عذابي سكون

𝚙𝚊𝚛𝚝 9

                   #عذابي_سكون

بـ قَلم  :- روز + نور

لاتنسون المتابعة والتصويت والكومنت بين الفقرات..

اللهم صلِ على محمد وآل محمد الطيبين الطاهرين

«البارت التاسع»

«•»«•»«•»«•»«•»     

            ويَشْفِي شفاءٌ ثم فيه شِفَاءُ
             وننزل يَشْفيني هُدىً وشِفَاءُ
            فذي ستّ آيات إذا ما كتبتها
         لذي مَرَض مُضْنًى فهنّ شِفَاءُ يا 
         رحيماً بالمؤمنين إذا ما ذهلت عن
         أبنائها الرحماء يا إلهي وأنت نِعْمَ
         اللّجاءُ عَافِنَا واشفِنا فمنك الشّفاءُ

                           ᏪᏪᏪ

عذاب:- ماما حياة..

منار:- شبيها حياة!

عذاب:- برا ووياها نسوان هواي

طلعت برا مفزوعة كل ظني حياة بيها شي أو متأذية، استغربت لأن مادخلت وضلت برا !! .. حياة وام زوجها واخواتة وزوجات اخوانة كلهم واكفات..

سلمت عليهُم بوستهم كلهم وجوههم متغيرة ومصّفرات  ، دخلوا للـ بيت رحت للمطبخ اجيبلهم ضيافة  , اجت وراي حياة ووياها عذاب..

سلموا ؏ بعض سلام حارّ لأن عذاب ما أجة بعرسها ومن غيرها هوَّ ما جاي ولا شايفتة إلها فترة..

حياة:- خرب كبران!

عذاب:- ولچ حياتي هيَّ كم شهر، تؤ تؤ امسحي دموعج

حياة:- كم شهر! ولك شلون تروح لـ فرنسا ومانشوفك شلووون غير اموت وعلي

حضنتة ورجعت تبچي وتندب أخر شي مسحت دموعها بـ حركة سريعة وكأنُ تذكرت شي..

حياة:- ماما إلتهيت وي عذاب ونسيت.. أخوان عمر كلهم ماكو مختفين

عذاب:- شنو وين راحوا

حياة:- ولك اني شمدريني يمة رادوا ياخذون عموري وياهم همزين ماراح!

منار:- دهر هل أكول عليمن جايات

حياة:- أي وباعي عمتي ام عمر تگول خلي الثلاثي وبابا وعمو يربطون احزمتهم ويدورون ويانة

عذاب:- گليلها تعذرني اني البس شورتات بهيج مواقف

ارتخة وجه حياة وكامت تضحك ضحك هستيري..

حياة:-  هههههههه يابوية صدك ضحكتني

عذاب:- ولچ أسكتي لا تدفر باب الكاونتر وتطلع من الخانة تگللنا على المسافرين الكرام أداء أجراءات السلامة وربط الاحزمة..

حياة:- هههههههههههه اغماء

عذاب:- ترا ما تضحك تافهة!

منار:- زين وتعرف نفسك تافه