•••
العمره ما شايل اجروح
لا يلوم الذي ينوح
انه ودعت الحسين
عفته بس عفته مذبوح
...
انه اخت البالذبح گلبة عليه
گلبة قبل اخيامي نيرانه سريه
انه اخت الگايل بهاي الرزيه
الموته سهله والصعب زينب سبيه
ياهي مثلي من الناس
گلب اخوها ابهالاحساس
حتى وابگطعة الراس
اخته عن باله متروح
...
العمره ما شايل اجروح
لا يلوم الذي اينوح
انه ودعت الحسين
وعفته بس عفتة مذبوح
....
الخنسه لو ناحت صخرها يعذروها
انه بس اليمنعوها اتنوح اخوها
الشمر من يسمع بجي ايگول اضربوها
حرمه وامتوني ابضربهم ورموها
الزجر ماقصرو وياي
ابسوطه وايسكت ابجاي
وتترس العبره عيناي
والدمع سكته مسفوح
...
والعمره ما شايل جروح
لا يلوم الذي ينوح
انه ودعت الحسين
عفته بس عفته مذبوح
...
المثل اخويه اشويه لو ادمي المحاجر
حتى راسه اوهوه ميت بي مشاعر
خل اسولف من بعد قطع المناحر
اشلون راسه ايفكر ابحالي او يساهر
ابكربله شفته مقطوع
لاجن الحالي مفجوع
ينظر اويذرف ادموع
وگتله يا خويه مسموح
...
العمره ما شايل جروح
لا يلوم الذي ينوح
اني ودعت الحسين
عفتة بس عفتة مذبوح
...
جسم اخوي ابكربله خليته عاري
وراسه ما جنت ادري وينه الله داري
من دخلت الكوفه لنه بانتظاري
عالرمح شفته وعليه اسود نهاري
شفته والمحمل ايميل
واضربت راسي بالويل
دمي ضل يجري وايسيل
وحگي لو فاضت الروح
...
العمره ما شايل جروح
لا يلوم الذي ينوح
انه ودعت الحسين
عفته بس عفته مجروح
...
امضي للشام او مضه الراس اعله رمحه
انظره ابدمعي واحس كل نظره ذبحه
دمه يقطر والهوا يسقي اعله جرحه
وانه كل خوفي رقيه لا تلمحه
جنت اسليها وتنام
خوفي من نوصل الشام
اتشوف ابوها بالاحلام
وبالطشت منحره ايلوح
...
العمره ما شايل اجروح
لا يلوم الذي ينوح
انه ودعت الحسين
عفته بس عفته مذبوح
...
الراس اذكر موقف ايظل ابفؤادي
ركز رمحه وعجزت اتشيله الايادي
عالسبب قاموا يسئلون الاعادي
وعلي جاوب طفله تاهت بالبوادي
گلهم ابصوت الونين
شوفوا نظرات الحسين
تشبـح وتتجه وين
ناظره البنته مشبوح
꧁••••••••••••••• ♛ •••••••••••••••꧂
الحاج باسـم الكربلائي
للشاعر :- علي السقاي
