الغيم الاسود

البارت الاول

اخاف ان تمطر الدنُيا، ولست معي
فمنذ رُحت وعندي عقدة المطر
كان الشتاء يغطيني بمعطفهِ
فلا افكر في برد ولا ضجر
وكانت الرياح تعوي خلف نافذتي
فتهمسين : ها هنا شعري
والان اجلس ... والامطار تجلدني
فمن يدافع عني؟ ......
___________________________
شوارع فارغة... غيم اسود.. مطر غزير
اضواء خافتة... ضباب كثيف...

..

كعدت من النوم على صوت امي الي صوتهه عالي كلش حتى تكعدني لأن انا نومي ثگيل وما اكعد،
كعدت متكاسلة وجسمي نحلان لأن مريضة والبارحة
ماداومت ،

حياة : يعني أنتِ شلون بيج تضلين هييج؟
گومي شلعتي كلبي وراج دواامم كوميي

غيم : والله والعباس وحق الامام علي دا اتوضى
كاعدة شبيجج

حياة : عبالي بعدج نايمة!!

توضيت وصليت صلاة الصبح وطلعت من الغرفة وأشوف امي دا تصب الأبوية ريوگ وتوكلة ، 

غيم : صباح الخير ابي العزيز وامي العزيزة

رضا : ص ص صباح ال ال ورد

حياة : صباح الخير ، يلا گعدي تريكي وراج طريق طويل

كعدت اتريك واباوع الامي شلون توكل أبوية
على كيف وتحط ايدهه جوة حلگة حتى لا تتوسخ ملابسة ، لأن أبوية مُعوق وميكدر يحجي زين ،
طلع اخوية الصغير من غرفة امي الي عمرة سنتين بس اول ما صار أبوية سوة حادث و نشل بعدهه،

غيم : هلا هلا بگلبي تعال دادة انطيني بوسة

اجة اخوية يركض شلتة ضليت ابوس شكلة حلو وملامحة ناعة عيونة خضر وابيض وشعرة بي لون مايل ع شگار ، شكد احبة احسة ابني مو اخوية ضليت ابوس بي لأن البارحة ماشفتة رجعت لگيتة نايم،

حياة : يلا ماما گومي بدلي وروحي للمدرسة تأخرتي

غيم : اهووو يومم بعد وكت خليني كاعدةة

حياة : ولج ساعة سبعة ونص والمدرسة بعيدة هم يلا توصلين كومي لاتشلعين كلبي

غيم : امري الا الله

طلعت بيبيتي من الغرفة ع صوت امي الي تصيح علية

ام رضا : شسالفة من صباحيات الله صوتجن شعلوة!!

حياة : حجية غيم شلعت كلبي ماتقبل تروح للمدرسة

غيم : يوم شسالفة كتلج بعد وكت عن الدوام

ام رضا : ولج غويمةة امشي ولي للمدرسة

بدلت بسرعة ومشطت شعري كل عادة ضفيرة وشعري حيل طويل وطلعت لبست حذائي
وتوجهت للمدرسة ، انا احب المدرسة واحب ادرس واجتهد بس الطريق حيل طويل يتعبني لأن اروح مشي وارجع مشي

وصلت للمدرسة ودخلت أخذ نفس سريع وألهث
لأن الطريق طويل كعدت ع المصطبة مالت المدرسة كلت اكعد ارتاح وانوب ادخل للصف ، اجت عيني ع مجموعة بنات يضحكون ويسولفن عن حياتهم وروتينهم وشنو صار وياهم، وانا لا ارادياً ابتسم
لان ماعندي صديقات ولا اريد يصير عندي صديقات ولا احب صديقات ولا احب اتعلق بشخص، انا من النوع انطوائية وما احب التجمعات،