عذابي سكون

𝚙𝚊𝚛𝚝 6

                    #عذابي_سكون

بـ قلم  :- روز + نور

لتنسون المتابعة والتصويت والكومنت بين الفقرات 🪸.

اللهم صلِّ وسلم وبارك على سيدنا محمد وعلى آله الطيبين الطاهرين..

«البارت السادس»

●○●○●

مرّ شهر واني مخطوبة من عمر چنت بوقتها أحس نفسي بالعسل مدللني ومغرگني هدايا وغزل..

واكفة كدام المراية أتفنن بنفسي لأن عمر جاييني الليلة، متحمسة ييجي وهاي ثالث مرة ييجي بيها.. دائماً يسولفلي ؏ أهلة وحياتة ومرات تجي امة تزورني كلش حبابين وطيبين

محمد صح رافض عمر بس بأصرار من ماما ولـ خاطري يسولف ويا طبيعي لاكن يبقى السؤال محمد كلامة صح!

بعد ما أدري كلي خوف وتردد بس أطرد هالاشياء من بالي، الشهر چان كفيل بأن يخليني أعشقة خاف چنت أحبة لا هسة أني من صدك احس نفسي اعشقة..

شاب في قمة الرقي والاخلاق والجمال كلش رومانسي وتصرفاتة تطيرني لـ سابع سما، بس أروح وأرجع ؏ كلام محمد..

محمد مو أناني ويتمنالي الخير يعني حقيقة كلامة والحجي الي بي مّس خُلقي اتجاه عمر شنو وليش؟ الي داشوفة عمر شاب حباب وماعندة هيج سوالف!

نزيت ؏ صوت سكون تدك بالباب وتعيط..

حياة:- شكووو سكووووون

سكون:- يلا اجة خطيبج المهلس

حياة:- ولي لج ترحيلة فدوة

سكون:- عليمن أروح فدوة لأبو بو**

دفرت الباب وشردت عيطت عليها لحد ما مليت لسانها طويل ولا كأنما عمرها 9 سنين توكف شعر راسي من سوالفها..

كملت إلي بأيدي تعطرت وطلعت متقدمة للدرج نزلت واحس روحي مشتاقتلة مع أنُ كل اسبوع ييجي، رحت للصالة شفت ماما وبابا كاعدين شهلاء ونجلاء التؤام كاعدات يم بابا وكرار يمهُم..

كعدت يمهم استمع للـ سوالف عمر وبابا مندمجين يسولفون أنتبهت ؏ عمر يباوعلي بالبوگة بس بابا يلتهي بـ شي مباشرةً يدير عيونه عليَّ

أجة لـ بابا أتصال ترخص من عمر وطلع أشرتلي ماما بـ معنى راح أخذ البنات وأطلع، أخذت التؤام وطلعت وكرار طلع همين..

أجتني سكون تغمز بعيونها وتسوي حركات بأيدها عدها سوالف أبد ما صايرة والسبب تربية عذاب ومحمد إلها

مايلعموها أشياء قليلة أدب بس هيَّ تشوف هالحركات وتقلدها يعني ماتعرف إي شي ولا تعرف صحة تصرفاتها، انحرجت من ماما تباوع ؏ سكون وتضحك..

ماما تدري ماعدنا شي بس نسولف وهوَّ يستحي يسولف وياي كدام ماما وبابا، تقدم وتربع كدامي ميل فمة وأردف بـ قلق..