•••
زينب والزمن والموت توديع وعتاب وونه مخفيّه
أمنازع والعمر ما بين رمش وعين بديار الغرب جانت تواليّه
صاحت من زمان اتنطرك يا موت
واتربى اعله جيتك جنت ليليّه
ردت منك تجيني الكربله وما اجيت
تمنيتك إبيوم الرحت فوگ الهزل مسبيّه
تمنيتك إبيوم الراح كافل هيبتي
مارد بعد ليّـه
ردت منك تجيني من وگع عباس
ظلت رايته إعله النهر مطويّـه
شلي إبعمري وأشوف الضعن
لمن سار شامت جان حاديّه
واشوف اعله الرماح الروس
جنها أقمـار مطفيّه
يا أخـر امل ياموت شيفيد
العمر من غير واليّه
شيفيد العمر من غير واليّه
ردتك من رجع للخيم مُهر حسين
عيّت توگف اعله الگاع رجليه
ردتك من دخلت إمجتفه اعله إيزيد
هاي منين أسمعه يناشد إعليّه
عــــاشـــرت الصبــــــــر
عاشرت الصبر ياموت
مثل عِشرةٌ نَفس وإمعانگ الريّه
وانه بعمر سابع عام
واسمع والدي ضّجت بواجيّه
مـن دفعـو علـه امـي البـاب
من دفعو عله امي الباب
ماتت والگلب عاشر نواعيّه
من ذاك الوكت وإصواب فوگ إصواب
بالنوح العمر خلصت لياليّه
عني إشعطلك
يــامـــــــــــــــــــوت
عني إشعطلك ياموت
من گمت الصلاتي إبقامه محنيّه
بعد ما شبع قلبي إمن الزمان إجروح
صارتلك عليّ جيه
اجيـت وشوفنـي إبيـا حـال
اجيت وشوفني بيا حال
غير النَفس گـلي إشـظل بعد بيّـه
روحـي إمن البدن طلعـت
وذكـر حسين ما فارگت طاريّه
اگول إشلون روح حسين
طلعت من نزيف النحر مدميّه
اگـــــول شلـون روح حسيـن طلعت
مـن نزيـف النحـر مدميّـه
إبن آدم من يموت إينگطوله الماي
بس حسين مات وما تروه
بگطرت اميه
بـس حسيـن مـات ومـا تـروه
بگطـرت اميـه
꧁••••••••••••••• ♛ •••••••••••••••꧂
زينب.. قصة الأَلم، غصَّة الحُزن، آية البُڪاء
جَبل الصبر، ڪعبة الأحزَان، ملاذ الفاطميات
والأيتام .. غريبة الشام !
يا قلب زينب ، عليڪَ منّي السلام .. "
