الغيم الاسود

البارت السابع

اشتاقُ  ياربي  إليه وكأنَّني
امَّ ضاعتْ في الزِّحام صَغيرا
يا من اقَّر الامِّ موسَى عَينها
عُدْ بي إليه لكي اعَود قَريرا
هَذي بقايا الذِّكريات يضمُّها
قلبٌ في الاشواقِ زاد سَعيرا
ارجُوكمُ القُوا عليِّ قمَيصه
لأعود مِن ظُلَمِ الحَنين بصَيرا
.
.
# الغيم الاسود
الكاتبة : زهراء محمد
_____________________________

ياسر : باعي غيم بوية احنة كلنا على هذا الطريق،
وكلمن بيومة يموت ف......
يريد يحجي وقاطعتة
_ اي خلصني احجي شبي أبوية
_ غيم ابوج مات

هنا من نطق كلماتة الأخيرة ، احس نار ونزلت على كلبي ما أكدر اوصف شعوري لانُ ماكو شي يعبر عنة ، ما حسيت غير وانا
بغرفة بالمستشفى وبأيدي كانونة وجهاز تنفس على وجهي،
فتحت عيوني ولكيت عمي ياسر يمي وعلي الأكبر
كمت من الفراش
وشلت جهاز التنفس من وجهي حيل وعمي يحجي ويايَ وانا ما اسمعة
لأنُ ما احس بشي، كمت وضليت اصرخ حيل وادك على راسي وأكول
_ جيبو ابويَ هسة اريد اشوفة جيبوو ابوي مستحيل يموت ويتركنا مستحيل جيبو اريد اشوفة
ياسر: على كيفج بوية اهدي هذا قضاء وقدر لازم تتقبلين
_ يا قضاء وياقدر شدتحجي شنو اتقبل أكلك أبوية مايعوفني بهذي السهولة ابويَ قوي مستحيل يموت

علي الاكبر تخبل ضل يعيط ويبجي لأن خاف من ردة تفعلي
وعمي يهدي بيَ وانا ماكو اصرخ وادك على راسي
بعد إصرار
كبير من عمي انُ يرجعني للبيت ورجعت ، وبدخلتي للبيت
دخل تابوت جبير بالكراج مالتنة واسمع نسوان تتصارخ وأطفال تبجي
وصوت عالي ، نزلو تابوت ولمحت امي بينهم تفتح بالتابوت وتصرخ

فلتت ايدي من عمي لي جان لازمها قوي وركضت على التابوت
وضليت اسحب بأمي من التابوت واحجي
_ وخري وخري عنة هذا مو ابويَ شبيج هذولي يجذبون علينا يردون يخوفونة ماتعرفين عمامي ناس زبالة يردون يخوفونة والله ابويَ بالمستشفى ومابي شي راح انسويلة عملية ويصير زين

النسوان تسمعني هيج احجي وهنة يگبن بالصريخ أكثر ويبكون
وينظرولي بظرة شفقة وانا هديت عليهم بالكلام لانُ كنت مو بوعيي
_ انتُ ليش تبجون وتصرخون هاا؟ تردون تشلعون كلب اميي مو اكللكم ابويَ عايش ومستحيل يتركنا ليش هيج تسوون طلعوو برة يلا طلعووو، ولج يوم لاتبچين وتشلعين كلبي هذا مو ابويَ الي بالتابوت مو ابويييييَ ليش متصدكين

بعدين النسوان سحبني من امي، وامي شالت الكفن عن راس أبوية
وشافتة وتصرخ، انا شفت منظر ابويَ بهالحالة وركضت عليَ
_ لا لا دا تشاقة صح ؟ كوم بابا كوم ادري بيك دتشاقيني كوم ليش ما ترد علية كوممم