عذابي سكون

𝚙𝚊𝚛𝚝 3

#عذابي_سكون

بـ قَلم :- روز + نور

|البارت الثالث|

< بسم الله الرحمٰن الرحيم >

●○●○●○●○●○●○●○●○●○●○●

بعد ثلاث أشهر ...

- من بعد مُدة مو قليلة وأنا أكتب بالرواية إلي نذرت نفسي إلها ، إلي حسيتة موجود يمي بكل حرف أكتبة ألتمس الكلمات والحروف بحُب وشوق بديت صفحة جديدة وأنا أكتب بيها روايتي ..

- شنو النهاية ياتُرى؟

- معقول نرجع؟

- معقول أحب غيرة .. تؤ تؤ مُستحيل

- أعداد لا تُعد ولا تُحصى من ألاسئلة إلي أجت ببالي وكان عقلي راح يوقف وأنا أستبعد فكرة أحب غيرة لو يحب غيري أتخبل أذا صار هيج شيء !!

كاعدين اني وحياة وحده تشكي همها للثانية بالنسبة إلي همي چبير وچتافي مو حملة حياة همها مو اقل من همي يبو احنه ألاثنين أبد حضنا عاثر دائماً ادعي الله يريح بالنا وقلوبنا

أني متأكدة وكُلي يقين جايينا الفرج وكل إلي علينا نصبر وأن شاءالله يزول كل هَم .

∆∆∆
الحاضر..

كاعدين أنا وحياة حاطة إيدها ؏ خدها وصافنة بـ وجهي خلتني اشك وجهي بي خلل أردفت بتساؤل ..

سكون :- يا حياة شبيج صافنة عليَّ؟

حياة :- وانتِ منو مگلب وجهج صافنة بس بالي مو يمج

سكون :- لعد وينة بالج

حياة :- يم حضي الاغبر .. اكلج عوفي وجهج وعوفي حضي ليش ليوم منروح نزور الامام الكاظم عليه السلام والله روحي تفرفح ؏ الزياره من زمان مارحنا

سكون :- الله اني هم والله بس منو ياخذنة

حياة :- كرار الوردة

سكون :- اهوو هسه يذلنا ذل الزمال

حياة :- ههههه لا خلي يولي اني احاجي وهو عاد يكيف يبقى يحشش علينا

سكون :- خوش لعد كومي خلي نحاجي

نهضنا سوة دخلنا لجوو شفنا كاعد ؏ التخم يباوع بالموبايل تقدمت حياة لـ ناحيتة ..

حياة :- كروري اخذنا اليوم للـ زياره والله ضايجين ومتأكبين

كرار :- وشتنطني وشحصل

رفعت إيدي وغميتة ..

سكون :- عوذة لهل وجه ولك احنا اخواتك شتريد يعني شنو شننطيك

كرار :- أنتِ ما أطلعج مُعاقبة

سكون :- ليش بلا شمسوية

كرار :- بكيفي