※※※
آنا خايف
صدري ما يشبع لطم قبل المنية
آنا خايف
بالگبر ماكو ليالي فاطمية
عله افراش الموت و بروحي أنازع
اتجمعت كل الأهل يمي أباوع
بالمجالس راح عمري و ما هو ضايع
أثر لطمت صدري ظلت عالأصابع
آنا خايف
عالمغيسل و الدفن أنسه الرزيه
آنه خايف
بالگبر ماكو ليالي فاطمية
آنه خايـف
صدري ما يشبع لطم قبل المنيه
آنه خايف
بالگبر ماكو ليالي فاطمية
•••
ابـ "ياحسين" الصرخة هذي شيعّوني
للنجف أحبابي بالمدمع خذوني
و ابتراب اللحد لمن وسّدوني
هم راحوا و آنا تتلفت اعيوني
آنا خايف
خوف حسرة ما زرت قبر الزجية
آنه خايف
بالگبر ماكو ليالي فاطمية
آنه خايـف
صدري ما يشبع لطم قبل المنيه
آنه خايف
بالگبر ماكو ليالي فاطمية
•••
بالقبر صوت اسمعت و ادموعي تجري
هذا منكر حچه اذنوبي بوسط قبري
گتله ما جاوب و لا تسمعلي عذري
ها دخيلچ فاطمة بهالشدة احضري
آنا خايف
خاف ما تشهد عله اللطمه ايديه
آنه خايف
بالگبر ماكو ليالي
آنه خايـف
صدري ما يشبع لطم قبل المنيه
آنه خايف
بالگبر ماكو ليالي فاطمية
•••
إجت حرمة امحدب من الهم ظهرها
تقعد و تنهض و محنية بكسرها
سامع الزهراء ماتت في زغرها
امشيبة بالستين شو هسه عمرها
آنا خايف
تتعب أم الحسن من تحضر إليه
آنه خايف
بالگبر ماكو ليالي فاطمية
آنه خايـف
صدري ما يشبع لطم قبل المنيه
آنه خايف
بالگبر ماكو ليالي فاطمية
•••
اتگلي انتَ الما عفتني و ما أعوفك
عالسراط ابـإيدي راح ألزم جفوفك
يالبچيت اعله الضلع ما داعي خوفك
چنت من تقره و تون بعيوني أشوفك
آنا خايف
ونتـي اعله الزهرة ما جانت شجية
آنا خايف
بالگبر ماكو ليالي فاطمية
آنه خايـف
صدري ما يشبع لطم قبل المنيه
آنه خايف
بالگبر ماكو ليالي فاطمية
•••
اضمنت جنة ربي و بحبكم أنافس
جنة مابيها لطم ما بيها واهس
ما يموت العاش عمره بالمجالس
مثل عابس بالحشر مليون عابس
آنا خايف
أفتقد بالجنة چـوگات العزية
آنا خايف
بالگبر ماكو ليالي فاطمية
آنه خايـف
صدري ما يشبع لطم قبل المنيه
آنه خايف
بالگبر ماكو ليالي فاطمية
•••
من بعد هذا الحجي انجبرت خواطر
موكب ابقبري بنيت و قلبي حاير
وجهت دعوتي السكان المقابر
الجفن أبيض حته أطبّر يوم عاشر
آنا خايف
عله الزهرة من يمر طاري رقية
آنا خايف
بالگبر ماكو ليالي فاطمية
آنه خايـف
صدري ما يشبع لطم قبل المنيه
آنه خايف
بالگبر ماكو ليالي فاطمية
꧁•※••••••••••••• ※ •••••••••••••※•꧂
