لأ أستبيح القرآءه بدون لايك ..
بسم الله الرحمن الرحيم
قطع مناقشتهم عقاب بالطريق : ودكم بقصيدة ؟
نمر : عطناااا ياولد
عقاب :
هذا طريق الحب متعب لي خطاي
والنار تحرق يا عرب من وطاها
من غير مدري لبيتهم دوم مشاي
حرام ما يومٍ خفوقي جفاها
رجواي قبل أروح يالله رجواي
شوف ال .. وسكت
التفت له نمر : وشفيك كمل
عقاب : لا لا قربنا للبيت
نمر : اجل أنا بكمل
شوف العنود إللي ذبحني هواها
عقاب : لو انك ساكت ابرك كلها كن كلمه كملتها
نمر : يارجال على الاقل ماتقطعها وتسكت
عقاب : خلووووودي
خالد : هلا
عقاب : تبي بقاله ؟
خالد : ايييييه
عقاب : وانا بعد ابي بقاله على حساب نمر
نمر : خلاص يابزر طفرتني انت والخبول الي وراك
كايد : يابن الحلال حنا وشدخلنا
سيف : ودي اعرس // لفوا عليه كلهم منصدمين
وايل : اعرس ياولد تكفى خل يصير عرسنا بنفس اليوم
عقاب : وهو انت تدري متى عرسك
وايل : لا مدري عن ابوي وعمي مشغليني
نمر : عقاب وأنت ؟
كايد : عقاب عرسه بيوم عرسي
عقاب : والله تم تم تم
______
« بمزرعة سعود آل عبدالعزيز »
دخل خالد وأهله المزرعه وركض صقر لنياق جده : حيييييي صقار أشتقت لك
نجد : اف لو نوت موجوده وتشوف اخوها المجنون
فلاح : اسكتي عنه تراه يحسب نفسه صاحي
صقر : اعقل انت وياها تراني اخوكم الكبير مافيه هيبه
فياض : اول مره اشوف اخ كبير غبي
صقر : قسم بالله لا اعلم جدي عليكم يا وقحين
نجد بتقليد : يا وقحين
فلاح : يخرب بيت تقليدددك تكفين قلديني
نجد : وش شايفني تلايط
الجد سعود : ياهلا ويامرحبا
ركضوا له نجد وصقر كل واحد بيشكي الثاني لكن فجأهم جدهم الي قفل أذنه
ام صقر : افا ياجدي ماتبي تسمع اصوات عيالي ؟
الجد سعود : والله ودي لكن اعرفهم هالمهابيل كل واحد بيشكي الثاني
ابو صقر : عزالله انك صادق ولا كنهم صاروا كبار
الجادل : وين نوت ماجت معكم ؟
ام صقر : لا والله تبي تقعد عند خوالها
الجادل : اجل ادخلوا وتجهزوا بيجونا ضيوف اليوم
نجد : مين الي بيجي مالي خلق لهم نهائيًا
صقر : عاد الضيوف ينتظرون نجد متى يصير لها خلق ويجون ترى محد داري عنك
نجد : وانت شدخلك ماكلمتك
ابو صقر : خلاص انت وياها اسكتوا من إللي بيجي يالجادل
الجادل : آل عزام
التفت سلاف بقوه لعمتها وبهمس : مطلق ؟
الجادل : اسسسكتي لحد يسمعك
سلاف: اووووف عاد عمتي الجادل تحبهم حيل
فياض بشك : ايه كلنا نحبهم يالجادل
الجادل : تراني عمتك وشو الجادل
فياض : عمتي الي أنا اكبر منها
نجد : بحق والله
« عند كايد وعقاب »
كايد منشغل بأفكاره وهواجيسه ومبعد عنهم ، اما عن عقاب إللي ملاحظ كايد : ياولد هيه
كايد : سم وش بلاك
عقاب : وش مشغلك ؟ كايد حاول يتهرب عن الموضوع ولا يبي يسولف : قم
عقاب بأصرار : من متى وأنت تدس عني علومك ياولد العم ؟
كايد : لو حبيت لازم اقولك منهي ؟
عقاب : لا مب لازم لكن لمح لي
كايد : حتى ولو انها قرابه ياعقاب
عقاب بشك : اسلم ليكون خواتي
كايد بضحك : ياحمار خواتك وغدان وش جابني لهم
عقاب : بنات عمتي مضاوي ؟
كايد : قم قم بس خل نمرح
عقاب : ماودي انام امس نغني بس ودي بحزن وخيانه
كايد : عقاب يخوي سوالفك واجده هالايام شسالفتك
عقاب : ايه ايه قلي اسكت بعد
كايد :
والله إني وإن قلبي لا طراها
من ينبش بالجروح الداخليه .. كمل معه عقاب
والله إن لولا حياي ومستحاها
ماتسريها وهي تبكي عليييا
نمر يتمشى بجواله إللي يكلم صقر به : صقرنا تسمع ؟
صقر : ورني وجه كايد بالله ودي اطقطق عليه
عقاب : استح على وجهك لا اجي ادقك
صقر : ياليل نسيت كايد الثاني موجود
كايد : تعال بس اشتقت لك
صقر : يا عالم يا بشر يا أوادم كايد مشتاق لي ؟
عقاب : عزالله إني غرت واستغربت
كايد حط يده على كتف عقاب : يخسى صقر
صقر : يع من وجهك يا عقاب لازم تخرب
كملوا ضحك وسهره ثم توجه كل واحد لبيتهم إلا كايد توجه لبيت جدهم مع عقاب
YOU ARE READING
من روض نجد والهوى معشوقها
Actionتبدا روايتي عن « عقاب وكايد » عيال العم والأخوان وعلاقتهم قويه جدًا ، لكن فجأه ينقلب حالهم بسبب ! والسبب الغريب إللي يخلي العّم تميم يختفي عنهم ولا يفكر إنه يوصلهم ! وهل عقاب بينتصر بحُب الهنوف أو !
