عذابي سكون

𝚙𝚊𝚛𝚝 5

                     #عذابي_سكون

بـ قَلم  :- روز + نور

لتنسون المتابعة والتصويت والكومنت بين الفقرات 🪸.

البارت الخامس  || بسم الله الرحمن الرحيم  ..
اللهم صلِ على محمد وآل محمد 🌺.

●○●○●○●○●○●○●○●○●○●○●

- سبرايز

جحظوا عيوننا من الصدمة إلي امامنا هذا بابا زين شجابه هسه مو على أساس بعد شهر يلا ييجي دخل للبيت يوزع نضراتة ؏ الكُل تقدمت أثل بأتجاهة تركض ..

لزمت زندة تتوسل بي وجهها أصفر وترجف هوَّ ورا ما دخل قفل الـ باب ورا والموجودين كلهم بقو صافنين واحد من الموجدين نطق طالب من بابا يفتح الباب يطلعون  ..

رمقة بابا بنضرة خلتة يسكت ومايحجي بعد ولا حرف ..

اثل بتوسل  :-  بس خليني افهمك

علي  :-  شتفهميني يلا فهميني

سحب كرسي من الكراسي وكعد عليّ بس بالعكس مثل من يكعدون المحققين ويحققون مع المجرمين الكُل صافن عليّ ومن مافيهُم اني

بس الفخر إلي حسيتة بـ لحضتها من صدُك چان شي عظيم قبل لاتحجي أثل مُكملة لكلامها أشرلي أجي بجانبة

تقدم بخطوات ثقيلة هادئة ومتحمسة لزم راسي بكفوف إيدة حضني وباسني أردف وهوَّ يرمق الموجدين بنضراتة

علي  :-  شوف شلون راح اخذ حقك عضيدي  ..

وكفت أثل تحجي بـ تلعثم وماتعرف شنو تحجي بقت تطلع كلام من قلبها وتحچي كلام مخربط ومامفهوم أخر شي بقت تبجي وتتوسل بي ..

أثل :-  والله والله أسفة ماعندي غيرك حباب لاتعوفني

علي :-  واني ما ألفي ک*** للأسف  ..

أثل  :-  الله يخليك علي خليني يمك حتلو خدامة راضية

نهض وتفل بالارض بـ جنب مكانها الواكفه بي واردف  ..

علي  :- كلشي سويتي شايفة و ادري بي وكل مرة مديتي ايدچ النگسة ؏ عذاب بيها راح اندمج وأعيشج اضعافها  ، ماراح اوسخ ايدي بيج تؤ وتدرين انتِ أثول بنية تعرفت عليها بحياتي أول مره أشوف ک*** ثولة لچ لا المفروض تصيرين نبهة ومعدلة ، كم مرة لاگفج  .. أعرفج كلش زين كم مرة لكفت أغراضج واجهزتج بيهن اشياء وسخة وسكتت وگلت الزمها بـ لحضتها حتى متكعد تتبجبج وتنكر بس إلي صدمني وفادني اكثر هو تعاملج وي عذاب  ..

دخلوا زلم لابسين عسكري وجان منظرهم مُخيف اعتقلوا كل الموجودين وطلعوا   ..

وبعدين عرفت أنُ شُغلهم ماچان بس مُجرد ونسة لا چانت اكو أشياء أكبر ومن كبرت يلا عرفت معناها  ..

طلعت أثل من حياتنا ورجعت استقرت حياتي وأرتاحيت منها صح بعدني متأثر بـ فراق امي بس أبوية چان معوضني عن الكُل وهوَّ صايرلي ألام وألاب بنفس الوقت ومامخليني احس بـ عازة احد هذا من عدى عمة ميسة وماما منار بقت مستمره حياتنا ؏ هذا النمط لـ مدة ست  سنوات  ..