" حييتُ بكِ "

البارت السادس عشر ( كُشف الماضي )

بعد دقائق نزل الجد ومن خلفه الشباب ليروا شخص يقف ويوليهم ظهره دون أن يتنبه لهم فبادر الجد بالحديث :

خير يا إبني إنت طلبت إني أقابلك..

إلتفت إليه ذلك الشخص يبستم برسمية :

خير إن شاء الله يا حاج أعرفك بنفسي انا أبقي .....

بتر حديثه بسبب يوسف الذي قاطعه فورا :

انت ايه اللي جابك هنا يلا إنت وعايز ايه ؟!

= تشؤ تشؤ مش معقول كدة يا آنصاري مش أخلاق دي تقابل بيها ضيوفك وعلي الأقل مش تعزمني علي خطوبتك يا راجل.....
علي العموم أكمل كلامي
أهلا بيك يا حاج شرقاوي

معاك (سليم المالكي)......

كيف آتى إلى هنا وماذا يريد من جديد وما شأنه بجدها وبماذا يريده
يبدو أن الأمور لم تحل بعد ولن يترك منافسه يسعد ليوم واحد فقد جاء كالإعصار ليخبره أننا لم نبدأ الحرب بعد طالت النظرات بينه وبين يوسف كأن كلا منهم ينتظر اافرصة لينقض على الآخر لاحظ الجد نظراتهم تلك فوجه حديثه مرة أخرى :

واضح إنكم عارفين بعض من قبل كدة إتشرفت بيك يا سليم يابني طلباتك إيه مني وأتمنى إنك تكون جاي في خير ولو إن نظراتك مبينة العكس

نمت إبتسامة جانبية علي ثغر سليم ليخبره بلباقة :

أبدًا يا حاج أنا فعلا جاي في خير ليك وللبلد كلها بس أفضل إننا نتكلم على إنفراد لأن فيه ناس ما تتمناش الخير ده إنه يكمل زي ما إتعودوا زمان اوي إنه يسرقوه من الكل

عادت النظرات بينهم من جديد وقد فهم يوسف مقصده المتواري خلف حديثه ذلك وإبتسم له بتشفٍ ليؤكد له أن مبتغاه وصل إليه قطع نظرات تلك حديث الجد وهو يتقدم أمامه قائلًا لهما :

تمام إتفضل معايا علي المكتب..

وإنت يا يوسف يُفضل تكلم أهلك في أسرع وقت

أومأ له يوسف بتفهم ونظر لصديقه بجانبه ليتبعه للخارج وما إن وصلا لردهة البيت وقف يعطيه ظهره وهو يتنهد بضيق تمر تلك الذكريات أمام عينيه كأنها حدثت بالامس قطع تفكيره ذلك صوت فارس :

إنت ليه لحد دلوقتي مش عايز تقوله الحقيقة يا يوسف رغم إنك عارف سبب عدواته معاك مش الشغل وبس على الأقل تريح نفسك من ذنب أنت ملكشي دخل فيه

= مش هينفع يا فارس خلاص هو مش هيصدق بعد ما حاجز الثقة بينا إتهد من سنين كتيرة سليم لازم يكتشف بنفسه كل حاجة حصلت في اليوم ده ومين كان سبب إنه يخسر أغلى ما يملك وأنا عارف إنه عايزني أحس بنفس اللي حس بيه وحصله وسايبه يعادي فيا لحد ما أشوف أخره واصل لفين سيبك منه دلوقتي وكلم رامي بلغه بكل حاجة وإنهم لازم ييجوا في اسرع وقت لازم نرجع قريب لأن الصفقة اللي مستنيها من بدري معادها قرب ولازم نبقي موجودين كلنا وقتها