكت ماتشوفينهم شلون يحجون
رضا: م مراد أخذ ع عائلتك و وروح
بعد عركة كلش طويلة عمامي وعوائلهم راحو، بقى عمو ياسر كاعد يم بيبي ويسولفون هوا وأبوية
وبيبي
وانا دخلت للغرفة اخذت ملابس ودخلت اسبح
سبحت وخلصت وطلعت بالصالة امي بالمطبخ وبيبي نايمة على القنفة مثل كل مرة تغفى عليها
وأبوية نايم بالغرفة وبس عمو ياسر كاعد بالصالة شافني وأشر علية اجي يمة
_تعالي بوية تعالي سولفيلي شصاير شلون تعاركتي أنتِ وهذي الحية
_ چنة نلعب وكلتلي بنت السافل وماتحملت وكتلتها
_عفية عليج انا من زمان حاركة كلبي وماتحترمني بس ما أكدر ارفع ايدي واضربها
_وليش بلا
_لان انا مو ثوبي ارفع ايدي على مرة
_بس هاي هم تعتبرها على النسون؟
_ مهما يكون تبقى مرة، تردين اضفرلج مثل وأنتِ صغيرة؟
_ياريت والله
كعد على القنفة واني كاعدة بالارض حتى يضفري
انا وصغيرة محد مهتم بية بس عمو ياسر جانت امي فقيرة وماتحجي وكارباتها نسوان عمي على شغل البيت وأبوية مُدرس رياضيات وملتهي يصحح اوراق ، مانكر انُ أبوية مدللني قبل وشنو اطلب يجيبة يحبني حب مستحيل اب يحب بنت هيج لو اطلب شغلة من اخر دولة بالعالم ايجيبها،
اي اي اعرف هسة تكولون راح أبالغ بس هذي هي الحقيقة، وهسة راح اثبتلكم بموقف من أبوية مستحيل انساا،