الغيم الاسود

البارت التاسع

تراهُ يدري بأن القلبَ مسكنهُ ؟
ولستُ ابصرُ بالعينينِ الا هو
القلبُ يسألُ عيني حينَ اذكرهُ
ياعينُ قولي متى باللَّه نلقاهُ ؟
ياعين قولي لنا : هل باتَ يذكرنا ؟
وهل ستخبر عن احزانهُ الاهُ
إن كان غاب الانٌ الحزن مسكنهُ
ياليتني الحزن كي أحظى بسكناهُ .....
.
.
#الغيم الاسود
الكاتبة : زهراء محمد
_________________________________

" جوري"
والله يا الله شبيها الوادم فريت ايدي وتوجهت الغرفتي
صليت صلاة الليل ونمت، كعدت ثاني يوم توضيت وصليت وطلعت
كعدنة نتريك واردفت عمة ايلول

ايلول : بنات شنو رأيكم انروح للسوك اليوم انا هوايّ عندي نواقص اريد اشتري منو تروح ويايَّ

ميعاد : اي خية حتى انا اريد اشتري للمطبخ صحون هذن صارن قديمات

اسيل : حتى انا اخذوني وياكم خلي نتونس
دارت عليَّ امي ايلول واردفت
_ ها جوجو ما تردين تروحين ويانة؟
_ لا ما اروح
_ليش امشي تونسي واشتري
_مامحتاجة شي مااريد اشتري
_ الخاطري ماماتي امشي ويايَّ
ميعاد : ختولي كاعدة تتوسلين بيها ولا تروح شني يعني؟
ايلول : ما عليج أنتِ ميعاد انا وبنتي نسولف لادخلين روحج ، ها جوجو ترحين؟
_تمام اروح
كملنا اكل ولملمت المواعين وغسلتهم ورتبت المطبخ
وصعدت الغرفتي ، لبست فستان ابيض وبي ورد ناعم احمر منتشر على
كُل الفستان وحزام بالوسط ، هذا الفستان كلش احبة لأن هوا مالت أمي
اخر شي بقى منها ذكرى، ولبست حجاب وانا من النوع ما احط شي على وجهي حتى مكياج ما اخلي لأن ما احبة
دخلت عليَّ حنين بت عمي
حنين : ولج شنو هل جمال جويرييي
جوري: اهو شلون بالمعجبين انا؟
حنين : انجبي انجبي ، عزااااا ولج شنو هاييي
فتحت عيونها على وسعهم وخلت أيدها على حلكها
جوري : شنو حنين شبيج ترى مامسوية شي انا والله
حنين : ولج ليش ما حاطة مكياج طالعة شفتج بيضة؟
جوري : كبر حتى كبر خرشتيني عبالي مسوية شي، وبعدين تعرفين انا ما احب هذي السوالف ما احط
حنين : لااا اشو اليوم إلا تحطين تردين طلعين ويانة وشفتج بيضة تردين تفشلينا
جوري : انجبي ما احط وخري
جرتني من ايدي ودخلتني الغرفتها وغصب عني حطتلي ومعارك انا وياها يلا قبلت اخلي بس حمرة خفيفة ومورد خدود وكلما اشوف نفسي بالمراية اكلهاا خففي ما اريد هوايَّ
بعدها طلعنا كل احنة صعدنا بالسيارة ميعاد وأسيل وحنين وامي ايلول وانا
وأخذنا عمي محمد دخلنا بسوك شعبي ذبنا وراح للشغل مالتة
وكال خابرو مسلم يجي عليكم ضلينا نفتر بالسلوك ونشتري
وامي ايلول ما خلت شي ماشترتة وتشتري الي بدون ما اكللها
درت وجهي وشفت واحد يبيع ازبري وجنت كلش عطشانة
لأن جانت حارة والشمس تحمس حمس
جوري : ماما عادي اروح اشتري من هذا الازبري كلش عطشانة
ايلول : اي ماما روحي وهمات جيبيلي واحد
حنين : اخذيني وياج
جوري : يلا امشي
تمشينا انا وحنين عبر الشارع وانشوف دورية مالت شرطة نزلت ونزلوو
هوايَّ ضباط منها وانا وحنين تمشينا بسرعة حتى نوصل الابو الازبري
دانشتري من ابو الازبري وكرصتني حنين وكالت
حنين : ولج شوفي ذاك الضابط يموت
جوري : انجبي ما اشوف
حنين : ولج كبر باعي شوفي جمالة ضخامتة سحلتني وسحلت اهلي
جوري : كبر ماتستحين أنتِ امشي يلا امشي
تمشينة
انا وحنين وجان يوكع القبق مالت الازبري مالتي وانا دا امشي
بص الشارع نزلت دا اجيب القبق واندعمت بواحد ولزبري وكع عليَّ وعلى الولد
بدون ما اباوع عليه انكث بفستاني وكلت
جوري : و عمة حتى عمة شبيها الوادم عمياان ماتشوف
وحنين تكرص بيَّ تريدني اباوع وانا ملتهية بالفستان
حنين : ولج باوعي فضحتيناا
رفعت راسي وشفتة ويالتني ماشفت ردت اموت بكاعي من الخوف
اشوف ضابط الي كالت عليه حنين قبل شويَّ واكف وهم مثلي ملابسة كلها ازبري
جوري : احم ا انا ااسفة م مكان قصدي
ياسر : بعديش بعد ما عميتيني وسختي ملابسي
جوري : ترى انتَ الدعمت بيَّ مو انا وكتلك مكان قصدي
ياسر : انا الدعمت بيج انا ؟ مو انا جنت واكف وانتَ مثل الرفاهية تمشين ودعمتي بيَّ؟
جوري : انا مثل الفاهية والله ماتستحي انتَ على شنو شايف نفسك هاا؟
حنين : ولج سكتيي فضحتينااا ، احمم خوية امسحها بوجهنا ميخالف
جوري : لا بلا خلي يحجي عليمن شايف نفسة؟
ياسر : يلا بوية أخذي اختج وروحي منا