الغيم الاسود

البارت الثامن

وعذرتهُ لمّا تساقط دمعهُ
ونسيت أيّاماً بها أبكاني!
واخذتهُ في الحضن أهمسُ راجياً
جمرات دمعك أيقظت نيراني،
اتريدُ قتلي مرّتين ؟ الا كفى!!
فامنع دموعك واحترم أحزاني؟
لا صبر لي وأنا أراكَ محطّماً
يامن يُجرّح دمعهُ اجفاني......
.
.
# الغيم الاسود
الكاتبة : زهراء محمد
_____________________________
" غيم"
بعد مجادلات كلش جبيرة طلع عمي من البيت

" نرجع للماضي شوية "

جان عمري بوقتها خمسة سنوات، مثل ما ذكرت انُ والدي جان
متعلق بيّ لدرجة مايخليني اطلع اشتري لوحدي
الا هوا ويايّ
ف چنة عايشين بيت جدي عمامي وأبوية وجدتي وجدي بيت واحد
كلش جان البيت جبير ، ف صارت عركة بين ابويّ
وعمي مراد
الي جان يكره أبويّ لدرجة ، ماعرف شنو المشكلة الي صارت
بيناتهم حتى هيج يكرها ، بس كلنا نعرف انُ عمي يغار من ابويّ
لانُ ابوي جان مُدرس ف كانت حالتة المادية كلش زينة، يعني
بين قوسين عمامي يغارون لأن ابويّ عندة فلوس أكثر منهم،
ف جان أبويّ طالع ومحد يقبل يشتريلي وأخذت فلوس من امي
وطلعت اشتري دخلت للمحل ودخل وراي عمو مراد

مراد : بابا غيم شتسوين هنا
غيم : عمو اجيت اشتري
_ ها ، زين شنو رأيج اخذج الغير محل بي هواي اشياء حلوة
_ لا عمو اشتري منا احسن
_ لج بابا هذا المحل حلوياتة مو حلوة تعالي اخذج المحل جبير بي حلويات كلش هوايّ وحلوة
_ بس عمو هذا المحل همات بي حلويات هوايّ
_ لا بس ذاك كلش كبير وأحلا بعد، يلا امشي
بعد ماتقنعني عمي انُ اروح اشتري من غير محل وافقت واخذني
ركبني بالسيارة ، وضلت تمشي بينا هواي كلش هواي
وانا بوقتها كلش خفت ، سألت عمي واردفت
_ عمو وين المحل شو هواي مشينة
_ اي عمو محل جبير وبعيد شويّ هسة نوصل
ضلت تمشي بينا هواي وانا خفت رجعت كتلة
_ عمو انا بعد ما اريد حلويات رجعني للبيت
_ ها ليش عمو شوفي هل وصلنة
_ لا عمو رجعني هسة بابا مايقبل
_ لاتخافين انا كلت الأبوج

شوية ونزلنة يم مخزن جبير ما اتذكر شكلة بالتفصيل
بس جان جبير ويم الباب جانوا هواي زلم واكفين
شالني عمو ودخلني
للمخزن ، وانا ضليت ابجي واعيط وهوا سد حلگي
بكلينكس
بعد ماحسيت بشي ، مادري شكد مر وقت وفتحت عيوني لكن
راسي يأذيني كُلش ، وهمات ايدي مربطة ومسدود حلگي
بس ريحة بالمخازن لا تُطاق ، ريحة كُلش مو طيبة وهيج حتى
اتذكر لعبت نفسي اجة عمي يمي واردف
_ شلونها الحلوة
فتح حلگي حتى يشربني ماي شربت ماي واردفت
_ عمو حباب رجعني اريد اروح للبيت
ابجي ودموعي نزلن على خدي ،
_ تؤ تؤ ليش تبجين بابا
_ عمو اريد ارجع فدوة ليش مربط ايدي؟
_ سكتي ما اريد اسمع الج صوت فتهمتيييييي
آخر كلمة جرها بغضب
ضليت ابجي واناشغ عافني عمي وطلع
ماكو أقل
النص ساعة وانا بعدني ابجي روحي راحت
اجة عمي
عيونة حمر وجها محتقن من الغضب يغلط ويسب ابويّ
فتح ايدي وكال
_ شوفي انا راح ارجعج للبيت بس اذا فكيتي حلكج وكلتي انا جبتج هنا ارجعج واربطج مرة ثانية وبعد ماتشوفين لا ابوج ولا امج وحتى احركج واجويچ