بسم الله الرحمن الرحيم
طنشوها وكملوا سوالف / الهنوف : وش رايكم نروح السوق ؟
وهج : تمممممم
الهنوف : اقصد الكبار مب الي عندهم مدرسه بكرا
نوت : اشوى اني ماقلت شيء
ضحكت الهنوف : امززززح خل نكلم جدتي
ميهاف : أنا عندي اسلوب بكلمها
ميلاف : اخس يام الاسلوب انتي
توجهوا لجدتهم وهم يضحكون „ سلمى : اول شيء قصروا حسكم عالي وثاني شيء وش يضحك
ميهاف : جده وش اخبارك
سلمى : يعني وقتي كله معكم ماتعرفن اخباري؟
ميلاف : اافاااا ياجده والله اني أغليك تدرين
سلمى : والله ادري انتي وبس
ليلى بغيره : طيب وانا ؟
سلمى : كلكم حبيباتي
الهنوف : طيب يا جده يا حبيبتنا نبي السوق
سلمى : اطلعي لواحد من العيال وخليه يودينا
الهنوف ركضت للباب بحماس وهي مسرعه وقفها الي قدامها صدمت فيه / فتح عقاب عيونه بصدمه : انتي وش تسوين هنا
الهنوف ركضت بخوف : الله لا يوفقك الله لا يوفقك
عقاب : هذي من المجنونه
وهج بأستغراب : مين ؟
عقاب : الي طلعت تو من
وهج : اييييه الهنوف شفيها
عقاب : الهنوف بنت كايد ؟
وهج : ايه شفيها
عقاب : مابها شيء ادخلي داخل
وهج : انت موجود بس ؟
عقاب : ايه انا بس وش تبين
وهج : جدتي تبيك
دخل داخل بعد ماطلعوا البنات مابقى غير الجدة سلمى ووهج وعقاب
سلمى : فاضي يا امي
عقاب : ان ماكنت فاضي افضى لك
سلمى : اجل ابيك توديني انا والبنات للسوق
عقاب بوهقة : ها الحين ؟ اجهزوا
بسيـارة عقاب »
ركبوا كلهم ماعاد الهنوف مالقت لها مكان : ياليل هذا ليش ياخذنا بسياره صغيره
عقاب من ورا : ليكون مب عاجبك يالاخت الهنوف ؟
خافت وزعلت من كلمة " يالاخت " ردت بصوت عالي : بس أنا مب اختك
عقاب : لا تتمادين وأركبي
الهنوف : مابي اروح معكم ماعاد ابي
عقاب : بكيفك هو تقعدين لحالك بالبيت ؟
الهنوف : عماتي موجوده مانيب قاعده لحالي
عقاب بعصبيه : قلت اركبييي الحين
تأففت الهنوف وقعدت بحضن ميهاف : كريييييييه
تأفتت الجدة سلمى وبصوت مسموع : يلا كلكم انزلوا / فتح عقاب عيونه بصدمه : وين ينزلون ؟
الجده سلمى : وين يعني ؟ البيت يلا
الهنوف أبتسمت بأنتصار : أبشري
لمح ابتسامتها من تحت النقاب : لا بالله ياجده
الجدة سلمى : لا بالله انت ياعقاب اجل هذي سواة تسويها ببنت عمك تصرخ عليها وقدامي بدون أي احترام للي قدامك ؟ وعناد بك ماحنا رايحين يلا انزلن // نزلوا البنات بقهر على طلعتهم الي خربت بسبب هبال الهنوف وعصبية عقاب
دخلت الهنوف بروقان وشافت وجيهم وعصبيتهم الواضحه : طيب اسمعوا اول شيء وهج انتي تعرفين اخوك يجلط صح ؟ وانتم بنات عمه وتعرفون انه يجلط بس براضيكم مع اني ماغلطت وبسوي لكم احلى شاهي // تقدمت لها ميلاف وحضنتها: كنك حاسه إني مشتهيه شاهي
ليلى : فليتيها انتي كل شوي مشتهيه تقل حامل
ميلاف : نعم نعم حبيبتي انتي المتزوجه مب أنا ترا
ليلى : لو سمحتي اسمه مخطوبه مب متزوجه
ميلاف : لا ياقلبي وش الفرق مملك عليك يعني اص
ليلى : ماعاد به احترام للكبير !
شهقت ميلاف : يخرب بيتك كلها شهرين
ليلى : ايه ياعمري حتى لو شهور أنا اكبر منك واحترميني
ميهاف : وين هيفاء بس تهايط عليكم كلكم
وهج : أشتتتتتتقتتتتت لها
الهنوف سارحه بأفكارها وتسوي الشاهي
وهج بهمس : تفكرين باللي صار مع عقاب ؟
فزت الهنوف : وش صار
وهج : وش صار يعني اقصد الي تو
الهنوف : لا يخسي ماطقيت له خبر
وهج : ادري ماطقيتي له خبر بس لا تزعلين هذا عقاب وتعرفينه وتعرفين حركاته مايحتاج اقولك صح ولا
الهنوف : لا ماعليك ولد عمي وأعرفه واعرف تفكيره المتخلف
وهج : هيه حدك لا تغلطين على اخوي
الهنوف : انتي يالنذله تعطيني الامان ثم تقلبين علي
_____
بيت آل مساعد ..
بعد ماوصل عقاب لهم وللان على قعدتهم وبينهم خالد إللي مايعرف وش السالفه الشيء الوحيد الي يعرفه انه بين خواله وعمامه وبينهم كره
عقاب : السلام عليكم
الكل ماعاد شجاع : وعليكم السلام
عقاب ببرود : السلام لله يالشاطر
شجاع : اسلم على الكل ولا اسلم عليك
دخلت الجدة ثريا بعصاتها وبرقعها : وش هاللي تقوله يا شجاع ؟
شجاع : ماعليك ياجده تعالي
الجده ثريا : أظن إني سألتك ومانيب وغد عندك عشان تصرفني على كيفك
شجاع بفشله: السموحه موضوع بسيط بيني وبين عقاب
نمر بهدوء : مافيه إلا كل خير حنا جايين ناخذ خالد لاهله
شجاع : حنا اهله
وايل : سكت لك كثير واتوقع كلنا نعرف مين اهله دام خالد نهاية اسمه آل عبدالعزيز يعني مالك اي حق فيه هذا وأنت محامي وتفهم ! ولا داخله بالواسطه
شجاع : الواسطه انتم اهلها يا وايل
وايل : عن اي واسطه تتكلم عنها وكلنا نشتغل بشغل جدي ؟ ولا صارت النياق والتجاره واسطه بعد
شجاع : خلصت ؟
وايل : رد عليك النياق والتجارة صارت بالواسطات
شجاع : خالد منتم ماخذينه وذا ولدنا
عقاب : ياخوي وش بلاك ماغير تفشل حالك سألك رد وإن ماكان عندك رد لا تتكلم من البداية عن أشياء مالك لزوم بها وان على خالد فأنت تدري اني بكسر راسك وآخذه
نمر : وأذكرك بعد تراني ابوه انت من ؟ تراك ولد عم امه وخطيبها لا اكثر ولا أقل لا تشوف حالك بمكان منت فيه
الجدة ثريا : خلصتوا ؟
نمر : السموحه منك ماكنا نبي الامور توصل لهنا لكن حفيدك أنتي اعلم به وبحركاته
الجدة ثريا : ولاني اعرف شجاع وأعرفك خذ خالد لاهله
شجاع بعصبيه : وشلوووون ياخذه وحنا اهله؟؟؟
الجدة ثريا : لا منت اهله الولد لعمامه ماهوب لخواله
شجاع : يعني عادي عندك ولد هدى ينوخذ منها؟
الجدة ثريا : وين انوخذ ؟ بنفس الديره وعند اهله ولو تسألها بتقولك خل يأخذونه كم لك حارمهم منه وانت مالك حق به
تجاهل عقاب كلامهم ومناقشتهم وأخذ خالد وطلع أبتسم نمر للجدة ثريا وطلعوا
YOU ARE READING
من روض نجد والهوى معشوقها
Actionتبدا روايتي عن « عقاب وكايد » عيال العم والأخوان وعلاقتهم قويه جدًا ، لكن فجأه ينقلب حالهم بسبب ! والسبب الغريب إللي يخلي العّم تميم يختفي عنهم ولا يفكر إنه يوصلهم ! وهل عقاب بينتصر بحُب الهنوف أو !
