•••
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
اطمأني و انا جايبلچ خبر زين
اربعتنه يمه رحنه فدوة لحسين
من تسأليني اعلى روحي و النفس وين
روحي يمه للاخوه وفت الدين
صوغتي امن الطف يا يمة ذني الأثنين
خبر گطع اچفوف ايدية و نبلة العين
يمه ولدچ نشامى ما رجعنه ابسلامه
اني اوصي بخواني بيماني و متاني ما واحد يضل
ولخاطر العشرة والعترة و الزهرة نتگطع وصل
واني اخر منية گطعتهن اديه
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
...
احمد الله يمه صدري خلص انفاس
روحي صعدت للسما وياهه حراس
انتِ خليتي المنيه عدنه مقياس
گلتي تنذبحون لازم و ارفع الراس
چان راي ارواح أخوتي يوصل احساس
لامنَه گالو واليوصله انتَ عباس
حملوني أمانه رفعي راسچ ورانه
شلتي الصبر رايه والغايه من هايه دين المصطفى يالجمر ضوة للنخوه و الخوه بعده ما طفه
من خذتني الحميه گطعتهن اديه
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
...
آنه أوصيچ بوصية يالأصيلة
يمة وديلي سلامي للعقيله
آنه ادور لصبرها عن مثيله
من سبوها ماكو واحد تشتكيله
هيه تدري بالكفاله مو قليله
و انا ادري عگبي هيه هم كفيله
يمه لأخر عمرها آنه حارس خدرها
آنه الي عرفوني وصفوني سموني سبع الگنطره
يا يمه واسيها طمنيها بلغيها عني المعذره
عني راحت سبيه گطعتهن اديه
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
...
من تلگيت السهم و انطيته دمي
گتله من تذبح نظرتي انا أسمي
گتله راح أكتب خلودي و أجلي همي
يا سهم و الدم مدادي و انته قلمي
السهم حير فضوله هذا عزمي
گتله اريد ابهذا موتي تفرح امي
شلون اضيع رباهه الله يرضى لراضها
هاي اللي بفكاري بصراري والباري إلها جنته
و اشلون ابن حيدر يتعذر ما يگدر و امه اتنخته
عالعهد يالأبيه گطتعهن ايديه
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
...
انا عد ظنچ يَيمه شوفي قدري
حسين گلي من أتركك أحني ضهري
عندي منزلته يَيمه بيها يدري
هو اخويه أوهو امامي و هو ذخري
نحره من انحز يَيمه قبله نحري
صدره من انرض يَيمه قبله صدري
صاح من طاحت ايدي راح اخويه و عضيدي
شفت انخطف لونه وعيونه وجفونه غرگن بالدمع
واگبال شماته آهاته حسراته صارت تنسمع
ردت أدي التحيه گطعتهن ايديه
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
...
انتِ مو بس إمرأه وحيدر رضاها
چان نساب العرب يعرف أباها
غيرتچ محد عرف سر محتواها
وين اكو مثلچ مره اتضحي ابظناها
سيرتچ من يدري بيها الما قراها
ايگول ماتت فاطمة والله حياها
ما تمُرني الهزيمه و أمي هاي العظيمه
انتِ الوره افعالي وبالي للتالي بسمچ افتخر
يا نور البگلبي و بدربي من حربي جايبلچ نصر
هذا نصرچ هديه گطعتهن ايديه
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
...
آنه ضامي ما تركته جمري يخمد
اشلون يم نيران زينب قلبي يبرد
روحي جفت بس ضميري شفته ورد
و النهر من عاينتله بيه ما صد
متت ضامي ما شربته ربي يشهد
آنه هسه يمه گاعد يم محمد
گلي اخذ البشارة صار چفك منارة
لمن تلگاني ضماني كناني راعي الأوله
شفته ابتسم قائل يا كافل تستاهل گبة كربله
هايه ثمرة قضيه گطتعهن ايديه
يمه اطمنچ عليه گطعتهن اديّه
وفيتج بعيني چفيني و سنيني يم المشرعة
يا حره ربيتي ضحيتي و انطيتي لحسين أربعه
...
꧁••••••••••••••• ♛ •••••••••••••••꧂
الحاج باسـم الكربلائي
للشاعـر :- إيهـاب المالكـي
