الغيم الاسود

البارت العاشر

فليتك تحلُ والحياةُ مريرةً
وليتك تُرضى والإنام غضابُ
وياليت الذي بيني وبينُك عامرً
وبيني وبينَ العامرينَ خرابُ !

أهنا يالدارت ايامک وبيناک
ابعدك عني شتبيلنک؟ " وبيناک
اياليت الذي بيني وبينُك عامرً
والخراب ويّ البقية !.
.
.
# الغيم الاسود
الكاتبة : زهراء محمد
________________________________
"غيم"
بعد وفاة امي رجعنا للبيت ، بس هل مرة رجعت الوحدي،
لا ام لا اب ولا احد يحتويني اباوع لكُل زوايا البيت فارغة،
البيت صنتة لا صوت امي لا ابويَّ ، دخلت لغرفة اهلي گعدت اگلب بالصور وابچي ، دخل عليَّ عمي

_ غيم بوية فدوة أروحلج كافي بچي
_عمو والله ما أكدر مو بيدي مدا استوعب الي ديصير ماكدر ماكدرررررر
_ميخالف تحملي هذا الكاتبة ربچ شتسوين بعد
وبعدين انا يمج مراح اعوفج ، راح تجين ويايَّ
_وين اجي ؟
_تعيشين ويايَّ بيت عمامج ، اخذج أنتِ وامي وعلي الأكبر
_انتَ صدك تحچي ؟ لو اموت ذاك البيت ما اوصلة
_ليش بلا ؟ يعني تبقين هنا وحدج مُسحيل ابقيج وحدج بالبيت
_تعرف كُلش زين انا ما اگبلهم عمامي ، وثاني شي مُستحيل اطلع من بيت اهلي لو تنطبگ السمة ع الأرض ما اطلع من البيت
_ وشنو الحل برأيج ابقيج هنا مثلاً؟
_بالنسبة الي ما عندي مُشكلة ابقى هنا شنو علينة انا وبيبي وعلي نبقى بالبيت واذا انتَ تريد جيب غراضك وگعد ويانة
_ تحجين صدك هوا هذا هم حل برأيج؟ وبعدين انا عندي دوام يعني انزل للدوام أكثر شي سبوعين ابقى هناك تبقون الوحدكم بالبيت؟
_اي عادي شعلينة واذا بقينة وحدنا ماعلينة شي ورجاءً عمو الموضوع لا تفتحة ويايّ مرة ثانية لان انا من البيت ما اطلع مُستحيل
_هذا اخر كلام عندچ؟
_اخر كلام
_ يصير خير

طلع عمي من الغرفة ، وبعد اسبوع اجة عمي سكن يمنة
لأن أنا قافلة لبيت عمامي ما اوصل ، وما ادخل الهم ،
حاول عمي ويايّ بكُل الطرق يخليني اروح بس ماقبلت اخر شئ استسلم واجة هوا سكن يمنا
وعمامي الباقين بالچذب ما اجوي ولا سألو عنة

ولا حتى على بيبي ، شكد ناس ماتستحي ولا عدهم ذوق ولا اخلاق،
ناس حقودين ماتهمهم غير مصالهم ، وأموالهم

ومر اسبوع ثاني واحنا على هذا الحال ، وانا دا افكر شلون ارجع اشتغل وعمي ما يحس بية؟
لأن انا متعودة اشتغل ، متعودة ع التعب ما اعرف اكعد بالبيت ، ف قررت ارجع اشتغل وافاتح عمي بالموضوع

كنت بالمطبخ دا اسوي غدة ، ودخل عليَّ عمي
ياسر: شلونها الحلوة اليوم؟
ابتسمت واردفت : زينة
ياسر : شدسوين ؟ مو كتلج راح اجيب من المطعم
غيم : ليش تجيب من المطعم وانا موجودة؟
ياسر : يعني تعرفين اطبخين؟
غيم : اي اعرف شنو يرادلة ، امي علمتني اطبخ مركة فاصوليا وتمن ابيض
ياسر : والله عمي خوش ، طلعتي تعرفين وانا صارلي اسبوعين اجيب من المطعم وعبالي ماتعرفين!
غيم : لا اعرف بس كنت مالي واهس ادخل للمطبخ لذلك ماطبخت ، ولعلمك هم اعرف اطبخ معكرونة هم
ياسر : والله عمي معدلة بنيتي، بس كون ما تسممينا اليوم
غيم : لااا ليش اسممكم والله شوف شلون راح يطلع طيب ،
احجي بكُل ثقة وانا ولا مرة طابخة بس صدك امي علمتني اطبخ بس ولا مرة جربت ، هذي اول مرة اطبخ