بسم الله الرحمن الرحيم „
صحى من نومه على أصوات بالبيت وعاليه شده صياح جده وارتاح من الداخل „ لانه بكل بساطه كان روتين يومي صياح جده على عمه مهيد طلع من الغرفه بهدوء وتوجه للصالة يسمع حوارهم العالي
الجد عقاب : تحسبني مدري عن حركاتك وتصرفاتك احترم شنبك تراك رجال منت وغد لاجل اعلمك الصح والغلط متى تستوعب الكلام وتكبر
ابو كايد بتنهد : وممكن اعرف وش أنا مسوي عشان الصراخ ذا ؟
الجد عقاب بعصبيه واضحه : احترم ابوك يارخمه والله مامنك رجا مالت عليك
ابو كايد بهدوء : يعني عشاني طلعت البنات ؟ ليش ناوي تحجرهم بعد ، بالنهايه هذول بناتي وكيفي وانا المسؤول عنهم محد له دخل ببناتي من اليوم ورايح كلن يسمع الكلام ويعرف حدوده
ابو عقاب : أقططططع والله انك ماتستحي تكلم ابوك كذا ! لا بالله ماعاد بك حيا ماكذب ابوي بقوله انك رخمه
ابو كايد بضحك وهو مطنش كلام أبوه وهذال : والله ما أقول الله ياحظ تميم بس
أنقطع الصوت من ذكر مهيد طاري تميم وارتسمت ملامح الاستغراب على العيال وفضولهم الواضح لكن ولا واحد منهم تجرى وسأل منهو تميم ؟ إلا عقاب // عقاب بتساؤل وثقه : منهو تميم الي تطريه كل يوم ؟ توتروا العيال من ثقة عقاب
ابو عقاب : سواليف مالك دخل بها رح لامك بس
عقاب بتحدي : يعني كذا بتصرفني يابو عقاب تميم بعرفه يعني بعرفه ان ماكان اليوم فهو بكرا وأذكرك
الجد عقاب : يلا كل واحد على بيته انا مقرود يومني اجمعكم / توجّه كايد لعقاب : يولد انت صاحي يومنك تسأل
عقاب : اجل اخلي الفضول يذبح ولد عمي ؟ اعقب
ابتسم كايد : مشييينا ياولد عمي
عقاب بضحك : وين نمشي خل نفطر
كايد : وإللي يقولك بيفطرك على حسابه ؟
عقاب : اتحداااااااك
كايد : افا تتحداني وانت تخبرني ؟
عقاب : اتحداك عشان تسويها ياغبي
نطوا وايل ونمر لجهتهم : سمعنا فيه طاري اكل
كايد : يالليل الليل النيه عزيمه لعقاب بس وش جايبكم
وايل : أنا اخو عقاب يعني لي بعد
نمر : وانا ولد عمه يعني لي
وايل بضحك : يانشبه لا تقلدني ، إلا تعال متى ناوي تجيب ولدك والله إني مشتاق له
كشر نمر من الطاري : وهو خواله مخلييني؟ مايجيهم الغلا له الا يومني ابيه يلعنم الغبنه بس
عقاب بعصبيه : وانت وشوله ساكت لهم ؟ مشينا ندق روسهم واحد ورا الثاني مب ناقص إلا هم يمنعونك عن ولدك
كايد : ان مابغيت نروح لهم انا وعقاب ناخذه واتحدى احد يتكلم منهم تراهم طولوها وهو ولدك ماتشوفه الا بالشهر مره
وايل : محسسيني ان نمر قليل شر والله ان مسك واحد منهم ذبحه و بعدها يجي جدي يذبح نمر وراه
ضحكوا كلهم من كلام وايل إللي غير جوهم تمامًا
« عند الحريم »
كانوا متجمعين بالمطبخ حق بيت الجد عقاب يسوون فطور لعقاب وعياله ،، تنهدت الهنوف بضيق ونطقت : نجد ماتحسين جدي طول ؟
نجد بأستغراب : كيف طول مافهمت عليك
الهنوف : ياخي انتي ليش تسوين نفسك غبيه
نجد : انتي شفيك انطقي زي العرب لا تسولفين بالغاز عساس بفهم عليك أنا
ميهاف : والله هي واضحه يانجد بس انتي تستغبين
وهج بحماس وصوت عالي : الهنوف تقصد متى جدي يموت // شهقوا الي بالمطبخ من كلام وهج
ام عقاب : وهج شهالكلام !!!!
توترت وهج ومعها الهنوف توتر وضح على وجيهم
الهنوف بخوف : خـ خاله هي تسولف عن روايه
ميهاف : ايه اييييه تذكرينها الروايه ؟
وجد بخبث : لا تكذبين انتي وياها يمه وهج والهنوف يقصدون جدي ويبونه يموت
دخلت على كلامهم الجده سلمى : وش هالكلااام الي سمعته ؟؟؟ الهنوف ؟؟؟
ميهاف : انتي اسكتي ولا اشوفك تسولفين يالفتانه
وجد بتمثيل : جده ترضينها علي ؟ عشاني قلت الصدق قلبوا علي اصلًا انتم كلكم كذا
دخل ابو نمر على صوتهم : وش صاير
وجد : عمي تخيل ان الهنوف تبي جدي يموت !
ابو نمر بعدم اهتمام : الهنوف ابوها يتفاهم معها انتي شتبين ؟
برد وجه وجد وزعلت أكثر من سمعت ضحك الهنوف „ طلعت بغضب واضح على وجها »
« بمزرعة سعود آل عبدالعزيز »
تساعد ابوها بشغله عن النياق وتغني بكل روقان :
لا حيـاة عقب محبـوبي رأيت
والممات أرحم ولأ فرقى السنـا
هو سنـا شمسي وغيره ما هقيـت
يفرح بوصلـي ولو موته دنى
تنهد الجد سعود : وش مضايقك ومنهو المحبوب ؟
الجادل : افا افا يابوي وفيه غيرك محبوب
الجد سعود : ولكن أنا مابعدت عنك يابنتي هذاني موجود
الجادل بكذب : أخاف من الفرقى وهي مابعد جت
الجد سعود : والله إني أغليك اكثر من عيالي كلهم
انتي وصية الغاليه وشلون ما أحبك وأخاف عليك
الجادل بنبرة حزن لطاري أمها : الله يرحمها يارب
الجد سعود : يلا لا نضيق خلقنا بيت ال عزام جايينا اليوم
الجادل بتوتر : كلهم ؟
الجد سعود : ايه كلهم وأخوانك جايين بعد
الجادل : ايييه اشوى خفت إني بكون لحالهم بوسط حريمهم عاد انت تعرف اني اتوتر لولا ام ذيب انا موليّه
الجد سعود بضحك : منتي صاحيه مشينا داخل
« عند العيال »
عقاب بطفش : اقول نمر اسمع
نمر : سم سم
عقاب : وش رايك نروح لخوال خالد ناخذه ونجي
نمر : ياولد وش لك بالمشاكل انت وكايد ان مالقيتوا شيء قمتوا تحفرون بالارض
كايد : الحين انا وشدخلني ترى عقاب الي مسولف
سيف : خلونا من هالسالفه عيال عمتي مضاوي رجعوا مزرعة جدهم ؟
وايل : ايه ماتشوف الديره هدوووء
عقاب : ياشين حركاتك ياسيف
سيف : حولت علي ؟ اخمد بس
عقاب : لا ادري بك تضيع الموضوع لكن من يخاوي
كايد : معك
نمر : يعني تبيها كذا ؟ مشينا ماعاش من يردك
سيف : معكم وش اسوي مافيكم الصاحي امشي معه
وايل : أنا صاحي مشينا
سيف : لا والله انت الي يروح معك مب صاحي الله يعين اختي بس
وايل : اخو العيال لا تطري حرمتي
سيف : اختي تراها
عقاب : امش انت وياه بس
YOU ARE READING
من روض نجد والهوى معشوقها
Actionتبدا روايتي عن « عقاب وكايد » عيال العم والأخوان وعلاقتهم قويه جدًا ، لكن فجأه ينقلب حالهم بسبب ! والسبب الغريب إللي يخلي العّم تميم يختفي عنهم ولا يفكر إنه يوصلهم ! وهل عقاب بينتصر بحُب الهنوف أو !
