ندمان ونخيتك
•••
ندمان ونخيتك
توبت حُـرِ اجيتـك
مااريد ابتعـد عن خيمـة اعيونـك
الهج باعتذاري
راجـع بنكسـاري
واقبلني عبـد أخـدم عبـد جونك
راجعـلك
مو مثل ذيج الجروح البيه
اقبلني
ابداعت الصاحت يفضه اعليه
من دونك
روحـي كل لحظة بذنب مسبيه
رايد تربيلي گـلب نبضاته كربله
وجرحني مولاي بجرح ماكو دوه أله
ولمصيبة العاشـر تظل دمعاتي هامله
رايد تربيلي گـلب نبضاته كربله
وجرحني مولاي بجرح ماكو دوه أله
ولمصيبة العاشـر تظل دمعاتي هامله
دمعــــاتي هاملـــــــه
اقبلني اجيلك
أريد اصبح ذليلك
واريد ابجي لحـد ماتنطفي أعيوني
عيشني بهيامك
واحـرگني بخيامك
مثل حرگ المخيم يحترگ لونـي
يحسيني
منذورلك دمعي ولطمتي وعمـري
وكون اني
بالحوافر انسحگ ياذخري
يا غالي
مثل صدرك كون يصبح صدري
وي روحي بس لمصيبتك يتوالم الحزن
وضلوعي كون بمجلسك من لطمي تنسحن
ومرادف دموعي التصب وتجـرح الجفن
وي روحي بس لمصيبتك يتوالم الحزن
وضلوعي كون بمجلسك من لطمي تنسحن
ومرادف دموعي التصب وتجـرح الجفن
وتجــــــــرح الجفـــــــــن
الزمني أمن اديه
وتحافظ عليه
اخاف بسرعة اضيعن لو عفتني
بعطفك وبرحمتك
تشمـل گلبـي ردتك
عن دربك رحت ياما و صحتني
غطيني
بجفك المتروس رحمة وغيرة
واسترني
ابداعت الضلت وحدها بحيرة
وخليني
گبال عينك يا جبير الديرة
ياوطن للمااله وطن ياسيد العشگ
واليسهـر الغيرك ذنب يامرجع الصدگ
ألمـا يحترگلك بالحزن لايحچي بالحرگ
ياوطن للمااله وطن ياسيد العشگ
واليسهـر الغيرك ذنب يامرجع الصدگ
ألما يحترگلك بالحزن لايحچي بالحرگ
لايحچــــــــي بالحـــــــــرگ
ربيني اعل كيفك
خليني بمضيفك
اصيرلك عبـد والحـد نزع روحي
موتني بعتابك
واجرحنـي بمصابك
على ضعنك اريدن ابقى بجروحي
اذبحني
بالسهام النامت بنص گلبك
والزمني
لا تخليني ابارح دربك
واجرحني
رايد بروحي يضل بس حبك
ماريد عنك أنشغل وتغرني دنيتي
مولاي خايف تنسلب من عيني دمعتي
ميهمني كُلشي سيدي بس همي خدمتي
ماريد عنك أنشغل وتغرني دنيتي
مولاي خايف تنسلب من عيني دمعتي
ميهمني كلشي سيدي بس همي خدمتي
بــــــس همــــي خدمتـــــي
꧁••••••••••••••• ♛ •••••••••••••••꧂
"يَامُنىٰ قُلُوبِ الْمُشْتاقينَ يَاحَبِيبِي يَاحُسَين"
