※※※
يمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
يمه لو رحتي أظل إبلاية خيمة
يا حنينة وساعة افراقج أليمة
يا هضيمة ويا هضيمة ويا هضيمة
بعدج تقول الخلق زينب يتيمة
ردي .. لا تخليني بجرح
ردي .. لحظة وادعج ذبح
ردي .. ابقى ليلة ابلا قمر
يُمه .. يُمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
يُمه مخنوگ الهوا والدنيا ظلمَة
وعطرج ابدُخان بَاب الدار اشمه
صدمة البنت إعله أمهَا بيها هضمة
أتعود إلساني إعله كلمة يمه يمه
ويلي .. عفتي زينب للحزن
ويلي .. ليلي ظالم من يجن
ويلي .. نايمة بعيني السهر
يُمه..يُمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
جلمة الأم عاطفة والحب نزفها
جلمة بس اليفقد الأم ايعرفها
طلعت أمي وروحي طلعت من كهفها
صحت ليش القاع ربـي ما خسفها
والله .. أنظر الحايط وأون
والله .. عادة الفاقد يحن
والله .. آني دلالي أنفطر
يُمه.. يُمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
كل دموع العالم إلفقدج قليلة
والحياة إبلايا أمي مستحيلة
مرة أنظر لأخوتي ودمعي أسيله
مرة أصرخ ليش يا حامي دخيله
بوية .. أمي مكسورة ضلع
بوية .. يصرخ بعيني الدمع
بوية .. وسفة حيدر ما حضر
يُمه.. يُمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
أنظر البسمار ويذكرني بيهَا
احسين من يبجي يذكرني أبجيها
اشگد ثقيلة الباب ونطبقت عليهَا
إبلا حجاب الزهره وتغشت بديهَا
شفته .. من وقع منها الطفل
شفته .. من سطر خدها النذل
شفته .. خد رسول الله انسطر
يُمه .. يُمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
الحرق بابج ترى يرجع عليه
يحرق اخيامي علي بالغاضرية
والسطر وجهج يَبت سيد البرية
يضرب امتوني او يوديني سبيه
وحدي .. ظهري بالطف ينكسر
وحدي .. يحدي بضعوني الشمر
وحدي .. آنا أموت امن القهر
يُمه .. يُمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
من شفت حيدر بجه الحالة اوليده
جنه اشوف حسين بديار البعيده
يمه شيگول اليموت ابنه اعله أيده
ينظر ابعينه السهـم يقطع وريده
يرجع .. شايل ابنه الخيمتي
يرجع .. صاحت أمه الصيحتي
يرجع .. ابنه مقطوع النحر
يُمه .. يُمه
لحظة وداع وسفر
يمه
ضلعج وقلبي انكسر
يمه
مني شيريد الدهر ؟
꧁••••••••••••••• ♛ •••••••••••••••꧂
الشَاعر : السيـد عبد الخَالق المحنه
