•••
دنيا وماكو بيها إنتِ
بيها أگضي العمر صعبه
أنا من دونج بلا روح
غريب وعايش ابغربه
حيدر ضايع ابلياج
عدمن يحجي البگلبه
البيت الماكو عطرج بي
جزيته وضيعت دربه
اه يا الهضيمه ونار العذاب
توگع حرمتي ويعصرها باب
ويـ كل مسيه بدمع المصاب
يم گبرج أوصل أشم التراب
ما ظل دمع لا ظل صبر
وما يسوى ظل هذا العمر
افراگ وهضم يم الحسن
شاهد على امصاب الضلع
اه يا فاطمة .. آه يا فاطمة
اه يا فاطمة .. آه يا فاطمة
بعدج ما سكنت بدار
رحل منها اغلى ما بيها
اناشغ من اصد للباب
وتذكر مآسيها
انداست عتبتي ونوب
دم محسن جرى عليها
وعلى گبرج بقت جلمات
كلما اجزع احجيها
كل ناسي إنتِ وروحي وهلي
مثل الهوى وأكثر صرتي إلي
تندب وليها إللي تنولي
يا فضه صحتي ومو يا علي
خفتي علي لا انهضم
لأجلي حملتي اشگد ظلم
كل ونة اونها بغيبتج
شاهد على امصاب الضلع
اه يا فاطمة .. آه يا فاطمة
اه يا فاطمة .. آه يا فاطمة
طلعت روحي من عيني
من شفتج على الغبره
وصبر حيدر خلص لهنا
إگبال عيونج الحمره
اليدفن روحه بيده يعيش
بس يموت البصدره
دفنتج ودفنت وياج
وجداني ابفرد حفره
وثار الجنين ولون الجفن
ماينطفي بدمعه ولا دفن
شبعت بواجي عيونج ترى
وشبعت سهر عين أم الحزن
للزهره عاميني القهر
وليل السبي مابي گمر
الفوگ الترب وال عالهزل
شاهد على امصاب الضلع
اه يا فاطمة .. آه يا فاطمة
اه يا فاطمة .. آه يا فاطمة
ظلعج صوبه البسمار
وبابج حرگته العدوان
يزهره ومن هذاك اليوم
تبرى الزينب النيران
منا تل رمل وارماح
ومنا عايله وصيوان
منا جف ستر مگطوع
ومنا دم نحر عطشان
والعدها دار ويم بابه نار
أهون ترى من الما عدها دار
والماتت بليل أهون ترى
من التنسبي بعلو النهار
لا هيبه ظلت لا خيم
لا جف كفاله ولا علم
وعالناگه شوغات اليسر
شاهد على امصاب الضلع
آه يا فاطمة آه يا فاطمة
آه يا فاطمة آه يا فاطمة
꧁••••••••••••••• ♛ •••••••••••••••꧂
أذكرَّونْي بدعوة حُبًا بـَ عَلِي أبنَ مَوسىٰ الرَّضِا .
«🤍»
