الغيم الاسود

البارت الخامس

هل يا تُرى؟
_لو كُنت انسى ما جرى!
_يحتاج مني كُرهكم
_ قلباً قوياً ثائراً مُتمردا
والدنيا ضاگت والنفس باقي
على گد الحسرة .
فرحان داويت الغُصن ثاري المرض بالشجرة!
وشفتوا روحَي تگطعت! ومتاني حبكم گطرة
حنيت گمت اكتب شعر ، ديوان كامل بس غزل!
كملتة ونطيتة الشخص لا يكتب ولا يقرة ......

.
.
# الغيم الاسود
الكاتبة: زهراء محمد
___________________________________

"جوري"
صارت الساعة ب7 بالليل ، گمت توضيت وصليت صلات المُغرب ، توني دا اشيل بالمصلاية دخلت
علية اسيل بنت عمي سمير

اسيل : شنوو عيني مانوية تنزلين تساعدينة لو حاليتلج الگعدة واحنة انخدمج؟

جوري: شسالفة اسيل يمتة خادمتني أنتِ وبعدين چنت دا اصلي كلت اكمل وانزل

اسيل: انهجم بيتج الديانة تنگطط

طلعت وسدت الباب حيل وراها، يا هاي شبيها كبر
انا ماعندي اللسان
مثلهن وارادد بيهم، هنة السانهن طويل بنات عمي ولا وحدة بيهم اتحبني بس
حنين بنت عمي محمد تگعد وتسولف وياية وصديقتي المُقربة
وبنات عمي لا دين ولا ديانة حتى صلاة مايصلن ولا ملتزمات
بس حنين انا علمتها تصلي لأن أصلاً ماتعرف!!
المهم نزلت وعساني ما نازلة، دخلت للمطبخ

سليمة شافتني دارت عيونها ماعاجبها ، سويت نفسي ما شفتها

ايلول : ماما جوري سوي زلاطة
جوري: تمام

اخذت خيار وطماطة وخس وليمون ولهانا وبصل
وگعدت بالارض اثرم
خلصتها وفرشنا السفرة وحطينا الاكل وكعدنا

محمد: مسلم شلونة الشغل اليوم؟
مسلم : ماشي الحمدلله
محمد: الحمد لله
مسلم: اكلك بابا جماعة حسين حاسبوك ؟
محمد : يا حسين؟
مسلم : جماعة حسين الي أخذوا 50 سيت مي لشارع*****
محمد : لا ماحاسبوني يمتة أخذوا مادري
مسلم : يبا شلون ماتدري غير انتَ نطيتهم؟
محمد : ماشفتهم ولا نطيتهم انا
مسلم : شلون بابا هما كالوو انطانا ابوك وحاسبنا
محمد: شداتحجي انتَ دا أكلك ما نطيتهم ولا حاسبوني
مسلم: الا يا كلاب باگونااا،

بقوا يتناقشون بالكلام ، اتفقوا راح يدورون على حسين ويلزمو
كملت أكل وگمت اريد اصعد فوگ ادرس

ميعاد : وين وين
جوري : رايحة ادرس عمة
ميعاد : تعالي غسلي مُاعين وروحي درسي
_ بس اليوم مو يومي عمة انا امس غسلتهم اليوم اسيل عليها المُاعين
_ ميخالف بنتي تريد تدرس غسليهم شنو ناقصج ايد رجل
_ بس ع....
_ ماكو بس، كتلج غسليهمممم

ما گدرت اجادلها لأن عمي كاعد خاف يأخذ عني نظرة محلوة ، واصلا اسيل ماتدرس ولا تحب الدراسة
تروح للمدرسة للضحك وسوالف
المهم دخلت للمطبخ والدمعة بعيني ضليت ابچي واغسل ، ياربي يمتة الحك بعد ادرس ماعندي وقت والماعين هواية يرادلي ساعة حتى اكملهم وانضف المطبخ، دخلت امي ايلول
علية وكالت
_عوفيهم حبيبة انا اغسلهم
_لا يوم انا اغسلهم
_لا حبيبة روحي درسي انا اغسلهم اهم شي دراستج حبيبتي
_ يوم سوال
_ جواب
_ أنتِ من يحجون عليج نسوان عمامي ليش ما تردين بوجهم وتدافعين على نفسج ، هسة انا كاعدة بيتهم وما أكدر احجي أنتِ شبيج؟
_ انا احترم اخواني علمودهم ساكتة إذا اضل اتعارك وياهم يسون مشكلة ويذبوها براسي ويحشن براس خواني ويطلعني الغلطانة ف ما أكدر احجي
_ والله چلبات
_ اي ماما ف شنو اريدج تتجنبينهم ماتتعاركين حبيبة ما اريد مشاكل وهسة يلا روحي درسي